الأرض السابعة

[عامر الأشجعي]

بسم الله نبدأ ..


:

[عامر الأشجعي]

:

فلا من ذهب صمتي ولا للحديث شجون
وعوج المحاني .. كن الأيام تحطبها ..

وتوقد بها : وانتي يمينك مطر ومزون
وبرد وسلام أبرد : من اعلى جبال ابها

[عامر الأشجعي]

مساء جميل ..

تسجيل حضور في هذا الركن الهاديء .. لا أكثر



..

[عامر الأشجعي]

أيوه؟

الجانب الإيجابي ، لعلّ هذا الجيل يفرّق بين عدوّه وصديقه ..

:


تمر سنين ، والعالم هو العالم
به المظلوم والظالم ..
به المسكين والحالم ..
وحنا لا نزال احياء ..
ومن خلف الستار اشلاء ..

تمر سنين ، ونردّد
تصالح ليه يا سالم؟
تصالح ليه؟

مادام الأرض مسلوبة
مادام الناس , منكوبة

نحاول بس بالكلمات ..
وحنا عذرنا والم ..
وطبعاً عذرنا اكذوبة ..

ولا نقرا من اللي فات ..
ولا صوت القبور اللي هم الأحياء
وحنا اموات ..
ولا حزن العذارى اللي ، بدون اصوات

تصالح ليه ياسالم؟
اذا صارت دمانا ، ميّ
اذا صرنا بلا قيمة .. بلا شيمة ..
ولا تسوى ونسوى شيّ ..

:

[عامر الأشجعي]

تدرين وش قصة الأحلام والمينا؟
تدرين وش تفرق الضحكة عن البسمه؟

تدرين وشلون ضيعنا أسامينا؟
هو باقي انسان فينا مايعرف اسمه ..

يمكن كلامي بلا معنى ويكفينا ..
نرضى بحكم القدر والوقت والقسمه ..

لكن دعونا نعيد .. احلام ماضينا ..
وطفلٍ يحسب الخطوط المايله رسمه ..

يمكن يطير الورق من بين ايادينا ..
مثل الورق بالخريف تطيّره نسمه ..

ويمكن يجي صبح ونودّع ليالينا ..
واللي بلا روح ترجع روحه لجسمه ..

[عامر الأشجعي]

يطرق الباب ، قولي مين ياطارق
ويتلعثم قبل .. ترتيب كلماته

لاهو اللي وجوده يصنع الفارق ..
ولـ انتي اللي سمعتي وقع خطواته

أرعد الغيم حزن .. ولاح له بارق
علّمه وين دربه .. واتجاهاته

وشاف برّ الأمان ومركبه .. غارق
يا عيونٍ بها موته .. ومنجاته

[عامر الأشجعي]

..


طاحت من الأرض قطرة للسما السابعة
فلا تدقّق كثير .. ولا تفكّر كثير

:
:
خذها مجرد كلام، وغلطة الطابعة
وان كان لي ذنب فيها، ماهقيته كبير
:
:
والشاعر اللي بلا جمهورٍ يتابعه
يكتب لنور القمر ولّا لميّ الغدير
:
:
أحياناً تطيّر القرطاس .. زوابعه
واحيان تثقل عليه الريّشة من الأخير
:
:
هو يدري أنّ البشر أكثر من اصابعه
لكن عن الكثرة وعن البشر مستخير
:
:
يكفية خوّة ثلاثة وان حصل رابعة
وحبّ بدوية، وعند الله حسن المصير

[عامر الأشجعي]

،


ياخي حرام الحي مايرحم الحي
نصف الأوادم مات "قبل وفاته"


أما الوصال اللي فلا يقطعه شي
ولا الوداع اللي .. بدون التفاته

[عامر الأشجعي]

حبيبي مافرق يومي وبكره
إاذا دار الزمن دوران بكره
أحبك أيه لكن أيه بكره
إذا مثل الزمن بتدور بيّه

:

بعينك هذي وهذي شوفيني
وقولي بعد ما غبتي شو فيني
مدامك لي وطن وآني شوفيني
ابيع العمر ومالي منك ديّه

:

ذكرت عيونها السودا وفاها
على أسم الوفا لكن وفاها
أكمل ولا أسكت يا وفا ها؟
واعلم قد أيش انتي وفيّه

:

ولايه مايتشابه مع ولاكم
أسلّم وانتو اتردّو ولاكم
أبيع وماسألتوا كيف ولا كم
يبه لو مارحِتْ آني ضحيّة


.

تجارب أبوذيّة

[عامر الأشجعي]

صباحيّة :)

:

مايكتمل شعري بلا سيجارة
ورشفة من القهوة بليّا سكّر
:
:
وفتلة شنب عقيد باب الحارة
هذي طقوسي لابغيت افكّر
:
:
أبحرت لكن ضاعت المنارة
وش فايدتها والبحر متعكّر
:
:
"إياك أعني واسمعي ياجارة"
وان ماسمعتي قصّتي متشكّر
:
:
ياقرب قلبي منك ويا مشواره
وياطول دربي والطريق مسكّر
:
:
ياليتني طيرٍ نسته أوكاره
وأوّل على روس الجبال موكّر
:
:

ماعاد يذكر وجهته ودياره
لو كان تسوى رجعته، متذكّر
:
:
والغايب اللي غيبته، تذكاره
هي حدّ علمي بالمنام مبكّر

[عامر الأشجعي]

..

سيدتي، أريد بعض الكحول لو تكرمتي
- أي نوع؟
لا أريد شربها، أريد أن أسكبها على هذا الجرح
- لقد فهمت، تودّ تعقيمه
أريد علبة كبريتٍ أيضاً .........!!

[عامر الأشجعي]

،

"منهك" وإذا تبغى السبب أحذف "الهاء"

[عامر الأشجعي]

عذراً على طول الغياب .. أدين لابعاد الولاء

..

[عامر الأشجعي]

..

مسائك شوي من هالحزن يا سمرا
اللي تركتيه لا وجهه ولا حادي

ومسائي الليلة اللي مابها قمرا
اللي تساوى بها موتي وميلادي

[عامر الأشجعي]

..


الوقت ماهو على خبري
من علمه يبحث الخافي

يا صبر وش رايك بصبري؟
واللي حملته على اكتافي

شف الورق ملّ من حبري
شف القلم عاري وحافي

محتاج لي نصفه المبري
ومحتاج له نصفي الغافي