محاورة : بمجلس الأمن !

[عادل بدر]

" بلير "

الله لا يجزاك بالخير يابوش
ـــــــــ ورّطتنا في حرب صدّام وَرْطَة

عزمتني وتقول بترول وقروش
ـــــــــ بس الحقيقة روحتي معك غلطه!

[عادل بدر]

" بوش "


يابلير ردّ العلم عن بوش بن بوش
ــــــــــــ الله خلقنا للمقاريد سلطة!

أبوي عنده للرجاجيل دنبوش
ـــــــــــ كم واحدٍ شلنا فلوسه و نفطه !

[عادل بدر]

"بلير "

أبوك والنعمين مار أنت مربوش
ـــــــــــــــ تموت بالبترول وتحبّ شفطه !

صحيح عندك مال وسلاح وجيوش
ـــــــــــــــ مار أتوقّع لك بنكسه و سقطه !

[عادل بدر]

" بوش "


يا بلير كانك خفت يوم أحتمى الهوش
ـــــــــــــــــ والله ما تاخذ من النفط نقطه !

قبلك ترى شيراك كد راح مكروش
ـــــــــــــــــ شُوفه يصرّح كل يوم بـمحطّه !

[سلطان ربيع]

متابع


لا تتوقف :)

[عادل بدر]

" بلير "

وراك ما تعطي لشيراك {عرموش}
ــــــــــــــــــ تراه مشغلنا بشيله و حطّه !

ولياأنتهى موضوعنا نرسل طروش
ــــــــــــــــــ نجمع لك المبلغ من الربع قطّه !

[عادل بدر]

" بوش "

شيراك هذا عنده الفكر مدووش
ـــــــــــــــ فَرَط علي في مجلس الأمن فَرطَه!

يدزّه اليابان والصين و يطووش
ـــــــــــــــ ومزهّب الفيتو لتحقيق شَرطه !

[عادل بدر]

" بلير "

يابوش أنا خايف و مرهق و مربوش
ــــــــــــــــــــ وأنته تقول الحرب خدعه و خطّه !

أسراي وأسراك أمتلى منهم الحوش
ــــــــــــــــــــ عزّ الله أنه صابني منك جلطه !