دمـــــــوع للأعـــــلى ( أبيات لم تكتمل ) . ، . ،

[نوف الميموني]

نــــــافــذه من قـــلــبــي
تـــمـــر
من هـــنــــا


البارحه ضاق الوجود وتضايقت= كله سبايب غيبتك عن عيونـي

[نوف الميموني]

لو جيت أقارن حاضرك باللذي فات = اشوف دمعـي سايـل بوجنتينـي
ماضيك عشته بالفرح كل الاوقات = وحاضرك كنه بالجفـا يحترينـي

[نوف الميموني]

الجرح يبقى لو تخلقت الأعـذار=مهما تقول من الأسف ماتشافى
و مهما خفوقي متعبه كل ماصار=بكره يطيب من الألـم ويتعافـى

[نوف الميموني]

الشخص لا منه نزل من عيوني=مثل الدموع إذا نزلت صعب ترقا
يهون قدره في سمايا وكونـي = وما عادله حبن بالأضلاع يبقـا
يعيش لكن طول عمره بدونـي=أمحي وجودي من حياته بفرقـا

[نوف الميموني]

برحل وأغيب ولا أبي تنتظرنـي= ولابي بعد تسأل عن آخر علومي
قلبك علامه ؟؟ لا تركته ذكرنـي = توه على طول المفارق يلومي ؟؟

[نوف الميموني]

خنجر غيابك داخل القلب مازال = كل ماتطول بغيبتك زاد جرحه

[نوف الميموني]

غربه وطن غربه مشاعر وأحاسيس =وين انت ياللي للمشاعـر وطنهـا
مليت من شوف الوجيه المعابيـس = لحظة فراقك خاطري ضـاق منهـا

[نوف الميموني]

ســــــاعه لقــــانـــا ليــــــه دايـــم دقـــايـــق ! ! ! !

[نوف الميموني]

الدار ظلما يوم سافرت وأقفيت= بالله رجع نور قلبـي وداري

[نوف الميموني]

لا صرت منت بمقتنع فـي كلامـي= لا عاد تسألني علامـك سكتـي ؟؟
احاول اكتم شرهتـي والخصامـي = وإلا أنت تسأل وين عني سرحتي ؟؟

[نوف الميموني]

فارسي لا غبت عني مارضيت = مهرتك تبكي علـى ميدانهـا
دلتك في مجلسك منها خذيت=في يميني حاضنـه فنجانهـا

[نوف الميموني]

قبلك ترا كل القصايد بـلا روح = واليوم كلك صرت روح القصايد

[نوف الميموني]

قبل بدايه العام الجديد بأيام :



العام قرّب ينتهي ويبتـدي عـام = عامن جديدن والقدر شبه مجهـول
بس الأكيد اني معك طـول الأيـام = قلبن يحبك غير أحبك وش يقول ؟؟

[نوف الميموني]

عـــــذرا ً لهــذا الجـــنـــــون :


جتني قصيـده قافيتهـا علـى آيـت = من منطلق " هاجس قصيدي ترا جن "
منهو يقول الرونق لا يحسبه رآيـت = كل الكلام اللي يقولـه علـى مـن ؟
يا صاحبي ياطيـب نياتـك الوآيـت = يامآخـذن فـي خافقـي مرتبـة ون


للجـنــــون بقــيــــه

[نوف الميموني]

القــصــايــــد


ذابـــــــــــله


وتــــــقولـ


ويــــــنـكـ

[نوف الميموني]

فكرة النسيان في بالي تدور = وإنت تجهل ماحوى فكري أنا

[نوف الميموني]

يستفــز الصمت بيبان الكلام

[نوف الميموني]

24-12


الجرح له ذكرى بهاليوم بالذات = ذكرى حزينه بين قلبي وبينـه

[نوف الميموني]

قبل العيد بأيام :



الـــ ع يـــــــد

قـــــــــرّب

وإنـــــــت

لـــلـــحـين

مـــاجيـــت ! !

[نوف الميموني]

وش فيك مستغرب من دموع عيني = الغالي لا من مات نبكـي رحيلـه
وانا بكيتك وانـت حـي ٍ تجينـي = لا شك حبك مات في ظرف ليلـه

[نوف الميموني]

عـجل الجيّه ترا حال الْكُويت = والشوارع غـارقه بأحزانها

[نوف الميموني]

تغيـب عنـي يـوم يوميـن واسبـوع=ومن عقبها ترسل مسج " ماوحشتكـ" ؟؟
من عقـب مـا ذوقتنـي هـم ودمـوع=انـا بـرد اقـول لـك مافقدتـكـ!!!!!

[نوف الميموني]

اي والله اني اشتقت لك بس آكابر=وأقول لك في غيبتـك ماتأثـرت
والخافق اللي بالجفا كان صابـر=بغى يموت من الوله لو تأخـرت

[نوف الميموني]

دامك ف بالي وأنا ف بالك طريت =المحبـه عـادلـن ميزانـهـا

[نوف الميموني]

ان كان باقي لي غلا في حناياك= أنا دخيلـك لا تكمـل كلامـك
ليت الزمن كمل مروره بليـاك= وآعيش بالدنيا بليـا غرامـك

[نوف الميموني]

ماني بخير وخافقي ماهو بخير= ياللي مزعلني لك ايـام وايـام
شيصير يعني لو تعذرت شيصير= وتشفي بعذرك خافقن كله آلالام

[نوف الميموني]

خـلاص ياحلـم السعـاده والأحبـاب=مليت أعيش ب (دور) ماهو ب (دوري)
يكفي شعور الكذب يـا وقـت كـذاب= لا قلت أبصنع ضحكتي في حضـوري
وفي داخلي آهـات وجـروح وأتعـاب = تخالطـن واستوطنـن فـي شعـوري

[نوف الميموني]

طال الزعل والهم طالت دروبه = والوضع كنه عندك اليوم عادي

[نوف الميموني]

انا تعودت الحياه من دون شوفك والوصال

[نوف الميموني]

ياطول غيبات الفـراق ولياليـه=وياسرع ساعات الوصل والتلاقي

[نوف الميموني]

12 - 1 - 2007

حقك علي ياللي من اسبوع زعلان = وانا خذيت بخاطري من صـدودك
سوء الفهم من بيننا بعض الأحيان = يخلق عناوين الجفا مـن ردودك
المشكله إن الخطا يخلق أحـزان = وانا خطاي أحزن سماك وحدودك
ياملهمي لا عاد تقفي على شـان= ابداع شعري مرتبط في وجـودك

[نوف الميموني]

زحمه كلام وماقدرت انطق بشي= إلا أحبـك بعدهـا ماتكلـمـت

[نوف الميموني]

أنا أكسجينـي بالحيـاه وهوائـي = مزيج " من صوتك " وشوفة محياك
ياصاحبي كان انت تسمع ندائـي = بكسر قيود ظروفنـا يـوم لقيـاك

[نوف الميموني]

مدري شعور الحب في خافقي مات=وإلا غلاتك اصبحت شـي عـادي
والمشكله لاطالت أيـام وأوقـات=الشـوق جـدد بالمحانـي ودادي
شعور متناقض مع النفس بالذات=أحيان أحسه مات وأحيـان زادي

[نوف الميموني]

اشتقت لك والحظ لا مني اشتقـت = جابك ثواني وأبعدك خمسة إشهور

[نوف الميموني]

مليت روتين انتظارك على نار=مكالمه وإلا رسالـه تجينـي

[نوف الميموني]

ماتت حروف البوح بين الشفايف=الله يجازي صمتي اللـي قتلهـا

[نوف الميموني]

كانك بترجع للوطن عقب يوميـن=انا عقب يوميـن عنـك بسافـر
وكانك بترجع للسفر عقب شهرين=انا عقب شهرين برحل وآهاجـر

[نوف الميموني]

يا هاجسي وان جيت يمك تراني=من ضيقتي ماجيت لك من فراغه
ياأكذب واعذب مانطق به لساني=ياللي تذوب الناس لحظه إصاغه

[نوف الميموني]

14-2

من كل عام

بلاش من كثر الخرابيط ياهيه=ماعندنا عيدن يسمونه الحب

[نوف الميموني]

ماعاد فيني أحتمل غيبتك يـوم=ليتك تعجل باللقـا والمواصيـل
عيني لغيرك شوفها معلن الصوم=عسى عوضها بالليالي المقابيل

[نوف الميموني]

اللي حصل شـي ٍ مقـدّر ومكتـوب=وتبقى على ماقلت : " روح القصايد "
محبوب ؟ تبقى رغم ماصار محبوب=بـس المفـارق بالمحبـه عوايـد

[نوف الميموني]

كل ٍ معرض للخطا فـي حياتـه=وانا اعترف اني خطيت وتسرعت
انهيت عشرتنـا ولكـن غلاتـه=تبقى واحبه موت مهما تصنعـت

[نوف الميموني]

حقك علي إن قلتها ألـف مـره=ما غيرت بإحساس قلبك جروحك

[نوف الميموني]

للسما دمعات ولـ"نوفك" دمـوع=وللحزن اسباب لو عينـي بكـت
كان ودي بالمفـارق والقطـوع=وكنت اول شخص روحي له شكت
جبت لك قلب ورى حدب الضلوع=نـاوي ٍ يرجـع ولكنْـه سكـت
شفتك اللي يـوم فرقانـا قنـوع=إلبست صمت الشفايف ما حكـت

[نوف الميموني]

انفعالي ولّـده كثـر المـلام=وصغتها بيتين والمعنى جزل
دام ماهزك قصيدي والكـلام=لايهزك دمع من عيني نـزل
راحت سنين المحبه والغرام=ولابقى غير أنت ياشعر الغزل

[نوف الميموني]

قمة الابداع لا صغت القصيـده=من جروح ٍ داخلي عيت تطيـب
وقمة الأحزان لاصـارت أكيـده=فكرة الفرقا معك يا اغلى حبيب
والمشاعر لو ألمها من فقيـده ؟=مالها غيرك من العالـم طبيـب
من قديم الشعر وايضا ًمن جديده=مالنا حتى مع الطيّـب نصيـب

[نوف الميموني]

ياللي تقـول الجـرح للوقـت خليـه=الوقت أشوفه يا منى الـروح عاجـز
شوف النتيجه وضعنا وش حصل فيه ؟=بيني وبينـك ألـف حاجـز وحاجـز

[نوف الميموني]

هذا الزمن مابه من العاطفه شي= شوّه مفاهيـم الغـرام ودفنهـا
فيه الهوى لعبه مثل شربة المي= والروح ماتدري من اللي سكنها
السالفه بالمختصر كلهـا هـي= " حنّا مشاعر ضايعه عن وطنها"

[نوف الميموني]

الراحه اللي تنعدم فـي وجـودك=توي إكتشفت إنها تجي في غيابك

[نوف الميموني]

راحت جميع أيامنا كلها غيـاب=واذا رضينا اليوم بكـره زعلنـا
واذا التقينا !! في مشاريه وعتاب=تبقى النتيجه !!! للرضا ماوصلنا
نقطة خلاف وطولت بين الأحباب=طال الغيـاب ولا تحقـق أملنـا

[نوف الميموني]

بعطيك درس ٍ فـي حياتـك علشـان=يبقى معك فـي طـول الأيـام عبـره
صمت الشفايف موت في بعض الأحيان= وغاليك في صمتك غدى الوقت قبـره
إطلق سراح الهرج ويعيـش انسـان= بيّن على صوتـه مـن الهـم نبـره

[نوف الميموني]

خذ راحتك إشبع غيـاب وتجافـي= بكـره يبيّـن كـل ماكـان خافـي
ياصاحبـي ماعـاد فيهـا ملامـه = صحيت شي ٍ داخل القلـب غافـي
حسيت بعيوني مطر ليـن طاحـت = دمعه على خدي وانا اقـول كافـي
والكذبه اللي عشتها فـي وصالـك = " شخص ٍ عشقته طول الأيام وافي "

[نوف الميموني]

والله إنه ماعلى الدنيا حـلات= لونبت في عشب أراضيها ذهب
إختبارن للنفـوس العاصيـات= ومن غرق بذنوبها يعني رسب
في حياتي أسئـل الله الثبـات= وفي مماتي يغفر الله ماكتـب

[نوف الميموني]

قلتها والهرج لا يصبح قضيّه= بيت واحد واضح ٍ به مقصدي
من يقول إن الشعر مابه بنيّه= قلت أنا مافيه شاعر أجـودي

[نوف الميموني]

27-7



اليوم مايحسب من اعمارنا شـي= عمري وعمرك نحسبه شهر سبعه

[نوف الميموني]

اليوم كملنـا شهـر بالتجافـي = وابسألك غير الندم وش لقينـا ؟
كل ٍ يكابر لكـن اليـوم كافـي = بأصيح بأعلى الصوت ماعاد فينا

[نوف الميموني]

نوال غنت تشتكي خمسة جروح = وانا جروحي ماوصلت لعددهـا
لو بالطرب غنيت بيتين وتروح = مير المصيبه صار قلبي بلدهـا

[نوف الميموني]

مثل العيون اليا عمى دمعها الشوف = اذا انجرحت وخافقك مـل صبـره
أبسألك باللي سكن داخل الجـوف؟ = اذا انكسر يسهل على الوقت جبره؟


نوف الميموني





ماعاد أحس الجرح والله يانـوف = أصلاً أحس القلـب ميّـت بكبـره
ماعدت أحس بطعنة رماح وسيوف = بيدي انا وصلت قلبـي لقبـره!!




للمبدعهـ: الأماني

[نوف الميموني]

اغلب جروح الحب تلقى دواها =بيدين منهو جارحك وإنت تغليه
ماهي حكايه قالها من رواهـا = إلا خلاصة تجربة جرح أخفيـه
يومي نويت اهدم سنين ٍ بناهـا = وامحي كلام الحب وامحي لياليه
حتى الجروح الداميه من عياها = طابت بلحظة لمسة ايديّ بيديه

[نوف الميموني]

للصبر آخر وتدري بي صبـرت = ولا بقى عندي من الصبر إشعره
لاتقول انك على همـي قـدرت = من متى تقوى حبيبك تقهـره؟
اصعب الاشياء لامنـك شعـرت = صاحبك يَجْبِرْكْ بإنـك تهجـره
ماعلى عيني ملامه لو سهـرت = بتركه وارحل مع الغير أشكـره

[نوف الميموني]

اليـوم هـذا مرتبـط بالسـعـاده = من يـوم كفـي لامستهـا كفوفـك
ياليت ف(إيـدي) للدقايـق إعـاده = وكل ماذبحني الشوق ارجع واشوفك

[نوف الميموني]

انت " وجه الخير " بالدنيا علـي = ياحبيب ٍ مختصر ربـع وقرايـب
فيك أشوف الناس ياريحة هلـي = وطابت جروح ٍ قبل عُرْفِكْ عطايب


http://www.salemsayar.net/vb/images/smilies/f0000.gif