نحقق طموحك ؛ بداح الشويب

[بداح المطيري]

شوف الحياه بنظرتي لا عدمناك ،
حاول غموضك يختلط في وضوحك

لاتصير غامض بين ربعك بممشاك
ولاتصير واضح وش فوايد صروحك !

خلك بشوش وبسمتك في محياك ..
' واضح تفاصيل الملامح جروحك '

يومك تبي محزم ترا كنت وياك !!
كان التساوي من جموحي جموحك

رسيت فالمرسا ومبداي مبداك !
بس البشر ماهي بـ مسمار لوحك

بديت في جهدي وملقاي ملقاك
ماقلت لك داحم جموعك بروحك

قسمي بهالدنيا وقسمك بدنياك ،
نطمح ؛ ولا عشنا نحقق طموحك

#بداح_الشويب

[رشا عرابي]

أضمومة خبرة وَشت عن الكثير من ملامح الحكمة

متشبّعٌ حرفك بما يمكنه أن يلمس واقعنا وما نحياه
وذلك ما. استبنّاه من نصوصك بالمجمل

لك التحية جلّها اكبار

[أشرف عبدالرحمن]

بس البشر ماهي بمسمار لوحك

شعور شجي وجامح
صح لسانك

[سيرين]

حرف اتخذ من مقامات الالق مستقراََ وطيباََ
احتفى به الضوء حكمة وبرهانا
سلمت يمناك شاعرنا المبدع ودام هذا الغدق الآسر بوقعه ونظمه
مودتي والياسمين

\..:35:

[نورة القحطاني]

العتاب الحي
المغلف بالنصح
حتى وإن طابت أنفسنا نظل أوفياء

شكرا لهذا الشعر

[سليمان عباس]

صح لسانك استاذنا بداح
احببت تسجيل حضوري لهذا الجمال

[بداح المطيري]

أضمومة خبرة وَشت عن الكثير من ملامح الحكمة

متشبّعٌ حرفك بما يمكنه أن يلمس واقعنا وما نحياه
وذلك ما. استبنّاه من نصوصك بالمجمل

لك التحية جلّها اكبار

لك فائق الاحترام لذائقتك

[بداح المطيري]

بس البشر ماهي بمسمار لوحك

شعور شجي وجامح
صح لسانك


صح بدنك ومنور يا اشرف

[بداح المطيري]

حرف اتخذ من مقامات الالق مستقراََ وطيباََ
احتفى به الضوء حكمة وبرهانا
سلمت يمناك شاعرنا المبدع ودام هذا الغدق الآسر بوقعه ونظمه
مودتي والياسمين

\..:35:

اسعدني هذا الكلام الراقي
تقبلي احترامي

[بداح المطيري]

العتاب الحي
المغلف بالنصح
حتى وإن طابت أنفسنا نظل أوفياء

شكرا لهذا الشعر

عفواً لسمو الذوق

[بداح المطيري]

صح لسانك استاذنا بداح
احببت تسجيل حضوري لهذا الجمال

صح بدنك
أضاء الصفحه حرفك الراقي