محاولة للغناء:

[خالد صالح الحربي]

:
الليل ياسليمان ( ا ) بن عباس
.. . غنيت لك طاروق " قم غنّه .
يالشاعر اللي تنثر الاحساس
.. . تبي الشتا وإلا تبا الكنّة ؟!
🌹

[عبدالله عليان]

http://www.ab33ad.info/up/uploads/images/ab33ad.info-5126416ac2.png

[سليمان عباس]

يا خالد الحربي ي سيد الناس
طاروقنا صارخ وله رنه
لحنه عليل بطيب الأنفاس
والجو صافي كنّه الجنّه

[خالد صالح الحربي]

:
والليل والبيداء والقرطاس
.. . والمد والإدغام والغنّة .
الشاعر اللي تجرته ألماس
.. . ماظن ظنّي مفختٍ ظنّه.
🌹

[سليمان عباس]

كل من يظن نقول له لاباس
دحر الظنون بشرعنا سنه
عازف ونازف مامعي كراس
اللي يغني لا تسل عنه

[خالد صالح الحربي]

:
لو نضرب الأخماس بالأسداس
.. . كلٍّ يبي يطلع على " فنّه ".
ترى الملك لو يحسد الكنّاس
.. . كذّاب إبن كذّاب ؛ لو إنّه : 😁
🌹

[عبدالله عليان]

ترى الملك لو يحسد الكنّاس
.. . كذّاب إبن كذّاب ؛ لو إنّه :
ترى الملك لو يحسد الكنّاس
.. . كذّاب إبن كذّاب ؛ لو إنّه :
ترى الملك لو يحسد الكنّاس
.. . كذّاب إبن كذّاب ؛ لو إنّه :

[عبدالله عليان]

http://www.ab33ad.info/up/uploads/images/ab33ad.info-5126416ac2.png

لو نضرب الأخماس بالأسداس
.. . كلٍّ يبي يطلع على " فنّه ".

[سليمان عباس]

فتح الله عليك هههههه

درب السعاده ورّث الوسواس
من يرتجيها..... زادته ونّه
ماهي سوى في زهد ابو نواس
(وما دون ذالك) خله يستنه

[سعيد الموسى]

يخرب بيت شياطينك ياخالد ، ركز ياسليمان ركز 😂

[خالد صالح الحربي]

:
الله الله الله
وحتى لا " تَخْرَب " أغنيتنا سنتوقف ، فبعض الزيادة نقص :)
شكرًا سليمان لأنك جزء من هذا الكوبليه الغنائي.
وشكرًا عبدالله عليان لأنك كنت بالقرب والقلب.
وشكرًا لكل من تابع بصمت .
_ احترامي ومودتي للجميع -
وتصبحون على خير.
🌹

[خالد صالح الحربي]

- سعيد موسى -
الورد لك وإليك .
لا توصي سليمان
لا توصي حريص .
🌹☺

[سليمان عباس]

يخرب بيت شياطينك ياخالد ، ركز ياسليمان ركز 😂

مين يركز يا ابو ركز هههه مثل ماقلت يخرب بيت شياطينه
تبارك الرحمن
الشكر لخالد على إتاحة هذي الفرصه القيمه
وشكرا للجميع

[بحني عسيري]

هههههه
هذا كلام قوي ياخالد..
وارى سليمان أكثر براءة من فهم المغزى الاخير
ولكن أتابع ساكت يمكن اطلع انا الأكثر "براءة"هههه


:
الليل ياسليمان ( ا ) بن عباس
.. . غنيت لك طاروق " قم غنّه .
يالشاعر اللي تنثر الاحساس
.. . تبي الشتا وإلا تبا الكنّة ؟!
🌹

[سليمان عباس]

الغالي بحني لا يروح بالك بعيد النوايا طيبه والوجه ابيض
قبل هذا كله ربنا جابك ودنا نشوف محاوره لك بابعاد
ولا تبخل علينا بجديدك
🌹

[سعيد الموسى]

الله يونسك بالعافيه يابويوسف ..
أستاذ " كنت ومازلت وستظل "
المتصفح ممتع لأبعد درجة والله وتمنيت ماتوقف : )
.
.
سليمان مجرّد مزح لما أقول ركّز ، نوايا خالد طيبه ونواياك أطيب ، ولكن بعد إنت ماتعرف رمزيّة خالد ههههههه
خالد خطير في الرمزية والمحاورة معه مغامرة ولكنك قدها وقدود ...
على فكرة خالد مجرم في التفعيلة ياسليمان ويكاد يكون من القلة القليلة اللي يكتبون التفعيلة ب أستذه !
ردي هذا تعقيب لردي السابق عشان ماحد يفهم غلط ترى خالد بريء ياجماعة والله بس احنا حبينا نتملعن شوي ههههههه
ماهو عشان تستمتع لازم تشعل فتنة وتمشي هههههه
.
.
تصبحون عليكم وأنتم أجمل 🌷

[سليمان عباس]

حياك حبيبنا سعيد
وقت وصلت ابعاد
اكثر ما شدني فيه الجيل الأول فكنت ادخل القسم واتابع الصفحه الأولى قبل الاخيره والى الان
ووجدت الكثير من مجرمين الشعر
وطبعي مغامر يا سعيد وش رايك ما ودك تغامر ههههههه
التفعيله انت أحد مجرميها
ولا أعلم هل هو تواضع الكبار ياغالي او خوف من الحسد؟
أدام الله لنا جمال أبعاد

[خالد صالح الحربي]

:
أهلا بالرِّفاق ؛ سليمان وسعيد وبحني
سعدت والله باللعب مع سليمان والمحاورة صافية وافية ولا فيها شيء .
من اللّؤم أصلاً ممارسة الخبث مع الطيبين ؛ مع أني أستاذ خُبث وملعنه
مع غيرهم :) ؛ المحاورة فن شعري مسرحي جميل .. ويفترض صراحة أن
كل الشعراء يطرقونه لأنه كورشة التدريب لأبواب شعرية لا تُعد ولا تُحصى .
صباحكم خير يارب .
🌹

[خالد صالح الحربي]

:
ودّي أغنّي مع سليمان بن عباس طاروق
.. . ليا حضر من غيبته ياجماعة : خبروني.
أبا أسأله عن حالته بعْدها عن حالة السوق
.. . لعلّه يوفّي ديونه .. وأنا آوفّي ديوني.
🌹