حــــب لا يموت ..

[نسرين الأحمد]

راااائعة جداً يالشتوي

تسلم اياديك

تقبل احترامي

[خلف المهيلان]

يا شينــها لا تـثـنـت لهفـة غصوني =شـمال بالي وسـال الوجد قدامـي
بيني وبيـنك مســافة غمضة جفــوني = وبينك وبيني مسافة تجهض أحلامي
في وجهي اقري حقيقة قصة طعوني =وان ماقدرتي تهجي جرحي الدامـي
لليل حزه بدونك كنك بــدوني =وللصـبح فزه تبـعثر راكـد اوهـامي
شوفي سنينك غدت كالشوف بعيوني = وشوفي دروبك تقدي موقع اقدامي
قولي وش اللي بقى ماشالت متوني =قولي وش اللي بقى من حبنا السامي
مـدي يدينك ودكـي عالي حصـوني = واسترسلي في دمار القلـب وايـامي
رزي بيارق هـواك بعالي ظنـوني = وشبي بصـدري غرامٍ ياصل عظـامي
وبيني وبينك مسافة غمضة جفوني = وبينك وبيني مسـافة تجهض احلامـي

/

رحلت و..لا رحل ..صمت ٍ.. يضج أبداخلي بدموع=رحلت ..وما بقى نبض ٍ عليك اليوم عزاني

*
رحلت. وين أنا ما ارحل أشوفك بالنظر مزروع=وفاء حبك.. غلا طيفك ..وهمس ٍ ناعم ٍ ..داني

*

رحلت ..بكل ها الدنيا رحيل ٍ ..ما سكنه ارجوع=قريتك في وجيه الناس ..دفاتر..فيك تقراني

*
رحلت ..ودنيتي بعدك هجير ..مع هلع.. مع جوع=أنين / وآه / باسبابك /أسى قاسي تغطاني

*
ذبل جسم الفرح واجتاح سنبل بسمتي مصروع=وفي آخر حدود الليل ..كلانا يشبه الثاني

*

يناديني غلا طيفك ..وأنادي له وفاء مجموع=يعزيني.. يواسيني .. ويلملم هم ٍ أعياني


*
على موعد لقانا بك.. أخذني لك وله واشموع=رسايل حب ..وانامل شوق.. وليل فيك خاواني

*

مشيت.. ولا مشيت..الا سبقني خافق ٍ منزوع=وقفت ..ولا وقفت ..الا ثراك .. بجرح ينعاني

*

وطاح القلب.. في قبرك.. يقبل ذكرك المرفوع=وبل الطين ..وهل الملح ..و تغلغل داخل أشجاني


*
دعيت ..ولا دعاني لك ..سوى إحساسي المفجوع=وحب ما يموت.. الا وربي.. حي واحياني

*

ونبت جذر الوصال.. وصال.. سنين بغربتي مقطوع=غرق جذع الكلام ومال.. بوح ٍ منكسر حاني

*

على رغم الغياب اللي خذاني.. بخاطري مسموع=نسجت الصبر وشع النور.. بدد ظلمة أحزاني
*


وغدا لك في وريد الذات ..مكان واضح مطبوع=وغدا لك في جدار الروح.. صور بيضاء لها الواني


*

تهرجني.. وهرجها وترد أبشر أجيلك طوع=تسامرني ..تغني لي قصايد لي من الحاني

*

ماني قايل ذي الفرقا ..ولكن بالهوى متبوع=أبرجع لك وأسولف لك عن القاصي مع الداني

*

تفاصيل ٍ لها قيمة تجدد حبي المشروع=ترتب لحظة اللهفة ..تصب الشوق بأغصاني


*

رحمك الله.. يا شمس سناها مشرق ٍ بطلوع=رحمك الله ياطهرٍ طهور ٍ بل وجداني


*

وسقاك الله.. ياقبرٍ سكن وسط الظلوع خضوع=وسقاني الله .. يا صبر ٍ / بصبر ٍ ثبت اركاني

*
فمان لله ..يا أعلى سماء في خافقي مرفوع=فمان الله يا أغلى وطن حب ٍ بوجداني



[/poem][/quote]

براهيم لك نكهه ممتعه بالشعر اخاذه
صح فكرك وسلم لي على قلبك النقي
دمت بودوغلا ياستاذي

[شــمــ نـجـد ــس]

:

الشاعر ابراهيم الشتوي

قصائد مخملية كـ بتلات الجوري الأحمر ..

لم أجد وصفا يليق بعذبتها بجمالها باحساسها سواه

ولا أعرف ..!!

كل ما أعرفه أنها حبست الانفاس ونحن نقرأ

دمت بحب

[أكرم التلاوي]

ابراهيم الشتيوي

هذا الإنسكاب ممزوج بالنور
هنا للشعر مقام طاغي استحوذ على الذائقه
صح كلك ولا هنت