للذكريات .. ابعاد

[عون القحطاني]

حبيبتي .... اليا خذا الليل شمسك
طلّي علي .... لا تتركيني مع الليل

محتاج لانفاسك و صوتك و همسك
ياللي على همسك ... تشع القناديل

[عون القحطاني]

.
انا العاشق .. انا اللي ما خلف وعده
تغيب الشمس ... او تشرق انا احبك

احبك حب ..... لا قبله ..... ولا بعده
عساني ياعساني .... ما انحرم قلبك

[عون القحطاني]

.
تلوم الصبح .. لو ضمّك
يبيك .... اتعطّر اشعوره
.
صباح الحب .. من فمّك
جناين ورد .... ممطوره

[عون القحطاني]

.
هالحزن .. لو مرّت عليه .. فصول
غصنٍ شكى ... من ساجع الورقى

يقرونه الاخضر .. وهو كم حول
ميت ضما ... محروم ما يسقى

[عون القحطاني]

.

اوجعتني طعنتك .. ما كنت داري
درْت ظهري وانت مكّنت الخناجر

[عون القحطاني]

من وين ما ودك نطِيِر ! .. انطير
خذني معك ... و افّرد جناحينك

روحك ... على غصن المحبه طير
و انا ... صباح الخير في عينك

[عون القحطاني]

هلا والله ... الى قالت : هلا والله
يذوب القلب .. وتومي به معاليقه

هلا و الله تسوى .... هالعمر كله
هلا والله منها .... تجلي الضيقة

تعطر من ثغرها .... و المطر بلّه
قصيد الشوق تعشب به طواريقه

[عون القحطاني]

من كثر ماهو طاهر احساس وشعور
تذوب له* شمس الضحى و السحابه
.
الله خلق روحه .. من العطر* والنور
روحه .. مع ارواح البشر .. ما تشابه
.
عادي* اذا شفت* الفراشات .. بالدور
تتسابق* ل عطره ... و لا به .. غرابه
.
و الاجمل ان* جنة* وروده* بلا* سور
اجمل* شعور ٍ ... للنقا ... و الرحابه