ياسر المفرج
09-20-2022, 07:43 AM
مستاء تجذبني لحون الهجيني
والأرض تستثقل مشاوير محتار !
ما طاح من عيني تواسيه عيني
وما طاح من عقلي سوى بنت الأفكار
استوطَن الترحال غفوة سنيني
وعيون ذاكرتي على شوفها طار !
تنهيدتي غيمة؛ ودمعي حنيني
يغري مسيل الصمت "عطشان الاقدار"
وماهيّتي صدّت ولا تهتويني
إلّا غواية طيش وأحلام ثرثار !
تبي عسيف القافية يحتويني
"والبارحة" تصهل على قبّ الاشعار
ما خنت طين الأمس بسّ اعذريني
ربابتي للمُحدثه صوتها حار !
سلّيت من غمد المتاهات "سيني"
وتقّيت "جيمي" لا يقابلْه تذكار
مبداي: لا يسترسل الشكّ فيني !
لو يرشي"التسويف"مخباة الاصرار
ولو يبرك "التكّاك" بيني وبيني
ولو يستلذّ "الحلم" صفحات الاعذار
كثيره أشيائي لذا ساعديني !
الدرب موحش والنسانيس مجمار
هزّي غصون الذاكرة واذكريني
ثمّ انشديني عن حياتي ووش صار؟
واقول لك: الله يخلّي يقيني
متوشّحه عن لفحة اليأس والنار
حتى إنّي ارحم من فراقك يميني
لاحت ولا لحتي وميقافها بار !
من وجهة النسيان يالعمر ويني؟
عِلّقت في ميهاف الايام مسمار
زوّادتي ما تعرف إلا يديني !
و مْن الندم عضّيت الأوراق مشوار !
هزّي غصون الذاكرة واقتليني
ماهيّتي لدّت وأنا الموت مختار !
- ياسر المفرّج .
والأرض تستثقل مشاوير محتار !
ما طاح من عيني تواسيه عيني
وما طاح من عقلي سوى بنت الأفكار
استوطَن الترحال غفوة سنيني
وعيون ذاكرتي على شوفها طار !
تنهيدتي غيمة؛ ودمعي حنيني
يغري مسيل الصمت "عطشان الاقدار"
وماهيّتي صدّت ولا تهتويني
إلّا غواية طيش وأحلام ثرثار !
تبي عسيف القافية يحتويني
"والبارحة" تصهل على قبّ الاشعار
ما خنت طين الأمس بسّ اعذريني
ربابتي للمُحدثه صوتها حار !
سلّيت من غمد المتاهات "سيني"
وتقّيت "جيمي" لا يقابلْه تذكار
مبداي: لا يسترسل الشكّ فيني !
لو يرشي"التسويف"مخباة الاصرار
ولو يبرك "التكّاك" بيني وبيني
ولو يستلذّ "الحلم" صفحات الاعذار
كثيره أشيائي لذا ساعديني !
الدرب موحش والنسانيس مجمار
هزّي غصون الذاكرة واذكريني
ثمّ انشديني عن حياتي ووش صار؟
واقول لك: الله يخلّي يقيني
متوشّحه عن لفحة اليأس والنار
حتى إنّي ارحم من فراقك يميني
لاحت ولا لحتي وميقافها بار !
من وجهة النسيان يالعمر ويني؟
عِلّقت في ميهاف الايام مسمار
زوّادتي ما تعرف إلا يديني !
و مْن الندم عضّيت الأوراق مشوار !
هزّي غصون الذاكرة واقتليني
ماهيّتي لدّت وأنا الموت مختار !
- ياسر المفرّج .