والله ما اقول غير اللي تحبينه " شعر عن الام " / بداح الشويب

[بداح المطيري]

https://youtube.com/shorts/YVQ0_-wSY2U?feature=share

يا جعلني فدوة ترابٍ تدوسينه
انا بدونج يا مكثر همي وغمّي

احب اسمي مدام اسمي تنادينه
واليا طلبتي عيوني قلت لج سمي

واحب " كل الكلام " اللي تقولينه
حتى لو انه كلامج ماهو بيمّي

والوقت لو دار وكشر لج بنابينه
عصبت راسي وجيت مشمراً كمي

يا نسمة الحب ويا احلى عناوينه
يا اغلى مخلوق يجري حبه بدمي

والله ما اقول غير اللي تحبينه ..
‏إن قلت همي لقيتج شايله همي

‏لو العمر ينعطىٰ وناخذ من سنينه
‏خذيت كل السنين وجبتها لـ امي .

#بداح_الشويب

[شذرة السيف]

.
.


ولي المقعد الاول بهذا الجمال . .

ان قلت همي لقيتج شايله همي . .

الام هي السند في الكبر قبل الصغر


بداح
صح لسانك اخيي

[خالد صالح الحربي]

:
" يانسمة الحب يا أحلى عناوينه ".
وتبقى الأم فوق الشعر وفوق الشعور ..
وفوق رؤوسنا أيضًا.
_ شكرًا بداح .
🌹

[عبدالإله المالك]

القصيدة مؤنث
والقافية أنثى
والأبيات هنا في الأم ... وكفى
حييت يا بداح