"أهازيج قلب"

[مشاعل الفايز]

.


كانت القصة كذب

وكانت الهمسة خياااال

تنبض مع أول فجر

وتموت مصلوبة

على شعاع النهار

[مشاعل الفايز]

كنت أشوفك حقيقة وانت بالأصل السراب

كنت أحسك قريب وانت غارق فالغياب

الدعوى ماهي شكاية

ولا حتى نكاية

الدعوى أنين وأسى

آه يا يمه ما بخصته

كان في عيني تراب

[مشاعل الفايز]

بلا عنوان تسيرنا خطاوينا

نداري علة الوجعان

ونخفي الأسى فينا

ويتفرع حزننا آمال

بلا شكوى بلا لومات

ولانقبل عزى فينا

لعل الله يداوينا

ولايشمت بنا الأنذال

[مشاعل الفايز]

واهوجس بك كذا وحدي

واهوجس بك مع الخلان

سألتك باللي زينك عندي

حبك كذا إنسان؟!

[مشاعل الفايز]

هذا حبك

وهذا قلبي

عاهد العشق يبقى
وأنا من شدة قربك
بعدك صرت أفنى
ليتك يوم أقفيت خذت ذكرى
وبقايا قصيدة وحنين هيج العبرى

ليتك يوم أقفيت علمتني وشلون أقوى
ليتك رسمت لي في طريق غيرك
بعض خطوة
وانا باكمل المشوار

باتهجى كلمة أحبك لغيرك وان عيت
بقول

أهوى

أهوى بعيد عنك في لوعة الرمضا

.

[مشاعل الفايز]

يوم كنا أنا وانت والفجر انتظار

سألتك والهوى برد ونار

لاتعذبني ..فلان... لاتماريني... غبار

يومها جدت علوم

وانتهى ضحكك وصار

كيف منهم تغار

أنت فين وهم فين

مادريت انه كلام يجلوه النهار

والدليل اللي عليه احتضااار

هم فييييين واناااا فين

[مشاعل الفايز]

قالوا غرامك سياسه

وانا ربعي بدو جاهلين"ن" بالسياسة


لجيت أقول أحبك صدق

طيرت ثوبك مع عجاجه

ولا جيت باقرب قرب

ابتعدت حتى النهاية

حقك علينا في الهوى

إن حبك واضح"ن" عيبته الجهالة

[مشاعل الفايز]

كنت باكتب لك قصيدة
كنت بارسلك نثر
واترك إحساسك يعيده
كنت وكنت
وانتهينا مثل آخر ألوان الفجر
بعد الشمس كيف يبقى له أثر؟!

غير أنه
تمادى اليوم فيك حزني
واستعار الزيف شعري
أقول الشعر للريح
وشلقة غبار"ن" ما تبعثرني

طفل أنا شااايب
كل ما فيها متساوي"ن" عندي
أخمن إحساسي وافاجئ الأيام
باكر يجي باكر
ويلقانا على الأبواب
باقي على درب الهوى عشاااق