محاورة ؛ فارسٌ وديع ..

[خالد صالح الحربي]

:
سلام يافارس بدر كانك بدر
.. وإن كان ما أنته بَدْر لا يْضيع أوّلك!
بآغني الليلة على " طرقٍ لعين"
اقرب وهات الأحمدي بـ ألعن ثواه ! 😏
🌹

[فارس بدر]

؛




لك السلام امن الغمام وما ندر
من كل خيرٍ يصهل وما يجهلك
غن بوديع الصافي أيامي تزين ..
ولا وديع الأحمدي عندك دواه !🙃




؛

[خالد صالح الحربي]

:
" اللي هرب واللي قرَب وجهٍ ودر "
.. ماني بقايل هالكلام إلِه ..و إلَكْ !
يساركم عندي .. أترجمها يمين ..
.. اقرب ولك تمرة ولا فيها " نواه "!
🌹

[فارس بدر]

؛






على ثلاثة .. ركبوا .. اردى قِدر
لـ سادس الخمسة وكهفك مدهلك
حتى لو انك كنت من ماء مهين
انت اللي بالجمرات نرميه بـ حصاه :)







؛

[خالد صالح الحربي]

:
بالليلة الغدرى .. خطاويك تْغدِر
.. واللي عطاك البوصلة ماوصّلك!
آدم لو إنّه طين سِتره " ياقطين "
مدام يقرا ؛ لكن بحاجة رُقاة !

🌹

[فارس بدر]

؛



العجز واسع ، لكن الضيق صدر
والحجز راسخ وانت له سيد وملك
تُرقى ومن رقياك توغل بـ الأنين
تخشع كأنك طالب المولى رضاه !






؛

[خالد صالح الحربي]

:
أرقى بك وتنزل تحت قاع الجَدِر
.. أدفّك لأعلاك ترجع لـ :اسفلك !
لي جرّةٍ وحدة .. وأنته جرّتين ..
وشلون صارت خُطوة المخطي خَطاه ؟!
🌹

[فارس بدر]

؛





ينقز إلة ( العرب ) ويدحدر حَدر
لو أمهله أو أهمله راح .. يهلك
خل أوله في آخره تلقى.. اليقين
هذا القِدر واحرص على قفلة غطاه


🙃🤍



؛

[وديع الأحمدي]

أنا على تبّة معي شاهي يخدر
جلسة ملك شايف ملك يسلخ ملك
والله يجنّبنا طريق الهالكين
اللي نسوا شرعه ورهبة ملتقاه

[خالد صالح الحربي]

:
قال الثبيتي ذاتَ إيغالٍ " أدِر "
.. وَلَا لقى إلاّ " اجترار المعتلِك "!
لَبّانةٍ مرّت بـ. " خمر الأندرين"
لا فازت بزبدة ولا بحكمة عُصاه!

🌹