تسأل لو اغليك؟

[حسام المجلاد]

غزليّه :

تسأل لو اغليك يازعلان من جدك؟
اموت بك حب؛ وانت الآمر الناهي

اودك بجيّتك .. وبْصدك .. اودّك
واتشفق إن غبت عني طرفك الساهي

قرّب لي ارجوك وأروْ الروح مِن عدّك
انا دخيلك .. وقدّر* وجهي وجاهي

وعلى شفاهك لاسال الدمع من خدك
لاتمسحهْ .. خلّ هالشغله على شفاهي

ماشِفت مثلك .. ولا بين البشر ندّك
لو ماتباهيت* .. فيك؛ الزين متباهي

في صفّك يصير كل اللي وقف ضدك
لامن تبخترت حِسْن؛ بوجهك الباهي

ياسيّد الغِيد منهو "بالحشا".. قدّك؟
ترحل وتاتي؛ "وقدرك" داخله راهي

وإن قلت ابطلبك عِذْر يناسب لصدك؟
سلهام عينك .. يسمّن عذرك الواهي

اطعن حبيبي.. ياحْلو الجرح من يدّك
أزعل عليك انت؟ والله مابقى إلّا هي

وتسأل لو اغليك لين الحين؛ مِن جدّك؟
سلمتك الروح .. وانت الآمر الناهي !

[سيرين]

نص مفعم بالجمال الآسر لمن كان بها الحسن يتجمل
شكرا لهذا الغيث الانيق وقد تماهى به الصباح عذوبة واشراق
سلمت يمناك شاعرنا المبدع \ حسام المجلاد
مودتي والياسمين

[بلقيس الرشيدي]

...
...

وتسأل لو اغليك لين الحين؛ مِن جدّك؟
سلمتك الروح .. وانت الآمر الناهي !

إبداع يفُوق الشعُور رَوعة يِسلم احسَاسك يَامطر
كُل التقدِير
.

[رشا عرابي]

الله الله يالحسام
تُربك الإنصات بكمٍّ من الشعر يستحضر الشعور حيّ



اطعن حبيبي.. ياحْلو الجرح من يدّك
أزعل عليك انت؟ والله مابقى إلّا هي


لله أنت !

[وليد الفالح]

الله الله ياحسام رائع كعادتك
تقديري

[سلسبيل]

جديدك مبهر

يحفظك الله

[نادرة عبدالحي]

إبداع خاص يملكه صاحب الإبداع ويصبح الشعر قبائل من الورد

ويقلب الشعر الصحرا لحدائق عبيرها لا يشبه عبير ،

سلمت يداكَ وقلبكَ الطيب ،

[سلطان الدوسري]

وعلى شفاهك لاسال الدمع من خدك
لاتمسحهْ .. خلّ هالشغله على شفاهي

أصدقك القول يا حسام ؟
حين قرأت هذا البيت توقفت وأفسحت المجال للخيال .!
ممتعٌ أنت أيها الشعر .. صح فكرك وحرفك