حب مالوش حل ..

[د. فريد ابراهيم]

عامية مصرية





يا نجمة طَلّت م السما

علي دنيا كَت* مغيمة

فَرَشِتها نور .. بـ ضحكة زي العسل

قدام عينيكي.. ايه العمل؟؟

مالقيتش حل

لقيتني دايب

و ليكي سايب

نفسي يا اخر امل

في دنيا انتي طَعمها

و حلوها

و دواها حتي من الزعل

ما تصدقيش اني اعيش

يوم ما تكونيش

معايا جنبي

ما هي مش غريبة

تبقي قريبة

و بعدين حبيبة

و روح لـ قلبي

الحب درجاته كتيرة

وحبي م الدرجة الاخيرة

ما حبهوش حد قبلي

هـ تروح و تيجي بيننا السنين

و يا رب دايما كدا عاشقين

و مهما طال بيننا الاجل

هافضل أحبك

و افضل اقوللك

بصراحة حبك

دا مالوش حل



---------------------------------------------------------------------

*كت = كانت

---------------------------------------------------------------------




فريد .. 10/12/2017

[سيرين]

رونق من حسن البيان تختال به العامية المصرية
وحين يأتي بها قلم مبدع مثل د . ابراهيم اكيد ستكون آية من تلاوات الالق
سلمت يمناك شاعرنا المبدع ودام غيثك المتفرد الذي يكفل الذائقة بما يرومها
كل التحية والتقدير

\..:34:

[رشا عرابي]

الفريد
وعلى نُسق حديثك أقول،
ده إنته اللي ما لكش حل !!

سلاسة سرد وخفّة تناغم
وروحٌ هفهافة لم تغادر النص
بل وأحاطته بعناية العارف غير المتكلّف

لك التّحايا سامقات

[نورة القحطاني]

جميل هذا العزف
تبارك الله
دمت ودام مدادك

[نادرة عبدالحي]

ولِانني أرى الحب يغمر العالم ويحول ساحة الحرب لساحة سلام
وأرى الكون هُنا يستعيدُ عافيته من خلال المحبة التي تحتاجها البشرية لتستيقظ من سباتها؟
سلمت الايادي شاعرنا الفاضل .