مُتنفس .. شِعري !

[سعيد الموسى]

:
:

قلت اكتب الفكره وفكرت في شي :
ــــ لو ما كتبنا افكارنا كيف نقرى ؟
يعني عشان نشبّه الفكره بـ "زي"
ــــ لازم نشيل "الزاي" ونحطّها : را


____


صدفت لي غيمه شحيحه من المَيّ
__ والقيض سرّاني على غير مسرى
دورّت لي وسط البراري على فَيّ !
__ واصبحت أخايل غيمةٍ تلو أخرى !

[عبدالعزيز الردادي]

:
:

قلت اكتب الفكره وفكرت في شي :
ــــ لو ما كتبنا افكارنا كيف نقرى ؟
يعني عشان نشبّه الفكره بـ "زي"
ــــ لازم نشيل "الزاي" ونحطّها : را




]:

الغي، فكرة تمزج الشمس بالفي
وتناقضك مع فكرتك قبل تقرا

في مستحيلك ترتكي تطلب الضي
تموت، تحيا، تنتبذ جوع، تعرى







[/quote]

[قايـد الحربي]

:
:


‏ تخيلوا نكتب بلا " همز أو لمز "
‏ـــــ ويصير تعريف الكتابه : سحابه
‏نكتب ولا نقصد إساءه ولا رمز
‏ـــــ يعني تكون حروفنا : للكتابه !

[سليمان عباس]

جميلة بسمتك
من لبست ايامك
ولكن عطني اقلامك
عرفتك من قديم الشعر
تحب تكتب جميع الناس
وتمنحهم من احلامك
تعيش احساسهم بإحساس
تضحكهم ...تواسيهم
وتنسى تواسي
آلامك
عطني شوي
اقلامك
ابي البسك وامشي بك
لذاك الشارع المشتاق خطواتك
بعد ما رحت اعيته
سعاله ازعج الحاره
شاب وانحنى ظهره
يحكي عنك ويماري
رغم كل الوجه اللي
تمره
مالقي علاجه
وماله في احد حاجه

[سعيد الموسى]

:
:


‏ تخيلوا نكتب بلا " همز أو لمز "
‏ـــــ ويصير تعريف الكتابه : سحابه
‏نكتب ولا نقصد إساءه ولا رمز
‏ـــــ يعني تكون حروفنا : للكتابه !


[ أمنيه ياقايد والله أمنيه ]
خصوصاً أن مواجعنا تكفينا ، الحياة طحنتنا بما فيه الكفايه

[سعيد الموسى]

__

قلت أحبّك ..
قلتي " بدري "
قلت أمس ..
وقبل غيمه !
قبل كم نجمه .. ونجمه ..
لي زمن ..
أكتب بشعري!
قلتي :
" طيّب ماتكفي"!
شلت قلبي
قلت هاكِ ! ❤

[عبدالعزيز المخلّفي]

‏لا تختبر صبر الحليم
‏كل الحروف مقوله

‏ما عاد انا ذاك القديم
‏اللي تعرفه واجهله

‏اللي تحسب انه عتيم
‏حاز الضيا من منهله

‏وصلت لو ماني مقيم
‏والدرب هذا أوله

‏أعلم النجمة تهيم
‏في حب حبة سنبله

‏وألاعب الحرف العديم
‏وأستصعبه وأستسهله

‏يشابه احيان النسيم
‏وأحيان يشبه زلزلة

[صالح العرجان]

انتي الذ من الرضا وابتسامك
‏احن من نوش الرموش لبعضها

‏انتي اذا اقبلتي لنفسي مقامك
‏مثل العوافي ياتعقّب مرضها

رضا حليس