زوايا

[محمد متعب العيباني]

الى متى / ياحروفنا الابجدية
يستنزف الشاعر من شعوره شعور،

حنا الوقود لذاتنا الفوضوية
ولا فراغ العاطفة / …… لاعبه دور ؟

كل الفراغات الشقية .. شقية
الا الفراغ … اللي يجي منه النور !

[محمد متعب العيباني]

ماتركت لـ خاطري
يوم أفرحه

يا معاتبني على غيابي
بـ ليش

الوداع اقسى من اني
أشرحه

وانت ماخذ اصدق احساسي
بـ طيش

الوداع وكل جرحن
تجرحه ؟

لو تعيشه يوم
يمكن ماتعيش !

[محمد متعب العيباني]

ياسيد الخلق والاجناس
مشاعري لـ وين ودتني ،

احس اني بدون احساس
وحساسي هذا يموتني !

[محمد متعب العيباني]

للتوضيح

ستكون هذه المدونة
خالية
من المنقول

[محمد متعب العيباني]

https://h.top4top.io/s_2385s5dta0.jpeg (https://top4top.io/)


حاول كثير
بلا حرج

تخلق معا نفسك
سلاٌااام

على امل ،
بكرا الفرج ،


تلحف اوجاعك
ونااااام
،
،

[محمد متعب العيباني]

ما عاد باقي دمع فيني / وهله ،
على اجمل اللي مرني في سنيني


صدقني اني ما ابي شي والله ،
الا رضى ربى … ورضى والديني

[محمد متعب العيباني]

المفارق ،
مايجي بعده فواصل

الذهاب ابلا اياب
احسن وسيلة

مايهمني انتواصل
ما انتواصل ،

الأهم
فراقنا بـ/صورة جميلة

[محمد متعب العيباني]

الحزن عابر
لو أن الجرح
مو عابر

اشكي على خالقي
مـ شكي على خلقه

مابين طعنة رفيق
وكسرة الخاطر


يا مسلسل الحزن
كم باقي من
الحلقه ؟

[محمد متعب العيباني]

لو للرسايل صوت
ما كنت انا عاني

ياشوقي المكبوت
ان كان / يقراني ،

لو هي على البيوت
صح الله لساني ،

بس البلا منحووت
والدافع اشجاااني

انا احبه / مووووت
وأحزاني / أحزاني

[محمد متعب العيباني]

بـ الحلق غصة / وانا ماني بقد الملام
لا تفتح جروح ماتقدر على طبها ،

كم قلت لك لا تكابر بالزعل والخصام
واعذارك الطايشة عن كاهلك كبها ،

اررم التهايم على ذاتي وطاب المنام !
يا ذاتي اللي ما عاد اعرف وش ذنبها

ودعتك الله / وفي قلبي حمامة سلاام
حياتي اللي معك / ماعدت انا احبها

[محمد متعب العيباني]

أحيان احس إن القصايد نزوة
واحيان احسها ترجمت لي ذاتي

كل القصيد اللي يجي من نشوة
فرغت له فكري وكل اوقاتي ،،

لو كان ما املك في حياتي ثروة
ما املك الا بالحياة ابياتي

[محمد متعب العيباني]

ايه احبك وانا من حبك آعاني
انفنى احساسي بحبك وانت فاني

كل ليلة في غيابك مااا اااحبك
وما احب اكتب شعر واسمع اغاني

اتناسى وجهك الطاغي و ذكرك
ويرتسم لي فالوجيه و فالمباني

وكل ما آذكر سواليفك / آٌغممض
وااتنهد / من حرارات المحاني .

انتمائي لك : ياموطن حياتي :
وانت مالك / لا حدود ولا مواني !

لا تقول انك تحبني / لو تحبني ؟
ماتخليني من ايدينك [ آعاني ] !

[محمد متعب العيباني]

https://www5.0zz0.com/2023/07/12/12/985001588.jpeg (https://www.0zz0.com)




/
/
غريق بك
وشلون بيديك النجاة
وتخلق من الموت الحياة


هذا انا
تحتي بحر .. فوقي مطر
ونقطة على اخر سطر !

شوف المزن
شوف الحزن

وشلون احاول اتزن ؟

[محمد متعب العيباني]

من قال لك : آني سعيد ؟
انا حزين / و آبتسم !

ومن قال لك اني وحيد ؟
خليت نفسي / تنقسم !

نصفي / يحبك للوريد ،،
والنصف الاخر ( آنحسم )

آنك القديم / آنك الجديد
والجرح من يدك دسم !

انا القريب / انت البعيد
بالعاطفة ماهو جسم !

لو نختلف يبقى الاكيد
( حنا حبايب بالاسم )

[محمد متعب العيباني]

لا تقول اني سراجك فـ الطريق
انت عندك ناس واجد من وراااي
لو اشكك في كلامك لا تضيق ،
من عرفتك وانت ماتصدق معاي

[محمد متعب العيباني]

بيني وبين الحظ ….. هفوات وعتاب
حظي .. مع احبابي يجيب المطمة

من كثر ما صدري فقد ضمة احباب
لو مرني أي شخص / يمكن اضمة !

[محمد متعب العيباني]

معاك احب الرضى .. واحب معك الآمر
لو كان ما مال قلبي انت من ميييله

كنت احسب انك هدية من هدايا العمر
ولقيتك اكبر من اللي كنت متخيله ،

[محمد متعب العيباني]

على عجل

منتي فلسطين / وماني محمد الـدرة
لا الارض ارضي ولا الموقف بيصنعني

من طاح غصن الملام .. و حدة النبرة
من ثامن المستحيل انك … ترجعني ،

بـ أغيب و تغيب / مايبقى لنا جررة
على شبابيك طيشك ( لا تـوزعـنـي )

وتمررر الايام …. لا حلوة ولا مرررة
واللي دفعني معك نفسه بيمنعني

توجعني كثيرر لكن غير هـ المرة ،
يوجعني اني ماعاد انك بتوجعني

[محمد متعب العيباني]

بعد الساعة 12 ليلآً
يتحول الكبرياء إلى حنين


رفيقة دربي .. اليها فقط







خل الكلام اللي بصدري / بصدري
مليت احللها …. وهي مالها حل ،

خطاك واضح بالتعامل / وعذري ،
ما اخطي على احباب قلبي ولا ازل

والشوق لو جرد .. من الذات صبري
ما احب اوقف موقف الضعف والذل

امسامحك عن طيش قلبك وهجري
وشلون ما اسامحك / واسامح الكل !

والعفو ما نقص ولا زااد : ( قدري )
لان المحب إن ضاق مايعرف الـ غل

محتاجلك كلي …. بكسري وجبري
والاحتياج معييب لو ما انت لي خل

ان جيتني يا مرحبااابك ( وتدري )
ان اسعد الايام وصلك / ليا حل

وان رحت : كفنت الاحاسيس بدري
تركتها لله …… ولا انت في حل

مع امتناعي و امتناني و شكري
اللي يزل الدرب ماعاد بيدل ،،






,

[محمد متعب العيباني]

https://up6.cc/2024/10/172928368636641.jpeg (https://dcars.net)[/IMG]

[محمد متعب العيباني]

من غبت عني …. كل ليلة أخمن ،،
ضايق .. او انك صرت لاهي مع الغير ؟


ارررجع : واجرحني عشان اتطمن
يمكن من جروحك .. احس انك بخير ،،