على كتف الغيـاب ..!

[عواطف محمد]

‏كل يوم اكتب " كلام "
‏اكتبه والقاك فيه ...!
‏ارتبك ..
‏واضيع فيك ..
‏افقدك ..
‏وانسى اني
‏نسيتك من زمان
‏وارجع
‏........ واشطبة !

[عواطف محمد]

ياصاحبي مات الزهر في يميني
وانا عجزت اصدق الوقت وانساك

حنيت لك واستيقظ الصبح فيني
يعزف على صدر المواعيد ذكراك

[عواطف محمد]

‏ياليل ماباقي
لـ أحلامنا منفى
‏
‏ثملت بها اوراقي
والحظ ماوفى ..!!

[عواطف محمد]

ليل وسهر واحباب ماعادوا قراب..
ــــــ فيه التعب كم عانق ضفاف يمي


لين امتلى صبح المواعيد غيّاب
ـــــــ وفاض المدى بالدمع من زود همي


ليل الشتاء.. كذاب
كم فرق..[احبابي]


حتى الرجا به خاب
ولا.. شفت غـيّابي


راحوا بلا.... ايــاب
والعمر.../ ..عــدابي


ناديت ... ياغيّاااااب
رد الصدى بــابي...





غيّاب.....ياغيّاب
غيّاب.....ياغيّاب
غيّاب......ياغيّاب
صبح الوعد ماملته
تنطر على هالباب
ترسم ملامح طلته
عصفور حلمٍ شاب
من شانكم ما خلته





صاح المدى مرتاب
من بحة.../.. عتابي


غصن الثواني ذاب
و[الحزن].... غنابي



مدخل اخر...



الشوق فيني ماغفا
لـ الليل ينفيني..
يالبرد محتاجه دفا
تكفى تخليني..
وان مرني صبحك وفا
قله يدفيني

[عواطف محمد]

وان قلت احبك...يكفي اني ( احبك )
واحسها مثل دمع الفرح مايكتب ...

[عواطف محمد]

‏ماغفى ليل فـ غيابك ..!
‏ولا هدا بعدك صباح

‏كل ما هـ البال جابك ...!
‏"صاحت بقلبي الجراح "

[عواطف محمد]

https://d.top4top.net/p_886cnx1h0.jpg



على وين وداك الغياب بسكة الماشين
بعدك الشقا لـ ايات وجهه يودينا.....؟

رحلت وكن هالعالم بفقدك كلهم مقفين
وكنا خلف خطواتك توقفنا خطاوينا ...!

[عواطف محمد]

‏انسج لهم من حلم ليلي مشاوير
‏ويموت من هجر المواعيد صبحي ..