[ ~ تحليق ~ ] [الأرشيف] - منتديات أبعاد أدبية

سليمان عباس

02-18-2021, 07:25 PM

سلام

طمأنينة

هدوء

شفافية

نقاء

صدق

حسن ظن

وفاء

وتحليق بين السحب بدون ازدحام او اشارات ضوئية
قريبا من عطر الجنان وفاءا للحرف عطاءا بكل ما أملك
ليس لأملأ تلك الثقوب او لأرمم ذلك القلب
بل لأني اردت التحليق

سليمان عباس

02-19-2021, 12:43 PM

استقريت بمكان
يا ما واريته وحجبته
من زمااااااااااااان .
قبل تمشي
قبل تحبي
قبل تولد

سليمان عباس

02-19-2021, 02:21 PM

و الحجاره
تحتضن هذا المكان
اللي ما زاره أحد
قمته دون الساحب
سفحه الؤلؤ
ولكن من تراب
الهدوء هناك ساكن
غير عن كل الاماكن
غير عن كل الهدوء

سليمان عباس

02-19-2021, 06:42 PM

اقترب منه السحاب
اعتقد سفحه تِعَالى
لين غاب
والهدوء الساكن
اللي
غير عن كل الهدوء
احتضن معه الضباب
وبتدت تتفتت
احجار المكان
اللي واريته
زمااااااااااااان

سليمان عباس

02-19-2021, 11:03 PM

.

http://www.ab33ad.info/up/uploads/images/ab33ad.info-494162212c.jpeg

واستقريت وصلت
في المكان
اللي واريته زمان
كنت أظن
الصخر صلت

سليمان عباس

02-20-2021, 12:18 AM

قام يتأمل يدينه
وانكسر ذاك الهدوء
قام يسأل
عنه وينه
قام يتحسس
جروحه
ويتلفّت
شاف روحه
وعينها تنظر
بعينه
من متى انته هنا ؟
وابتدى يحسب
سنينه
هل بقى في البحر ما؟
هل نمت ذيك السنابل ؟
كيف انا عشت بظما ؟
كيف نبضي واكسجينه ؟
هل بقى من ورد بابل ؟
كنت زارع يا سمينه..!

سليمان عباس

02-20-2021, 05:40 PM

http://www.ab33ad.info/up/uploads/images/ab33ad.info-4744e32b92.jpeg

انت من جمّد عقارب
ساعته ...
واصبحت هارب
من شعوري ...من سروري
حتى نوري ... مل قضبان الحجاره
- لو سمحتي ... جاوبيني
يا حزينه
كنت زارع يا سمينه .
للأسف ماعدها بابل حدايق
والمدينه مو مدينه

سليمان عباس

02-21-2021, 09:50 AM

.
http://ab33ad.com/vb/attachment.php?attachmentid=525&d=1574416943

سأعود لهذه الشقية الخميس القادم
ابقي حيث انت

ابراهيم بن نزّال سلام من الروح الى الروح

سليمان عباس

02-24-2021, 10:15 PM

يعني ما عادت حدايق
ما اظن للماء يد
كنت ضايق
بين قضبان الحجاره
حاجبٍ عنك الحرايق
ما اظن لنار يد
هي خياراتي اليتامى
كل ما ناظرت دمعك
الوجع فيني تنامى
وزدت صد
والمدينه خاويه
من دون عينه
والشعور اللي تضخّم
صار اكبر من دُواتي
كيف اكتب
كل يوم
وكل ساعه
وكل لحظة
فاتت بعالم سباتي
جاوبيني
يا حزينه
والقرار اللي خذيته
اني اترك نص حياتي
لجل احيا نص حياتي ..!

سليمان عباس

02-24-2021, 10:18 PM

اعذريني
كنت وحدي
قبل ما كان الجميع
وباقي وحدي
بعد ماراح الجميع
ما معي إلا انت
بعد اللي خلقني
اعذريني يوم همّشتك
وانا صدري فضا
ثلج وربيع
وحلمي اصبح نجم
في قبضة رضيع
خاف يفتحها
وأضيع

سليمان عباس

02-25-2021, 11:20 AM

لا تعتذر
عذرتك ولك اعتذر
ضميتك و همّشتني
رممتك و هشّمتني
خليتني وحدي بفضا
نورك معي
وقررت ترحل في ظلام
تهيم في (الليل البهيم الأليلِ)
تصحى وتنام
لحظتك من دوني ضياع
والعام يمسك بيد عام
عطني اش لقيت
هل عشت ما راح بنعيم ؟

سليمان عباس

02-25-2021, 01:34 PM

ورد ابيض
صباحاتك
ولا فاتك
هواي اللي
جرى بذاتك
احبك يا ربيع ابيض
احبك حيل
غير الليل
ابعدني عن دروبك
وباقي كل تفاصيلي
تحبك حيل
وأتأمل تفاصيلك
واناظر مبسمك شطرين
فيه من الفرح والحزن
وحتى العين
غدت في اختلافك مزن
نضجتي بغيبتك
واحمر رمانك
وانا اهملت
ايه اهملت
بس القلب ما خانك
تعالي واحرثي اغيابي
تعالي نبذر ونمطر
تعالي والبسي ثيابي

سليمان عباس

03-01-2021, 10:18 PM

لأنك كل ما املك
تعالي
ودي اهمس لك
تحبي الورد ؟
انا لما اشوف
الورد
اشتقلك
ولجل وصلك
زرعتك في جدار النبض
وصار القلب لجلك ارض
تغذيكي من افكاري
واوراقك غدت تبرق
وتتفتح وانا اشرق
وصرتي صفحة
اشعاري

http://www.ab33ad.info/up/uploads/images/ab33ad.info-24745051cf.jpeg

تحبي الورد ؟
قولي لو انا
داري

سليمان عباس

03-03-2021, 01:35 AM

جميلة بسمتك
من لبست ايامك
ولكن عطني اقلامك
عرفتك من قديم الشعر
تحب تكتب جميع الناس
وتمنحهم من احلامك
تعيش احساسهم بإحساس
تضحكهم ...تواسيهم
وتنسى تواسي
آلامك
عطني شوي
اقلامك
ابي البسك وامشي بك
لذاك الشارع المشتاق خطواتك
بعد ما رحت اعيته
سعاله ازعج الحاره
شاب وانحنى ظهره
يحكي عنك ويماري
رغم كل الوجه اللي
تمره
مالقي علاجه
وماله في احد حاجه

سليمان عباس

03-04-2021, 05:46 PM

وبعدين معاك ...!
يعني ما تعرف غلاك ..؟

لا تطوّل المكان
بدون روح

ولا تدري
ما يهمني ..!

بس طمني

وروح

سليمان عباس

03-25-2021, 03:36 PM

يميني ماسكه يسراي
حالت بيني و... ا* وراقك
و ماودي سوى اكتب
( انا بالحيل مشتاقك )
عساك بخير
يا معنى
المطر والنور
عساك بخير
يا أغلى
شعر وشعور
عساك بخير
طمني

سليمان عباس

08-08-2021, 03:46 PM

كيف اعتذر
مافات . ما له اذن
او له عين تقرى لي عذر
كيف اعتذر
مافات . ما كان بسبات
واقول من يرجع
بعوّضه اللي فات

مافات مات
ومابقى
الا فتات وذكريات
تعصف بي كل ما امطرت

سليمان عباس

12-21-2021, 11:32 PM

هات رشفة
بل ....ريقي
لو عطشك امطر
...حنين ....!
لو خفت مرة بريقي
عطني رشفه
بس رشفه
لا يموت اللي غرسته
في غياهب ضيق..... ضيقي
من تشعب في غيابه
كيف يرجع
وكيف ارجع
وصارت الأحزان ... غابه
وابتعد عني طريقي
وما بقت لي لو علامه
وفي ضياعي انتشى يغني ( سلامه)
( في سحابه ..!!)

سليمان عباس

03-02-2022, 04:49 PM

هي كذا
ذا شكلها
ذا لونها
ذي عيوبها
وذا حسنها
من خارج الصندوق
تتأمل بذوق
افضل كثير
اللي تشوفه وتسمعه
ما تسمعه ...!
وانته بوسط المعمعه ..
...
لو امتلى كاسك
تعب
انهك ذراعك
واتعبه
لا تشربه
ولا تكسره
مادمت قادر تسكبه
بُعده تقى
ياللي انعجنتي بالتقى
كلك نقى
وانتي الاصح من الصحيح
ان جيت اقرى آخرك
لابد اجمع اولك
غمست نفسي بجرح
يشبه جرح عانقني سنين
ولقيت ان الحبر يا كثره
بتلقى يوم منه يكتبك

سليمان عباس

03-03-2022, 11:30 PM

وانتي تدري ..!والجمال ..
اللي سكن عينك وقال:
( ايه احبَّك بس تعال)
خايف اجتاحك ولا ...
يبقى لباقينا ظلال
اللي بقلبي لك عدد قطر المطر
اللي بقلبي لك غدى كبر السما
ماهمني من كان او ممكن يكون
يا ( نون ) معجون بجنون
اللي اعرفه ان حسنك ماحصل
ماسه وسط كل الرمال
بس خايف اجتاحك ولا ...
يبقى لباقينا ظلال
...
هاتي اغانيك القديمه كلها
واللي حواها من نشاز
بدوزن اللي خانته الأوتار
واحيي لحنها
كل الكسور اللي بحروفك تنجبر
حتى ولو مل الصبر
عندي نفس يعقوب
وهدوء الجبال
بس خايف اجتاحك ولا
يبقى لباقينا ظلال

سليمان عباس

03-04-2022, 10:12 PM

عندي سؤال
ماكفاكي اني في بعدي قريب ؟
مثل ما ودك واكثر
مثل ما يحلم واكثر
مثل ما يرضيه بغيابه
واكثر
لي مكان ولك مكان
اثنين يجمعهم زمان
وكل اغانينا تنادينا شجن
ما كفاكي اني في بعدي قريب ؟
اجمعك رغم المسافه
وارسمك ويا الثواني الف عام
ولا ازال
هل فهمتي يا ( . . . . )
خايف اجتاحك ولا
يبقى لباقينا ظلال

سليمان عباس

03-11-2022, 04:57 PM

عن الحاله
يترجم صوتها صمته
وفرقى الروح بوصاله
نقش مغزى
بسطح الما
وحفر في غيمته فاله
عسى تمطر
وتنبت ارضها اسما
ولكن المطر اهمل
يبي يبقى
على حاله

سليمان عباس

03-13-2022, 02:41 PM

هذه الطفله الكبيره
كيف اخبرها
بان الحبر ..خمر
لا غدى المستقبل المبهم
يفوح
بعطر امس ...
شعر سحر
وشعوذة عزف وشعور
ياخذك لاخر خيال السامري
ان غاب لبّك قام يهذي
باستفاقة بنج خطرف
شي يفهم
شي مبهم
بين صرخه وبين همس
بين وعي وبين غي
ولا نتايج غير هم
لو وعيت وارتميت
بحضن سجده
لا تقوم
قول ما ودك تقوله
ولي ما ودك تقوله
اعترف له بضعف حولك
يمطر الامك بحوله
يجمعك في حضن سجده
حضن ما ذقته من امك
به حنان وبه امان
لا تجرب
روح متيقّن وقرّب