الغيص ما غره !!!!!!

[عادل الدوسري]

يقوله اللي سبح موجه قبل قوعه
والغيص ما غره الامواج والقاعي

والشعر مشروع والابيات مشروعه
لكن تبغى لها حكم ٍ و شرّاعي

بعض الشواعير موهوبه و مطبوعه
و بعض الشواعير تمشي بالتطـبّاعي

والبعض متكلف ٍ طرحه و موضوعه
والبعض متميز ٍ في كل الاوضاعي

والبعض ما ينعرف شكله ولا نوعه
والبعض يمشي من الإبداع في إبداعي

و صلاة ربي من الاعماق مسموعه
على النبي عد ما هبّت بذعذاعي

عادل

[عبير البكري]

سلمت الايادي عادل الدوسري ..

[عادل الدوسري]

سلمت الايادي عادل الدوسري ..

هلا وغلا بكاتبتنا عبير الاحمد
تشرفت بوجودك على متصفحي