خالد الداودي
04-17-2019, 03:31 PM
وبيوم فيه البرد يطرد
كل عابر من سبيله
مرّ
مر في صدره
مدينه
فارغه
يستأنس الضيء لحكي فضفاض
ما يوسع مداه
انما انسكب
ليله وكتب
يا مسافره صوتي كبير
خايف
انا خايف
تجرحّه الـُمدن
لامر في صمتي كلام
او طار من كفّي سلام
لاهل البيوت الفارعه،
ثم ضاق مما طالعـه
نبضٍ بصدري منهزم،
ياعل بس ما ينحرم
حسّك ويلقى لك اثر
في هالمدينة الفارغه
ماعاد لي فيها مفر
الا لرصيف
وبايع الشاي الحزين
اواااه
من حدّك على هذا السفر
من قال لك
ان الحبر يمكن تخبيــــه العروق
لا ضاق في اوسع مساماته
وسال
سلسال
في صدر الورق
او احترق
في ذاكره خرساء يعبيها السكوت
من قال لك الحب في لحظة يموت
وان الحروف احيان يمكن تنكتب
من دون حب ، او تسترق السمع من نبض الغياب
او تغترب
دورت لك يامسافره
في هالمدى
عن عذر ياخذك ويطول ،
مايرجع بأية حلول
ومالقيت
ما كنت اشك ان السنين اللي خذتنا ما تعود ..
اْنا كنت اطالع في محطاتك ملامح للشرود ..
ويرتسم وجهك معي
لو ترجعي ،،
ردي عيون محدثك ...
يقراك فـ الماء كلما سال بيـده
يشوف وجهك والطريق يقيّده
تحركه ذكراك بين اصابعه .. كانت يدك تهمس لنبضه راجعه
ردي ملامح هالشرود ..
ردي عيون سارحه فيها برود
لا يشغلك .. الاخضرار الغافي بمرمى البصر
لا يشعلك .. الاصفرار المحتضر خلف الصور
انا هنا بكل الجهات آطالعك
صرت المسافر والمقيم
والسائح
مر قدامك
وخاف يقاطعك
والشايب اللي يفرك ايده
من كثر ما فارقت
به من ملامـــح صوتي ووجهي كثير
حتى القطار اللي عبر
من قبل لا تكوني القصيده له سفر
لكن وقف مثلي يتذكر
عمره اللي فات ووجوه البشر
حتى العجــوز اللي نست
جريدة الاخبــار
شاغلها خبر
ما شاغلك
شيء ما طرى
اسمي على مشاغلك ..
ما قد عبر
كتبتك بشرياني يوم انك تعلقتي السفر
لعل يوم القاني في روح بها اية اثر
وان ما لقيتك في دمي
قلت استميتـك آدمي
مزمار صوته يختنق
وبحنجرة روحه تلاقين المسافه
مهمهة راعي يجرده النهار
عيون وجهٍ يألفه
ويدله البيت الطريق
يشيخ صوته كلما
لمح مصابيح البيوت بلاعيون
يموت نصفه بعدما
كانت تداريه العيون
واليوم انا صوتي كبير
لا تسألي هل مت او ما زلت لي
صوتي كبير
خايف انا
خايف
تجرّحه المدن
كل عابر من سبيله
مرّ
مر في صدره
مدينه
فارغه
يستأنس الضيء لحكي فضفاض
ما يوسع مداه
انما انسكب
ليله وكتب
يا مسافره صوتي كبير
خايف
انا خايف
تجرحّه الـُمدن
لامر في صمتي كلام
او طار من كفّي سلام
لاهل البيوت الفارعه،
ثم ضاق مما طالعـه
نبضٍ بصدري منهزم،
ياعل بس ما ينحرم
حسّك ويلقى لك اثر
في هالمدينة الفارغه
ماعاد لي فيها مفر
الا لرصيف
وبايع الشاي الحزين
اواااه
من حدّك على هذا السفر
من قال لك
ان الحبر يمكن تخبيــــه العروق
لا ضاق في اوسع مساماته
وسال
سلسال
في صدر الورق
او احترق
في ذاكره خرساء يعبيها السكوت
من قال لك الحب في لحظة يموت
وان الحروف احيان يمكن تنكتب
من دون حب ، او تسترق السمع من نبض الغياب
او تغترب
دورت لك يامسافره
في هالمدى
عن عذر ياخذك ويطول ،
مايرجع بأية حلول
ومالقيت
ما كنت اشك ان السنين اللي خذتنا ما تعود ..
اْنا كنت اطالع في محطاتك ملامح للشرود ..
ويرتسم وجهك معي
لو ترجعي ،،
ردي عيون محدثك ...
يقراك فـ الماء كلما سال بيـده
يشوف وجهك والطريق يقيّده
تحركه ذكراك بين اصابعه .. كانت يدك تهمس لنبضه راجعه
ردي ملامح هالشرود ..
ردي عيون سارحه فيها برود
لا يشغلك .. الاخضرار الغافي بمرمى البصر
لا يشعلك .. الاصفرار المحتضر خلف الصور
انا هنا بكل الجهات آطالعك
صرت المسافر والمقيم
والسائح
مر قدامك
وخاف يقاطعك
والشايب اللي يفرك ايده
من كثر ما فارقت
به من ملامـــح صوتي ووجهي كثير
حتى القطار اللي عبر
من قبل لا تكوني القصيده له سفر
لكن وقف مثلي يتذكر
عمره اللي فات ووجوه البشر
حتى العجــوز اللي نست
جريدة الاخبــار
شاغلها خبر
ما شاغلك
شيء ما طرى
اسمي على مشاغلك ..
ما قد عبر
كتبتك بشرياني يوم انك تعلقتي السفر
لعل يوم القاني في روح بها اية اثر
وان ما لقيتك في دمي
قلت استميتـك آدمي
مزمار صوته يختنق
وبحنجرة روحه تلاقين المسافه
مهمهة راعي يجرده النهار
عيون وجهٍ يألفه
ويدله البيت الطريق
يشيخ صوته كلما
لمح مصابيح البيوت بلاعيون
يموت نصفه بعدما
كانت تداريه العيون
واليوم انا صوتي كبير
لا تسألي هل مت او ما زلت لي
صوتي كبير
خايف انا
خايف
تجرّحه المدن