من اول الليل وانا اقـول ياساتـر

[فالح البريكان]

الى متى والمشاعـر تجبـر الشاعـر=يشكي على الغير هم وغم ويعانـي
مدري علامي اخلي افكاري تغامـر=واحيان الافكار تتركنـي وتنسانـي
هو حلم؟ لكن قضى ليلي وانا ساهر=ماظني احلم وانا ماغمـض اعيانـي
لكن تخيلت نفسي بالسمـا طايـر=بالصبح جوه نسايم حرك اشجانـي
وياهي مناظر حقيقة سرت الناظـر=والورد فواح ريحه بالفضـا جانـي
ماني على وصف شي شايفه قـادر=ويني ووين الخيـال بعيـد ودانـي
ورديت للواقع اللي عارف وخابر=واقع مرير وشقيته والله اشقاني
زاد الشقا والتقا مع حظي العاثر = واعيش عمري مقدره اللي احياني
مازلت ادافع واقاوم ثابت وصابر = وافزع مع الطيبين وماني اناني
واشوف نفسي حقيقة تكسر الخاطـر=اكيد مجنـي علي ومانـي الجانـي
من اول الليل وانا اقـول ياساتـر=خايف لاتزداد سياتي عن احسانـي
ويحتار بي من تقدم صوبـي وبـادر=ويحتار في كل خطواته على شانـي
انا وكلي فخـر واعتـز واكابـر=مارضى لنفسي خيار وحيرة انساني
وين العزيز الصديق المخلص النـادر=اللي لو اني انا المخطـي تراضانـي
يالله بمستقبل(ن) افضل من الحاضـر=وعسى المسرات تذهب عني احزاني
عاد الليالي سبيل وحضرتـي عابـر=اواجه الوقـت لـو انـه تحدانـي
ماادعي الزود لكن ماعلـي قاصـر=واستغفر الله عن الزله مـن لسـاني

[وائل فهد]

فالح البريكان

اسعدني ان اكون اول من يصافح
هذه الرائعه
دام تواصلك
كن بخير

[فالح البريكان]

فالح البريكان

اسعدني ان اكون اول من يصافح
هذه الرائعه
دام تواصلك
كن بخير

وانا اتشرف بوجودك هنا يا وائل

تسلم يالغالي

[مروان الحربي]

فالح البريكان

تسجيل حضور في سطورك

قصيدة رائعة

صح لسانك ولا هنت

دمت بود

[العـنود ناصر بن حميد]

هو حديث خاص

لغة تسمو

لتصل للروح .. وتبعثرها بحرف

.
.

يالله بمستقبل(ن) افضل من الحاضر

وعسى المسرات تذهب عني احزاني

اللهم آمين

فالح البريكان

صح قلبك

ودام تواصلك الكريم

[عبدالله ثويني المانع]

..

** فالح البريكان **

هو حديث الذات ..
ودائماً يتسم بالصدق ..
والصدق مؤلـم ..

فالح .. لك الشكر والإحترام
دام تواصلك وتفاعلك الجميل

أرق التحايا لقلبك

..

[خالد التميمي]

.



من اول الليل وانا اقـول ياساتـر
............ خايف لاتزداد سياتي عن احسانـي


:

ماادعي الزود لكن ماعلـي قاصـر
.......... واستغفر الله عن الزله مـن لسـاني





نصّ مملوء بالحكمة والشعر .. يا فالح
حبك متمكّن .. وسلاسة عذبة ..




تحياتي

[خالد صالح الحربي]

:

فالح البريكان /
لهذا الطاروق سَلْطَنتُهُ التّي أكملتها وَ جَمّلَتْهَا القافية..
جميلٌ والله مَا قَرأتْ للغايَة ..
_ تقديري و احترامي _

[فالح البريكان]

فالح البريكان

تسجيل حضور في سطورك

قصيدة رائعة

صح لسانك ولا هنت

دمت بود

صح بدنك اخوي مروان

الله لايهينك واسعدني وجودك يالغالي


تحياتي لك

[قلبي المتيم]

كلمات رائعه نشهدها هنا ونرددها بداخلنا ...

رائع ماكتبت اخي فالح فكلمات تعبيراً يفهمه الطرف الآخر ...

لك شكري