.. ديــوانــــي ,,,

[خالد العنزي]

"

"
"


من .. منطلق .. حريّة .. الأنسان .. في آرائه
____________ ناوي .. امارس ... ياعزيزي .. حقي .. الدستوري


بكتب .. واعبّر .. من خلال .. افكاري البنّاءه
____________ اللي .. سمت .. بالشعر واثرت ... ذائقة جمهوري


مااقول .. احب الشعر ... حب الوالد لأبناءه
____________ لكن .. بلاني ... واعتبرني .. الشاعر الأسطوري


والشعر .. لو ينفع .. بحال الأمه .. المستاءه
____________ كان .. اجتهدت .. اكثر .. واكثر والتزمت بدوري


لو .. كان دوري مايناسب هالزمن واخطاءه
____________ ما دام .. في دور البطوله .. " مرقدي و كفوري "


شفت التواضع كيف صخّر روحي المعطاءه ؟
____________ عاد .. انت حاول .. تستفيد وتستغل .. احضوري





"

[خالد العنزي]

"

"

كهرمانه ... دثّيريني .... دثّريني ... كهرمانـه
,,,,,,,,,,,,,,,, ابتدت ..... اول فصول ( النقنقه ) بالمسرحيـة

يحكم ( الطاغوت الاكبر ) في بـراءة موبذانـه
,,,,,,,,,,,,,,,, ينحسر حلم الشوارع .. فـي امتـداد المزدكيـه

سيسبانة حلم شاعر ... شاعـر وخانـه زمانـه
,,,,,,,,,,,,,,,, منشفية ... جرح غائر ... تفتري .. بالبلشفيـة

لملمة اشياء .. لكن .. زوبعة فـي ( إستكانـه )
,,,,,,,,,,,,,,,, بعثرة اشياء .. لكن .. فـي حـدود الفوضويّـه

كهرمانه .. ياحياتي ... وش فهمتي بالأمانـه ؟
,,,,,,,,,,,,,,,, صاحت بوجهي وصدّت ..قالت ( الشرهه عليه )

جالسه اسمع حبيبي .. قلت ابشبـع مـن حنانـه
,,,,,,,,,,,,,,,, اذكر انّه .. لا تغزّل .. يستثير الشـوق .. فيّـه

خرّبوك أهل الحداثـه ... جعلهـم بالخيزرانـه
,,,,,,,,,,,,,,,, قلت هدّي وافهميني ... واسمعي شرح القضيّـه

هقوتك ... لو عاد ( عقبه) كيف يعرف قيروانـه
,,,,,,,,,,,,,,,, هذي الدنيا .. تغيّـر .. مالنـا .. ذنـب وجنيّـه

للأسف .. انتي قديمه ... حد فهمك ( ليل دانه )
,,,,,,,,,,,,,,,, وان تطورتي بفهمـك ... ( عذّبينـي يابدويّـه )

قالت افهم .. بس .. ابفهم ويش يعني سيسبانه ؟
,,,,,,,,,,,,,,,, زين .. خل .. السيسبانه .. ويش يعني منشفيّه ؟

بالأمانه .. انـت فاهـم .. ماتقولـه بالأمانـه ؟
,,,,,,,,,,,,,,,, العب بكيفك .. حبيبي .. بـس لا تلعـب عليّـه

قلت .. ( في قلبي ) غديت .. وعقدتني كهرمانه
,,,,,,,,,,,,,,,, لعنبو جـد الحداثـة ... ابلشتني.. هالغبيّـه






"

[خالد العنزي]

"

"


مصيبتنـا مصيبـه , وضعها , مُستفحل ومُزمـن
............................... ولو دايم ,, تجاهلهـا البيـانات الختامـيـه

يهون بجـنبها غزو العراق ,, وضيعة الأرمـن
............................... ويِبحـل حلـها سيـل ,, العقوبات الجزائيـه

مصيبتنـا مصيبـه جيـل , لامُلحد , ولا مُؤمن
............................... مُشتـت بيـن دعوات التأمرك والأوصـوليه

طلايع جيـل فاسد , منتهي مُستهلك ومُـدمـن
............................... على شوف التعرّي ,, بالقنَوات الفضـائيـه

"غثاءٌ كـ غثـاء السيـل " لايغـني ولايُسمـن
............................... تجرّد ,, من مباديه ,, وقضاياه المصيـريـه





!

!

[خالد العنزي]

"


"


القافله ... تنبح ... ( يعيش .. الكلب .. ).. عصر الأنحطاط
___________ الكلب ... يمشي ... واثق الخطوه .. ويادوب .. يخطي


يعني .. مع .. ان ... الشعر ... مدهاله ... مثل سم الخيـاط
___________ تستغرب .. انّه .. كيف .. يتمدد .. وياسع له .. مطي !!


شاعر ... كبيــــر ... ويبهر الجمهور .. في حصد .. النقاط
___________ وليا نبشته ... يختلف .. وضعه .. وتلقاه .. خرررطي


وليا .. تضايق ... فزّع .. الشله ...( جنود .. الأحتيـــاط )
___________ لا والله الاّ .. راح .. فيها.. الشعر .. ياعالم .. وطي



!

[خالد العنزي]

"

"

الشك وارد .. واغتيال الشك ... في ظل القهر
____________ يقهر , لأن .. الشك اصلاً .. بالظروف القاهره


والشك شك بخاصرة فكري ( عذابه ) وادّهر
____________ كلمه بسيطه .... بالبدايه .. وانتهت .. مُظاهره


واخاف اخالف وجهة التيّار .. واسقط بالنهر
____________ لو باطن التيّار ... لا يعكس .. توجّه .. ظاهره


وشلون ابدفع كبرياء النفس .. والشيمه مهر
____________ للي استباح ... ام الكبائر .. بالرحاب الطاهره !!


هذا وانا اذكر هم كذا واحد تعلّق .. واشتهر
____________ شهرة ( شكيرا ) يوم تظهر .. بالفساد مجاهره


فليلعن الله .. انعدام الذوق . لَ . سابع ظهر
____________ ( استغفر الله ) كيف .. يرفع من مقام .. الـ ....


واْ نكار ذاتي .. شيء لايعني قبولي بالقهر
____________ " يا أيها .. المارّون ..عبر . الكِلمات .. القاهره "






!

!

[خالد العنزي]

"



صلاة "الزين" لوهي صدق لله , " ياصلاة الزين "
,,,,,,,,,, ولا ياطيب من يخلص عمله ,, ويصدق ايمانه


ولكنّي اعرفه ,, مقصده ,, يلعب على الحبلين
,,,,,,,,,, وانا " لسني بحب " الجمبزه والقفز بالزانه


لأني احتقر , فكر المنافق , صاحب الوجهين
,,,,,,,,,, الي منّه تلوّن ,, حسب ماتحتاجه ,, الخانه


وفساد المجتمع اول ضحيّه في فـ ساد الدين
,,,,,,,,,,عسى اللي يصلح احوال الرعيّه يصلح لسانه




!

!

[خالد العنزي]

"

"

المسأله ماهي كذا , ياجاهلين المسأله
...................... ياجاهلين المسأله .. اذا جهلتم . فسألوا


الشعر حاجه ثانيه ماهو رديف المرجله
...................... كم شاعرٍ كانه كتب يعجبك لكنّه ( فلو )


وليا كتب خذ لك ولد بالطيب محدٍ ياصله
...................... وليا لفيت لواقعه تلقاه يغرق في ( دلو )



!

!

[خالد العنزي]

"

"


يرضيك , حالي , حالها حال , ياقاف ؟
....................... يومين , يشحذ , طاري النوم , جفني

" مركز قناعاتي " تجاذبه , الأطراف
....................... والشك في عقر " الثوابت " ,, نسفني

سيّرت , سفني , في بحر ماله اضفاف
....................... ياخوف قلبي ,, يِغرق الموج , سفني

قال : انت خالد ! خالد عبيد وتخاف !!
....................... قلت الزمن ,, غصبٍ عليّه ,, عسفني

قال : اسلم , اسلم ياعسى مابك خلاف
....................... وش بك على اللحن الحزين , تعزفني

قلت : الزمن هذا زمن ,, مابه انصاف
....................... صدّقت ,, فيه ,, وبالنهايه ,, " بلفني "

جيته , وانا كلي , طموحات , واهداف
....................... والله وكيـلك ,, مرّني ,, ماعـرفني

قال : انت " عمله نادره "وقتها طاف
....................... قلت : ايه , لكنّ , الزمن , مااكتشفني

تدري ؟ بديت آحس , وارتاب , واخاف
....................... هالوقت من ,, وقت الصحابه ,,خطفني




!

!

[خالد العنزي]

"


"


"

تركناها , حيا , يوم الحيا , ماينشرى بـريال
.............. تموت , وسمّها ,, في دمّها ,, ماتاصل لدمّي


انا لي درب عن درب الخطا , والمذهب البطّال
.............. ولابه شي , يجبرني ,, عليها ,, ياولد عمي


اجاهدها مجاهد من يشوف الطيب راس المال
............. واغض العين عنها ,, والخبيثة , عينها يمي


كبحت جماحها , لكن , رمتني , يامل السلاّل
............. تبي تدحم ,, تهوش من الطنا ,, فزّاعه لهمي


وانا واللي خلقني , مابلِشت ولا شكيت الحال
.............. زمان , وهم قلبي وسط قلبي ماوصل فمّي


اعرف ان الحكي , يبقى حكي مايرفع الرجال
............. واعرف ان الخطا , يبقى خطا مايصلِحه ذمي


ولا , ياطيبها ,,, ياطيبها , لو ماعطتني بال
............. اكممها , على كيفي ,, واكيّفها على كَمي


مناقيد الرجال اللي عمتني عن خطا الأنذال
............. تسد بلامها , وادفع لها الجزيه , عن الذمي


ابتركها , حيا , يوم الحيا , ماينشرى بريال
............. اموت , وسمّها , في دمّها , ماتاصل لدمّي



!

!

[خالد العنزي]

"

اباطير الحكي , سلم , تعود الذاكره اقزام
ضماير ميته ,, لادين , لامذهب , ولا ذمه


مصانع تغرق اسواق القصيد وتنسج الأحلام
حديث ابليس للرهبان , يومه لابس العمه


ورق ياما ضحك , ياما بكي , من صجة الاقلام
يتيمٍ ماملك شيٍ من أمره والوصي عمه

واذا هذا , المغفّل شاعر السيجار ,, والشمام
يسمّى شاعر الأمه , وربي دجت الأمه

لاصار السيف اصدق بالنبا من شعر ابي تمام
نبي من شعرنا الشعبي يقوم ويكشف الغمه!

لعمري , دامنا نكتب قصيد ,, لنصرة الأسلام
فلاهو منتصر فينا ,, ولاهو واصل القمه

تعالي , نقلب ( الغصه ) غزل ونطوّع الألهام
اخاف اني اذا طاوعت صدقي جبت لي مطمه

تعالي بتغزّل بك غزل ماصار بالافلام
عسى هالخاطر المكسور منهم , ترفعه ضمه

وانا وان كنت خايف من قصيدي والحروف الغام
يموت الداب به سمه ,, اذا هو ما دفق سمه

والي صار الحكي سلّم ,, وكل السالفه اعلام
ابكتب لابغيت اكتب ,, ولاني مشاور الذمه

[خالد العنزي]

""

"

حدثني , شيخي ابو الطيّب فـ قال
,,,,,,,,,,,,,,,,,,,,,,,,,,,, عن ابن يحيَ , عن ابي سلمى يقول
ان التفاوض ,, بالقضية ,, لايزال
,,,,,,,,,,,,,,,,,,,,,,,,,,,, مابين , سادات ,, الفرنجـه والمغول

يعني يصير الوضع من صالح جمال
,,,,,,,,,,,,,,,,,,,,,,,,,,,, دام الملك فاروق ,, سـن بروتوكول

يمنع قيام ,, الشعب , ضد الأحتلال
,,,,,,,,,,,,,,,,,,,,,,,,,,,, وان التحـرر ,, صار نوع من الفضول

لكن انا ’ ياراويه ’ عندي ,, سؤال
,,,,,,,,,,,,,,,,,,,,,,,,,,,, ممكن قبل ما اسألك , حبة فيـ فادول

دام اتجاه البوصله , نحو الشمال
,,,,,,,,,,,,,,,,,,,,,,,,,,,, ليه التصادم , بين ذول ,, وبين ذول

الكل يعرف ان ’ لله ’ ,,, الكمال
,,,,,,,,,,,,,,,,,,,,,,,,,,,, ولحدن عصمه ’ الله , من بعد الرسول

من يدعي العصمه بعصر الأنحلال !
,,,,,,,,,,,,,,,,,,,,,,,,,,,, بالله ,, ذا ماهو سقيطه ,, ومهبول !؟

ياراويه ,, بالله ,, يابنت ,, الحلال
,,,,,,,,,,,,,,,,,,,,,,,,,,,, ردي , علي ان كان لي عندك حلول

احيان احس الشعر يعطيني مجال
,,,,,,,,,,,,,,,,,,,,,,,,,,,, واحيان صوب الشعر , كم صعب الوصول

قالت : حبيبي روح واكتب لك مقال
,,,,,,,,,,,,,,,,,,,,,,,,,,,, قلت : ايه طيب زين قوليلي شـ اقول !

قالت : تكلم عن جمال , البرتقال ,
,,,,,,,,,,,,,,,,,,,,,,,,,,,, قلت : انتي ماتدرين ان طبعي خجول !

قالت : تكلم عن شيوع الرأسمال
,,,,,,,,,,,,,,,,,,,,,,,,,,,, قلت : الكتابه عنه ماتلقى قبول

قالت : تكلم امممممم
عن حكم القتال
,,,,,,,,,,,,,,,,,,,,,,,,,,,, مابين سادات الفرنجه ,, والمغول

قلت : انتي ماتدرين يابنت الحلال
,,,,,,,,,,,,,,,,,,,,,,,,,,,, المسأله ماهي ( بتسجيل الدخول )



!





!









,,,,,,,,,,,,,,,,,,,,,,,,,,,,

[خالد العنزي]

الوقت غير الوقت ياسلطان , والدنيا عبر
,,,,,,,,,,,,,,,, والعاقل اللي يستفيد من العلوم الغابره

اقفت مفاهيم البداوه مع زمن بيت الوبر
,,,,,,,,,,,,,,,, والناس دجّت والنفوس مدجّنه ومكابره

والمجتمع صار الضحية مثل فار المختبر
,,,,,,,,,,,,,,,, والله يعين اهل القلوب الطيبه والصابره

واشره على الدنيا تغيّر ليه ما أعطتني خبر
,,,,,,,,,,,,,,,, عشان اغيّر كل معنى " للبداوه " خابره

[خالد العنزي]

اصل الحكايه مُش حكاية شعر ياعبد السلام
اللي رسم لي عالمي باسم السلام العالمي


وانا مدينه من ذهب لكن خفافيش الظلام
دايم تقرّب لي وشفها شوّهت .. معالمي


حرام . لا . ماهو حرام الاّ بعد اكبر حرام
اخضع لحكم المحكمه اللي نست مظالمي

[خالد العنزي]

تداعى أنظمة.. عشق القوافي .. تستفز .. الشك

صدح صوت .. انتمائي .. وانتدبني ابسط اشيائي




رغم كل التسكّع .. في زمان ٍ .. دك فكري .. دك

تشرّبت .. الشعر .. لكن .. جبرني ... اكسر .. القائي



وانا الصاخب الي حد .. التناغم .. وامتدادي لك

يشكّل .. معظم .. احساس .. المكان .. وحزني النائي



تسربلت الظلام .. اللي تملّك في عذابي .. \ صك

أغني؟ كيف أغني .. والحزن .. يستوطن احشائي



رضيت اني اكون بزحمة (اسراف الأسامي) نك

يصوّرني .. طلاسم .. باهتـه .. بعيـون ...\ قرائي



واذا ماتشعر بنبضي عشانك .. وش جبرني بك؟

طلبتك .. ياشعر .. تكفى .. ترفّق في .. ألف بائي



دخيلك وش بقى لي \ غير حزني \ في زمان العك

تحت ظله .. أعيش ..بدنيتي .. وانـدب.. أحبائي



حكاية عشقنا .. أتعس حكايه .. تستفز .. الشك

خفت صوت انتـ مائي .. واعتذرت لأبسط اشيائي

[خالد العنزي]

: وشلووون صارت ؟؟

: خلنا الحين .. في ليه

: يمكن تكون المشكله فيك ؟

: يمكن !!

: ويمكن تكون المشكله كلها فيه

: معقووول يعني ؟

: اعتقد ايه .. ممكن

: طيب انا يافلان ناويه ناويه

: ياشيخ خلّه واتركه عنك واتكن

:تبي الصراااحه ..اعترف ؟

: اعترف ايه

:فيني جروح (ن) داخل القلب تسكن

: خلالالالاص .. روح العن ابو جد هافيييه

: اخاااف تزعل معجباااته ... ويبكن

: لابووووه لابووو خبلة ( ن ) معجبه فيه _______ شاعر ( ................ ) لا اندمج قام يلكن

[خالد العنزي]

"

كلمه مثل قدح الزناد , وشبت بقلبي جمر
,,,,,,,,,,,,,, طافت وجيه المبغضين , وشافـت بقلـبي ذرى


حاولت افسرها , امررها , وعيت لاتمر
,,,,,,,,,,,,,, لا والله اللي ماورى هــذي ياعـذّالي ,, ورى


واللي نطقها بيّت النيه ومخفي ماضمر
,,,,,,,,,,,,,, يالله دخيـلك ,, كيف ينطقـها ,,وكنـه مادرى


ولافيه من قال احتمـلها والخساره بالعمر
,,,,,,,,,,,,,, " خلّك شمالي والعن الشيطان " وانسى ماجرى


واللي جرى اطرب رعاع الخلق عشاق الزمر
,,,,,,,,,,,,,, اللي ثـقافتهـم عبارة , عن سخافات وهُـرا


اللي استباحوا في رحاب ام القرى شرب الخمر
,,,,,,,,,,,,,, ماخافوا الله و الكباير تُرتـكب بـ ام القـرى ؟!!


لا .
لا .
هذي ,,, غير , هذي عـاد ,, لايمكن تمــر
,,,,,,,,,,,,,, لن بصـراحه , ماورى هـذي ياعـذّالي ورى


"


"

[خالد العنزي]

"
"

دارت .. الأيام .. والدنيا.. بلاويها ,, بلاوي
_________ تخلف الرجّال .. عن فهم ,, الأمور المنطقيّه

ليه يا ( جود الحزن ) ياشين خيّبت الهقاوي
_________ ليه وش سويت ,, في دنياي , تا تجني عليّه

ليه ماتقسم علينـا الحزن ,, كلـه بالتساوي
_________ ليه انا اللي آخر المشوار ,, ( حمّال الأسيّه )

والهموم اللي تهد جبال في صدر الشقاوي
_________ تصطفق مثل اصطفاق النحل في جوف الخليّه

حرّفوني مضمرين الحسد عشّاق الفتاوي
_________ حسب منهاج ,, العصور المظلمه ( والبابويّه )

لاكفرت بسلم جدّاني ولا الدين السماوي
_________ ولا تسببـت ,, بخسارات ,,, الحروب العالميّه

ولاشربت ولا زنيت ولا تعاطيت الرشاوي
_________ كل ذنبي ,, يارفيـع الذات ,, كره العنجـهيّه

ليه ياجود الحزن ,, ياشين خيبت الهقاوي
_________ ليه وش سويت ,, في دنياي من ذنب وخطيّه

تشتكي لوسادتك دنياك ,, وتفيد الشكاوي
_________ واشتكي لوسادتي دنياي ...... \ ماردت عليّه

[خالد العنزي]

ياهيه يانبثان , كانه ما عجبك استايلي
,,,,,,,,,,,,, فلنفترض , كل القصيد اللي كتبت مْحاوله

لاشك قلي وش تبيبي يوم تنبش فايلي
,,,,,,,,,,,,, ولاّ انت عندك مع رداة النفس عقد مقاوله

يالسوسه اللي تستغل الأختلاف العايلي
,,,,,,,,,,,,, وش دخلك مابين بوش وبين " كولن باوله "

الهمز تحت الطاوله , ماهو بطبع الوايلي
,,,,,,,,,,,,, الوايلي كانه نوى , يقلب , عليك الطاوله

شرّفت اسمك يوم شلت اسمك وسط موبايلي
,,,,,,,,,,,,, واثريك في سوق الخساسه اسهمك متداوله

لا وا خسارة ضيعتك بالهيس , ياجمايلي
,,,,,,,,,,,,, رحتي لناسٍ , تربيتهم ,, تربيه " كواوله "

[خالد العنزي]

"

تخبّطك , بالفعل ينبىء عن ,, فشل سياستك

,,,,,,,,,, ياصاحب ,, الأسم الكبير ,, وياالأديـب ,, الألمعـي


ان كان وجهك من حديد القلب قلب " بلاستك "

,,,,,,,,,, ابـك انت " ياسيد جحا " لو شخـت منت الأصمعي


غرّتـك عشرات الدجل في , رائع , وفانتاستك

,,,,,,,,,, ولاّ انـت تدري , لو يجـد الجـد ,, ماتلعـب معي



...................

.......



""

[خالد العنزي]

البارحه ليله سوالفها تطول
............. تقدر تقول مطينه من ساسها



ان قلت شينه قلت لك تقدر تقول
............. وان قلت زينه قلت لك من ناسها



ليله ولا تقبل بانصاف الحلول
............. يالعن ابو اللي حطني في راسها



اول دقايقها مشت حسب الاصول
............. ماادري وش اللي بالنهايه حاسها



ابطال قصتها انا وام الحجول
............. الجادل اللي جت تدن اجراسها



جتني وهي بين التمنع والقبول
............. ومن الخجل تعثرت بلباسها



غضه لطيفه ناعمه ترفه جفول
............. ماغير ( مامتها ) فلا احدٍ باسها



ترسم علي وجهي تقاسيم الذهول
............. وتعطّر اجواء المكان انفاسها



يعني وانا عاقل وحساس وخجول
............. عمّت عليّا سلهمت نعاسها



لين افتقدت السيطره والكنترول
............. سبه مفاتنها وقوة باسها



ورحت اتفطن في احاديث الرسول
............. واكبح شياطينٍ بدا وسواسها




ودي اكملها ولكن ويش اقول


اخاف لجرح بالكلام احساسها

[خالد العنزي]

بيدَ انّ , الأمر هذا ,, أمر ,, لايمكن قبوله
..................... مايبرره , انفراج الوضع ,, والجـو السياسي




ياسياسي وانت مالك مع هل الجولات جوله
..................... ( واحتياطك ) مارفعـك لمستوى لاعب اساسي



لاتحسـب انك وصلت لشي لايمكن وصوله
..................... لا تعيش بوهم ,, قبلك عاش به ( هيلا سلاسي )



اعقد الصفقه مدام الغرب معطيك العموله
..................... والبس العمه مدام ان تحتها ( النجم السداسي )



ورتّل الكرسي على كرسيك لاغيرك يطوله
..................... الكراسي ماتدوم ,, ولو تدوم ,, اهل الكراسي



وانت يا .أحلى ممثل عاش في دور البطوله
..................... حطّم بـ كمّ ( العماله ) صيغة ,, الرقم القياسي



لا تحسب ان( ال........ )في دعاويها الخجوله
..................... زعزعت اركان دولـه وضعها ,,بالكـون راسي



وكان ماعندك ( خبر ) تطلع على العالم تقوله
..................... انصحك تطلع وتذكر وش سبب سحب الجناسي







"

[خالد العنزي]

دقيقه لو سمحت بحضرتك لا هنت
................. ابي آخذك من حالك الي حالك

بعد طالت بك الأيام وش عينت
................. وش اللي فزت به يالفاني الهالك

تشوف الموت في كل ساعه ولا لنت
................. وغرتك الحياه وطالت آمالك

تفاخر بالنسب والمال والأسمنت
................. ومركزك الكبير وكثرة اعيالك

نسيت ان المصير الموت مهما كنت
................. وحفرة والظلام الدامس الحالك

نصيحه كان تقدر ابك نفسك انت
................. قبل تبكي ابوك وعمك وخالك