( مصافحة اولى )

[عبدالله المتعب]

أول مصافحة من قلم متواضع جدأ يسير متأنياً يبحث عن وطن علّه أن يجده..

ويسعدني تواجدي بينكم

أتمنى أن ترتقي للذائقه

مليت قربك لاتقولين وش في=عقب الجفا واليأس جيتي ذليله
قد قلت لك بكره تبوسينها يدي=ويطيح دمعك مابقت لك وسيله
أغواك حلمك ماتوصلتي لـشي=راح النهار وعمرك اليوم ليله
عطيتك التحنان والحب والضي=وشعلت لك شوق ٍ نثر سلسبيله
ماقلت لك ياخاينه عمرك شوي=لحظات عمرك في يديني قليله
توك تجيني ضاميه رشفت المي=الشوق جف وكدر الوقت سيله
هالحين صرتي عاشقه كل مافي=وقلبك يحس بهمي اللي أشيله
وينك من اول خافقي انكوى كي=وزدتي جروح ٍ في خفوقي عليله
بقول لك دام الدقايق بها حي=وحلمك يموت ولابقتلك حصيله
اليوم صرتي في حياتي ولا شي=الموت حل وطعنتي لك قتيله
خلاص موتي لاتقولين وش في=الموت رحمه بالحياه الذليله
::
وسلامتكم
::

[قايـد الحربي]

عبدالله المتعب
ـــــــــــــ
* * *

أهلاً وسهلاً بك في أبعاد
ونتشرفُ بحضور شاعرٍ رائع مثلك .

أجمل التراحيب والطيب .

[خالد صالح الحربي]

:

_ عبدالله المتعب _
أهلاً وَ سهلاً بِكَ وَ بغيمتكَ الأولى..
والتي لا يَنْقُصهَا الْمَطَر ..
سَعيدٌ بِما قَرأتْ ..
فَشُكراً لكَ عَليك .

[سلطان ربيع]

عبدالله المتعب
أهلاً وسهلاً بك
في منتديات أبعاد أدبية وتتشرف بتواجدك
وتواجد حروفك الرائعة
حضورك نور وهطولك الغيث .

دمت بخير

[عبدالله السويدان]

عبدالله المتعب

والنو والنوار بمتصفحك الرائع

قصيدة من ذهب

وكلمات ومفردات مميز

وتمكن واضح استاذي العزيز

شكرا لهذا الحضور

وصح لسانك

[شوق]

حظور رائع

ومصافحة اكثر من جميلة

كل الشكر لك

أختكـ/شووق

[العـنود ناصر بن حميد]

عبدالله المتعب

أهلاً وسهلاً بك

لنا الشرف في تواجدك بيننا

والشكر لما جدت به من نور

تحياتي

[عائشه المعمري]

الموت رحمة بالحياة الذليلة ..




قصيدة بحروفها الشاهقة عانقت الجبال ..


فـ شكلت غيمة / قصيدة ،،

امطرت علينا رذاذ الشعر ..



لله درك ..


الشاعر / عبدالله المتعب

اهلا بك في أبعاد ..



،
،
،




همس