تناقضات الذات ، بداح الشويب

[بداح المطيري]

ماضاق صدرك ، ماتمادت طواريك
ما حن قلبك ، ماختليت وتذكرت ..

ماغيّر الليل العتيم ، ابمباديك !!
ماذكرك فيني وعني ، تعذرت ؟؟

ماردتك بعض المواقف لـ ماضيك ..
غلطاتنا ماجت في بالك وبررت

" عطرت انفاس الليالي بطاريك "
وٰمن الليالي والطواري تعطرت

كنت اتصوّر بس اجلس حواليك
الا صحيح ، امن التصوّر تصوّرت

خليت كل احساس فيني يناديك ..
اجمع من اشتات الزمان وتبعثرت

تناقضات الذات ، مابيك ، وابيك ..
والقاك فالنفس الكتومه ؛ ليا درت

علمتني بـ أوّلكْ .. ماقلت تاليك !!
واقنعتني بمواصلك ، ما تحذرت

لو هي على صبري من العام ناسيك !!
بس البلا بـ احساس قلبي تصبرت ..

اصبحت قانع ، عقبه امسيت ساريك
وامسيت ساري عقبه اصبحت واخترت ..

حببتني فالليل و الليل طاويك ..
واشغلت فكري في خيالك وقصرت

خلّك دقايق "واجه الحين" وشفيك
لاجيت اعاتب ، اختفيت وتبخرت !!

#بداح_الشويب

[سليمان عباس]

الجواب الصامت لمن لا جواب له
ولمن تبخرت حروفه عندما نظر لجمالها

صح لسانك

[بداح المطيري]

الجواب الصامت لمن لا جواب له
ولمن تبخرت حروفه عندما نظر لجمالها

صح لسانك

صح بدنك عطرت الصفحه بدخولك❤

[رشا عرابي]

بين التساؤل والتخمين
كونٌ من الدهشات نبراسه شعر جزل


لله أنت يا مطر

[نورة القحطاني]

الله
تبارك الله ابداع

[بداح المطيري]

بين التساؤل والتخمين
كونٌ من الدهشات نبراسه شعر جزل


لله أنت يا مطر

يسعدني هذا الوصف تسلمين على المرور

[بداح المطيري]

الله
تبارك الله ابداع

الابداع ذوقك يانوره 💐

[نادرة عبدالحي]

في نواة الشعر نجد ما يثلج الصدر , وما يعيد القارورة ملأى بالدواء .
سلم اليراع ودامت محبرتكم عامرة بالخير شاعرنا الفاضل.