المساعد الشخصي الرقمي

مشاهدة النسخة كاملة : (( تمتَمَه ))

أكرم التلاوي
11-13-2018, 10:02 PM
وش فيها يدّك ترتجف ؟
بردان ؟
دوّر عن دفاك
خايف ؟
ترى ربّك كفاك
مشتاق .. غايب لك وِلِف ؟
لا منّك تموت اِبتِخِف !
أكرم التلاوي
11-13-2018, 10:22 PM
‏يا رب الحزن
واوجاعي
خراف الذاكرة تاهت
ولا لي ناي
ولا عندي عصا فيها اهشّ بكاي
سوا تلويحة ذراعي
شسوي لا غديت الذيب
والراعي !
أكرم التلاوي
11-13-2018, 10:31 PM
‏مرري كفّك على حزني يجِف
طاب نص الجرح
باقي .. ضمتين
ناظريني
واوعدك من قبل لا يرتد لك طرفك
أخِف !

‎
أكرم التلاوي
11-13-2018, 11:21 PM
‏أنَا مانِي حزين
اكثر كثير من الحزِن هذا الشعور
كذا كنّي كنِت (جَنّه بربوَه)
صَابهَا وابِل قِساك
وآتت أُكلَهَا ضعفين (بُور) !

‎
أكرم التلاوي
11-14-2018, 09:28 PM
شفتك وكنك تعبري من خلالي
وكذبت عيني بين واهم وشفتك
ما عاد غيرك باقيٍ في خيالي
كني فقدت الذاكره من عرفتك
أكرم التلاوي
11-14-2018, 09:29 PM
كل ما أحاول أحفظِك عن ظهر (قلب)
ألقاني اعجز واحفظك في داخله !
أكرم التلاوي
11-15-2018, 08:45 PM
ما عاد في صدري أغاني وألحان
نايي حطبته يوم جفّت شفاهي
لا قالوا انّي شاعرك إصرخي "كان"
شاعر واحبّه لين حَدّ التباهي
قولي عشقت الشعر في هيئة انسان
وراح القصيد اللي لفت انتباهي
أكرم التلاوي
11-15-2018, 08:46 PM
تشربين الشاي؟
بعدك جالسة ؟
والليل مَيّش غُرّتَه بالصبح
وجفّ ريق الناي ؟
هو ظَل عندك من أمل ييجي
وهو من أول السَهرة حلف لك
"ربع ساعة وجاي!"
أكرم التلاوي
11-18-2018, 09:57 PM
عَلّمينِي
كِيف أوصَل أربَعينِي
قَبل اشيِب !
وكِيف اخَبّي مِن فُتَات الصُبح ضَيّ
قَبل يِطويِه المَغيب !
وعَلمينِي كِيف أكون الّي تَبيِن
وانحَر احسَاسِي الحَزِين
ومَا احِسّ انّي عَلَى نَفسِي غَريب !
أكرم التلاوي
11-18-2018, 10:04 PM
قومي اشعلي كفوفي
خايف من الظلمى
لو رد لي شوفي
من فرحتي بعمَى
لو حوليّ اتطوفي
وتتجرّد الأسما
بنحر أنا خوفي
واقول لك : سَل/ما
أكرم التلاوي
11-21-2018, 09:52 PM
في عيونك كذب أبيَض
وليت كل الكِذب الابيَض مثل عينِك
لا سرَحتي في فضَاك
وقلت : وينك؟
والتفتّي لي : معاك
ياااه مَـ/احلى الكذب طالع من شفَاك !
أكرم التلاوي
11-21-2018, 09:56 PM
الشِعر زفرة من يعيش المُعَاناة
قال وتلَفّت لي مِن الشِعر عطنَا

قُلت ابتلينا بالمصايب والازمات
ومن كثر ما "عِشنَا" المُعاناة "مِتنَا" !
أكرم التلاوي
11-22-2018, 09:16 PM
تبسمي
جمر الشفايف متقد
يتصبب الخاطر عرق
من جالها يدور دفا
فيها احترق !
أكرم التلاوي
11-23-2018, 07:25 PM
تشربين الشاي؟
بعدك جالسة
والليل مَيّش غُرّتَه بالصبح
وجف ريق الناي
هو ظل باقي بك أمل ياتي وهو
من أول السهرة حلف لك
ربع ساعة وجاي
أكرم التلاوي
12-14-2018, 07:02 PM
https://scontent-dfw5-1.cdninstagram.com/vp/41312d007723c99a6922979de459a8d9/5C9F8817/t51.2885-15/e15/1516652_323673284440030_494887153_n.jpg?ig_cache_k ey=NjExMzg2MDQ5NjQzMTM0OTcz.2


أركض مهو لجلك على شان هالعيش
بيدك ولك واقف على الدور أسبوع
عادي تموت بقصف غادر من الجيش
الخوف أهلك لا يموتوا من الجوع
أكرم التلاوي
12-14-2018, 07:07 PM
لا تنبشي الماضي تطير العصافير
وايطيح بيض عشّاشها وايتكسّر
جيتي وشفّتك ما بقى بي تعابير
وجهي ملامح خيبته ما تفَسّر
لا وردَت طيور المسافر على بير
ماءه هماج ومن تروّى تحسّر
يومه يشوف بحَد منّه نوافير
ماها زلال وشربها ما تيَسّر