قلوب من زجاج

[راشد مقبل]

قلوبنا كنها متكوّنه...من زجاج
تعطي شفافية الإحساس لدروبنا

نتعب ودايم نحسّ بلوعة الإحتياج
ونلازم الصمت..لو هو سيّد عيوبنا

مافي يدينا من الأيام غير العجاج
وأحلامنا لاحلمنا.. تجرح قلوبنا

تكاثروا محتوين إحساسنا بالمزاج
اللي على طارف الدنيا تغنوا/ بنا

[راشد مقبل]

على انتظار ووعد عشاق طال الوقوف
وظلالي أعزل ويصغر ف إندثار السنا

لاتنشدوني بعد زاد التعب ويش أشوف !؟
في وقفتي مال شوفي والرحيل انحنى

[راشد مقبل]

كيف أعيش بسعه في ظلّ ضيق الرحاب
( والليال ) الأخيره بالغياب احملت

صرت بين الجميع أشعر ب طعم إغتراب
وكلّ م أسمع بقولة وش بلاك اكملت

( سكّر البال ) يامرّ العتب والغياب
لو تساهلت دمعي لك عيوني بلت

لو صوابك خطاي ولو خطاك الصواب
مابقى غير حبلك في يديّ وفلت ....!

[راشد مقبل]

مابقى عندي سوى قطعة أمل
خايف أفقدها وأصير بلا طموح

كل م أتبع حلم عابر ماكمل
لازم ألقى ف آخر أحلامي جروح

[راشد مقبل]

مرّ هالليله وسولف لي
متلهّف أسمع سواليفك

غيابك الأخّاذ يكشف لي
إني أحبك على كيفك ...

[راشد مقبل]

مخلوق أنا من طين لو ماتوطّنت
عجزت ل ألقى لي وطن يحتويني

ماشفت فالصحرا طموح /وتمدّنت
لكن حرمني من طموحي/ حنيني

عيني وجرّحها السهر لو تطمّنت
اني حفظت الدمع في حضن عيني

وقفت في وجه ال أنا لين كوّنت
ترثة تصادم بين طبعي وبيني ..

ياحظّ مليت أشتكي منه وش كنت؟
ذبلت ضلوعي وأرهقت راحتيني ..

مابعت وجهي للحضور وتلوّنت
لو الغياب يبعثر الصمت فيني

أطلقت صوتي للأماني ودوزنت.
يامن خذيتي من حياتي عطيني !!!!!!

[راشد مقبل]

آخر لقى يستاذن عناق الأحباب
ويمرّ دمعة سود الأيام وتطيح

في صوتها حزن وصدى بحّة غياب....
وفي صوتي أحلامي على طارف الريح

[راشد مقبل]

أنا ماأحبّ العتاب ....... ولاتلوموني
وإن وصّلت للعتاب أصير م أحاسب

تبغون دمعي يطيح ويجرح عيووني
بُعدي مناسب/ودمعي ماهو مناسب

[راشد مقبل]

قفّت بي الدنيا من الحزن للبيت
واذا سألتي كيفك؟ أقول طيّب

ومهما خذتني منك الأيام وأبطيت
أنتي من إحساسي وقلبي قريّب

[راشد مقبل]

فيني مزاجيّه وليدة ( ضما وقت )
عايشتها لين أزعجت تقنياتي

ياكثر ماني في طرفها تعلّقت
لين أحرمتني من فرح مغرياتي

[راشد مقبل]

خوفي عليك وحبّي الوافر الجمّ
خلوني أكسر لهفتي في غيابك

بعدك ماعاد أحسّ به شيءً يهمّ
خطواتي أكثر لاتقف .. عند بابك

[راشد مقبل]

ياعابره فالطريق بعبرة . . العابرين
ماياخذ القلب من مشهاه غير العنا

لو يسقي الغيث دار المُتعبين سنتين
من وابل الغيث ماندري من اللي جنا ؟

إن شفتي إنك بديتي للزمن تنحنين !!
تصبّري بالدموع وقولي الله .. لنا

ماعاد أبسأل عليك ولامتاك بتجين ؟
لو كنتي لظلمة أحلامي ملاذ وسنا

[راشد مقبل]

تعالي واكسري القلق والخوف والحرمان
تعالي جدّدي روزنامتي وإحتضني أهدابي

وربّك مابقى في سدرة أحلامي من الأغصان
سوى غصنً طيوره تندهك وتفزّز أعصابي . .

[راشد مقبل]

لو كان شوقي طفل يمكن تشوفينه
على حنين الشوارع يربك أرصفتي

مكبوت ! وأكثر من اللي ماتعرفينه
مافيه فقدً يمرّ . . . . الاّ بمعرفتي

[راشد مقبل]

بديت أحسّ بوجودي يربك أحلامي
بديت أضيّع . . وجودي يامدوّرني

فيني من الحزن مايكسر لي عظامي
ملعون أبو جدّ حزني .... مايقدّرني

يافلاش الأوهام لايغريك هندامي
أنا أتوجّع ليا شفتك . . تصوّرني

في خارجي يستريح المتعب الدامي
وفي داخلي قلب ب إحساسه يعوّرني

يطوّلني الليل لامن حنّ ل أيامي . .
والصبح (فقر الحياه أغبر) يقصّرني




راشد مقبل

[راشد مقبل]

على شبّاك قلبك مال غصن وبك تغنّى طير
يبي واسع فضاك (يحسّ فيه)ويفرد جناحه

ذكرك اللي نسى نفسه/ نساك اللي مهو في خير
عطاك الله كثير من أجمل الأيام والراحه

[راشد مقبل]

لي عين ف أحلامها دايم تحطّ وتشيل
لين أخجلت شوفها ( خيرة مقاديرها )

ماني كثير الحضور ولاحضر بالقليل
لو شفت بير الحياه أرهت مصاديرها

عندي كاريزما (ولي مبدا) وحظي بخيل
كيف أكسب أيّامي اللي ماكثر خيرها

[راشد مقبل]

فالطريق اللي على وصلك بعد غيبه دعاني
خايف من الوقت يمضي والطريق أرهقت طوله

ولاوصلت الا بعبره خالجه بين المحاني
تحتوي فرحة وصول وشيء مدري كيف أقوله !

في سماك الغيم متماسك بخيط من الأماني
كم تمنّيت أوصله هالغيم وأجذبك بهطوله

كيف أقول ل مرحباك أهلين وأهديك الأغاني!!
وكلّ كلمه لانويت أقولها .. مرّت جفوله

الكلام يخاف مايوفي .. نحرك الأرجواني
من لبسه العقد وأحرج عاشقك وأربك ذهوله !

وقفتك ! هذي شموخ وفرحتك مسرح غواني
وغرهدة يدّيك جابت لحظة الصمت الخجوله ..

( ساعة إحساسك )خذت قلبي على تكّ الثواني
مابقى عرق بزفيره ماتنفّسك ب ميوله ..

ماني معاتب غيابك لو تلعثم به لساني
كل عقده في لقى شمسك وفارعك محلوله ..

ذابت اللحظه على سحر المحبّه بالتفاني
والتقى وجه السحاب (العشب وأحيا له ذبوله )

[راشد مقبل]

واحلمي اللي ماقدرت أعتني فيه
وياصوتي اللي ساد جوّه حسافه

كم لي وأنا بين المعاذير والتيه ..
والليل وأفواه البشر والرّصافه

وحيد يوم الوقت ماعدت أجاريه
غريب يوم الدمع ماصرت أخافه

وان قلت بعض الحكي ماني بحاكيه
أبعد بعيد بصورة الوجه شافه


راشد ..

[راشد مقبل]

بعض الكلام بثقله يحرّك الصمت
أحسّ فيه إنه يجدّد جروحي
..
كيف أشرح الحاله ليا من تكلّمت !
وأنا ب روحي وش ب أسوّي ب روحي

[راشد مقبل]

الطيب قلبً بشِر ولسان صدقه فصيح
والا الوجيه اتغيّر من تفاصيلها ....

[راشد مقبل]

أعترف لك ماني بقدّ الملام ..
ولاني نبي الله في ليل وضحى

كنت شاعر فالخيال أصحى وأنام
ليته ليا طاب نومه .. ماصحى

أجتهد في طاعة الله والقيام
وأذكر الله خوف تندار الرحى

عشرة الأحباب تحتاج إهتمام
لو عليها مرّ ب إبليسه جحى

[راشد مقبل]

رغم حزني على حالي وثقل الظروف
نوب مدري من الأيام وش عاد أبي!

أتصدّد مع أوضاعي بخاطر عيوف
عن محيط القصيد وعن حنينً غبي

[راشد مقبل]

لو مرّك بعاطفة بحر الثلاثين..عابر
تستقبلينه؟أو إنّ البال ماهو قريب

أحياناً يحسّ بالغربه وسطو الآكابر
لاشاف وجهه/من الأيام صاير غريب

ماناقصه غير قلبك بين نزف المحابر
ويفلّ حرف الحبيب ليا صفا للحبيب

[راشد مقبل]

فيني تناقض ولاني من بعدها تمام
أتوب وأرجع وأتوب ولاقدرت أستقيم

ياليت نار المحبّه برد حبّ وسلام
أو ليتها جنّة العشّاق كانت جحيم

[راشد مقبل]

أنا وصلت ل شعورٍ ممتلي بالرشاد
ولازلت شايل بقلبي دمع عين وهجر
تطري لي الذكريات مع المطر والبراد
وامن أول الليل لين آخر خيوط الفجر

[راشد مقبل]

ماني صديق الكادحين الغريبين
‏انا صديق جروحي ودمع عيني

[راشد مقبل]

البوح مثل الأسد والبال غابه ،،