عبدالعزيز الرميحي
02-22-2017, 06:38 PM
ياحلو غصب المهتوي " لا صار يتغلى دلال !
لو الدلال احيان في معناه نظرة مستحي
قالت حكاوي عينها ' تعال يـ الشاعر تعال
هذي حروفك نبضها من غالي إحساسك وحي
هات المعاني كلها في مزهريات الوصال
خل الأغاني في اثير الشوق تمحينا محي
في خايعٍ فيه ام سالم صوتها الفاتن خيال
سبحان من جمّع جمال الحي مع جماد حي
تشب ضوك في نحيل السمر يوم الظل مال
عصير قبل الشمس لا ترخي هدبها المنتحي
وتزيد له من جذعه المشبوب في كتر الدلال
وتركب المفواح لين المااا تسمّع له فحي
وتسكب على البن المنقى فايح ألما باعتدال
على قدر ما تحكر الدله مزاجك يصلحي
خل الجمر من حدرها حامي ولا فيه اشتعال
مهيلة تجعل مغاليق الهواجس تفتحي
ما ودنا في عالمٍ لعل طبعه للزوال
الا مثل هب النسيم اللي نحى عنهم نحي
والا مثل صبحٍ نبت نشوان في شم الجبال
في فتنةٍ يطرز احمرهاالمذهّب مشلحي
تناجي بحرفك رهيف الذوق بالسحر الحلال
ما كل صيده شارده قدام عينك تسنحي
لو الدلال احيان في معناه نظرة مستحي
قالت حكاوي عينها ' تعال يـ الشاعر تعال
هذي حروفك نبضها من غالي إحساسك وحي
هات المعاني كلها في مزهريات الوصال
خل الأغاني في اثير الشوق تمحينا محي
في خايعٍ فيه ام سالم صوتها الفاتن خيال
سبحان من جمّع جمال الحي مع جماد حي
تشب ضوك في نحيل السمر يوم الظل مال
عصير قبل الشمس لا ترخي هدبها المنتحي
وتزيد له من جذعه المشبوب في كتر الدلال
وتركب المفواح لين المااا تسمّع له فحي
وتسكب على البن المنقى فايح ألما باعتدال
على قدر ما تحكر الدله مزاجك يصلحي
خل الجمر من حدرها حامي ولا فيه اشتعال
مهيلة تجعل مغاليق الهواجس تفتحي
ما ودنا في عالمٍ لعل طبعه للزوال
الا مثل هب النسيم اللي نحى عنهم نحي
والا مثل صبحٍ نبت نشوان في شم الجبال
في فتنةٍ يطرز احمرهاالمذهّب مشلحي
تناجي بحرفك رهيف الذوق بالسحر الحلال
ما كل صيده شارده قدام عينك تسنحي