" قلطة " : اقلطوا ..

[خالد صالح الحربي]

:
تحيّة طيّبة للجميع ..
هذا المتصفّح للمحاورة الشعرية فقط ؛ وليس للتعليقات ..
فكرته أن يأتي شاعران ويتحاوران ؛ وتنتهي محاورتهما ..
ويأتي إثنان غيرهما .. وهكذا ؛ هذا المتصفّح أشبه بـ " حلَبة "..
لممارسة المحاورة بعيدًا عن أي شيء آخر ..
لكم يا متابعين ومشاركين كُل الحُب والتقدير .
🌹

[خالد صالح الحربي]

:
ياتركي الحربي سلام الله عليك ورحمته .
.. . الرحمة اللي تجعلك مثلي .. ولا لْـ مثلي مثل.

" عُرّابنا " اللي كلمته فعله وفعله كلمته ..
.. نبي نغنّي مِعْه ؛ والدنيا كما " قشرة بصل"!

🌹

[تركي الحربي]

يا خالد الحربي هلا وأنت الجبل في قمته
.. أشوف حبلك شايله لله درك وش حصل

الحرف يشبه صاحبه من غمزته من بسمته
.. في كل خطوة من هنا لـ هناك ما باقي أمل


🌹

[خالد صالح الحربي]

:
صحيح ؛ لو كنت النبي بمعجزته وحكمته
.. . والصدق ماني لا " أبو علمٍ " ولا انت " آبو جهل "!

أنا أكثر إنسانِ تفي أصابعه مع بصمته
.. . لو كنت أغنّي: " ياعلي بيع الجمل / بيع الجمل ".

🌹

[تركي الحربي]

اللي تبي واللي نبي ، من فتحته في ضمته
.. تنوينك اللي كاتبه ، يا كاتبه مبطي رحل

يا معلّم ؛ اللي ما درى نقش ٍ غطاه و عمته
.. و المهر واللي قايده سرجين والميت وعل


🌹

[خالد صالح الحربي]

:
هذي اللّغة " ملعونة أم " متراخية متزمّته ..
.. أبا اترك الإرخاء وأتزمّت معك لنّك : " بطل ".

لا تنشد " النّهام " عن هَمّه - وتلقى هِمّته ..
.. القِرش غير القرش ؛ لكن الهلل يبقى هلل !

🌹

[تركي الحربي]

صدع المعرّي ما إنجبر لو حاوله لو سمّته
.. ما كل شارب لـ..الشمول يقال / يا خالد ثمل

المبحر اللي عاند الـ.. أجواء ، ضيّع يمّته
.. يرضيه باكر وإن لقى ما ضاع منّه و إسفهل


🌹

[خالد صالح الحربي]

*
شُكرًا أبو أحمد ..
لأنّك منذُ سنوات طويلة .. لا زلت تعلّمني .
المحاورة معك درس حقيقي ؛ والندّية معك " شرف " .
ممنونك والله ..
___________
ويبقى هذا المتصفّح مُشاعًا لكُل من يُريد أن يُمارس
ويتعلّم هذا الفن على أُصوله وفي أبهى فصوله .
🌹

[خالد صالح الحربي]

:
الليلة الليلة أبي دنزل يجي
.. وإن ماحضر هاتوا لي المدعو: وديع
أبا أسأله عن سالفة متخالفة
.. واللي " عقد روس الحبال يحلّها "!
🌹

[وديع الأحمدي]

:
الليلة الليلة أبي دنزل يجي
.. وإن ماحضر هاتوا لي المدعو: وديع
أبا أسأله عن سالفة متخالفة
.. واللي " عقد روس الحبال يحلّها "!
🌹















الليلة الليلة بأصلي وارتجي
وأجي لك بْقلبٍ على مثلك وكيع
عشان يا خالد نشوف السالفة
واللي " عقد روس الحبال يحلّها"

[خالد صالح الحربي]

:
إسلامك مبشّر بخيرٍ ريهجي .
.. ردميّةٍ .. تحوّلت خطٍّ سريع !
تعال وحروفك معك " متآلفة ".
.. واللي عقد روس الحبال يحلّها .
🌹

[وديع الأحمدي]

:
إسلامك مبشّر بخيرٍ ريهجي .
.. ردميّةٍ .. تحوّلت خطٍّ سريع !
تعال وحروفك معك " متآلفة ".
.. واللي عقد روس الحبال يحلّها .
🌹
















من منبع الإسلام صافي منهجي
سماحةٍ ينطق بها الطفل الرضيع
أجيك بحروفٍ لصوتي والفه
"واللي عقد روس الجبال يحلها"

[خالد صالح الحربي]

:
حيّاك ؛ لو مَدْخَلْك ماهو مخرجي
.. ياواحدٍ في ظنّته أنه : جميع !
عندي يمين وله.. يسارٍ حالفه ..
.. واللي عقد روس الحبال يحلّها !

🌹

[وديع الأحمدي]

:
حيّاك ؛ لو مَدْخَلْك ماهو مخرجي
.. ياواحدٍ في ظنّته أنه : جميع !
عندي يمين وله.. يسارٍ حالفه ..
.. واللي عقد روس الحبال يحلّها !

🌹
















يا مزن صبي له ويا نار انهجي
اللي يظن إنه على مثلي يبيع
أنا اشتري راسي، تعال وحالفه
واللي عقد روس الجبال يحلّها

[خالد صالح الحربي]

:
أحسنت؛ يوم إنّك تهقوى بـ (ا) درجي
حتى ولو خشمك مردّه .. للـ " بقيع "!
لكن:
كيف أتآلف مع رؤوسٍ : تالفة ؟!
واللي عقد روس الحبال يحلّها ..
🌹

[وديع الأحمدي]

:
أحسنت؛ يوم إنّك تهقوى بـ (ا) درجي
حتى ولو خشمك مردّه .. للـ " بقيع "!
لكن:
كيف أتآلف مع رؤوسٍ : تالفة ؟!
واللي عقد روس الحبال يحلّها ..
🌹












في رحلتي ما قلت يا أرض افرجي
حتى ولو خُلقك بهالدنيا وسيع
تلقى وليفٍ بالعناد توالفه
واللي عقد روس الحبال يحلها

[خالد صالح الحربي]

:
من هو نجى بيعلّم اللي ما نجي
.. ياناقل الزبدة ترى الزبدة تميع.
احذر من اليوم الذي " ما تالفه "
.. واللي عقد روس الحبال يحلّها .

🌹

[خالد صالح الحربي]

:
شكرًا للوديع وديع ..
ذكاء ولعانة وهذا ما أحتاجه فعلاً .
🌹

[خالد صالح الحربي]

:
الليلة الليلة براسي أغنّي يارجاجيل
.. وإن كان ما فيه رجّالٍ يغنّي ؛ تكفي إنثى!

الشعر: ماهو مجرّد صفصفات ولا مواويل
.. تاجٍ على الراس وإلا كومةٍ من رمل يِحْثى.
🌹

[خالد صالح الحربي]

:
بما أن الطّاروق السابق - لم يكتب الله له حياةً .
نبدع الليلة طاروق جديد بفكرةٍ جديدة ؛ محاولًا أن تنجح .
🌹

[خالد صالح الحربي]

:
تعال ياقايد نبا
.. .. نغنّي الليلة .. نبي:
على على حلو النبا
.. .. كأنّها لفظة " نبي ".

🌹

[قايـد الحربي]

:
:

أجيك مالك لي "سبا"
… وانا اللي عمري في سبي
سلامي لعيون الظبا
… اللي سكنت فـ "ابو ظبي "!

[خالد صالح الحربي]

:
أنا أعرف إنّك " بيدبا "
.. .. حكيم، لو تدبي دبي.
" جرادك " يعوّد دِبا
.. .. من الرياض إلى دبي!

🌹

[قايـد الحربي]

:
:

تمايلت بي مرحبا
… حروفك و جيتك حبي
أهلّي بـ حبا حبا
… كأنّ اسمي "مرحبي"

[خالد صالح الحربي]

:
تستقبلك ريح الصبا
.. .. وتقول : أرحب ياصبي.
خلّ "البياتي والصبا"
.. .. حِجاز يلعب بـ (ا)عصبي.

🌹

[قايـد الحربي]

:
:

يهب يالبعض يهبا
… يدوّر لشوف .. ذهبي
يكفيه مني لو هَبا
… ماني مضيّق مذهبي

[خالد صالح الحربي]

:
😂😂😂😂
الله الله الله .
لن أُطيل ؛ لأن بعض الطول يُفسِد ..
شُكرًا ؛ ياثومة القلب .
🌹

[خالد صالح الحربي]

:
ياسلام الله ونبغى شاعرة مُمكن تغنّي
.. كان مابه شاعرة تقدر تغنّي ؛ مو غريبة !

🌹

[سُرَى]

-



مرحبا والقاف ما يحرّك شُعوره غير فنّي
واللُّحون جنون.. والمزمار طلعاته رهيبة

بين عين وليل .. والّا دان مقبول التَّجنّي
برفع الإيقاع وانــزل فَـ المقامـات اللَّبيبـة

[خالد صالح الحربي]

:
ياهلا مثل الإهِلّة ؛ قدر ما ينردّ عنّي
.. قدر ما ينردّ عن " غصنٍ يلاعب عندليبه ".

ياسُرى والضمّة اللي فوق سينك قالت إنّي:
.. قد آروّض لي قمر .. لكنّي أبلش في مغيبه!

🌹

[سُرَى]

ليلةٍ تســـوى ليالي شهرزاد .. إن طاب ظنّي
ساطعة لــو تهجــر القمرا .. لياليــكَ الكئيبة

والرَّصاصة لو تطيش .. تطيش لكن ما تثنّي
والحظيظ اللي هَدَفْه يصيب قبل إنها تصيبه

[خالد العمري]

تسجيل متابعة لهذا الجمال ...

[خالد صالح الحربي]

:
من ليالي شهريار النّاسك الرّوح/ المغنّي
.. يولد من الأرض ذيب ويندفن بعيون ذيبه!

ما عوى من جوع ؛ لو فنّه كأنّه بعض فنّي
.. لكن يخايل سحابة مثلي و"ربّي حسيبه ".
🌹

[خالد صالح الحربي]

تسجيل متابعة لهذا الجمال ...

:
ياهلا وميّة غلا .
🌹

[سُرَى]

‏
-


ما يحكّ الشَّاعـر إلّا مِخلبه .. لا صـار جِنّي
‏مِثلما ظُفري يحـكّ إحساسه وتسمع قنيبه

‏لي عُيونٍ من كِثِــر حـدَّة نظــرها .. يطعننِّي
‏لي شعور اليا تشيطن يزعـج النَّمل ودبيبه

[خالد صالح الحربي]

:
شُكرًا كثيرًا سُرى .
التحاور معكِ رائع ومقدرتكِ في هذا الميدان هائلة.
سعدت جدًا .. ولولا خوفي أن نخرّب هذه المحاورة .
بالطول وبالتشعّب .. لا استمريت أكثر إلى أن يشاء الله .،
🌹

[سُرَى]

:
شُكرًا كثيرًا سُرى .
التحاور معكِ رائع ومقدرتكِ في هذا الميدان هائلة.
سعدت جدًا .. ولولا خوفي أن نخرّب هذه المحاورة .
بالطول وبالتشعّب .. لا استمريت أكثر إلى أن يشاء الله .،
🌹


رُكن شَيَّق .. تُشكَر عليه
ومن الجيَّد التَّوقّف لأنِّي لا أُجيد هذا اللَّون من الشِّعر..
كان الأمر تَجربة فقط ، ومحاولة منِّي
بسيطة للمُشاركة .. وكسر الجمود ..

أنتم أهل المحاورة ومنكم نتعلَّم ..

شُكرًا أبو وطن ..

🌹

[خالد صالح الحربي]

:
يالله ياللي.. تكفل الرزق للنملة وللفيل
.. حتى لو إن " الفيل " عقله صغير بحجم نملة.
ياوجد حالي ياوديع إبن مطلق تالي الليل
.. تعال " نتسنبط " لعلّ الكبير يصير " قملة "!
🌹

[خالد صالح الحربي]

:
تعال ياتركي نبا نغني سوى
على لحن .. ماهو بحيّا الله لحن
.. على مقامٍ من مقامات العِراق .
واللي عقد روس الحبال يحلّها .
🌹

[تركي الحربي]

يا مرحبا حييت ياللي ما غوى
إن كنت منفي ، خلنا نصنع وطن
.. متبغددٍ لك / عند لحظات الفراق
واللي عقد روس الحبال يحلّها ..

🌹

[خالد صالح الحربي]

:
الله على هذا " الغِناء" وماحوى
جاني من المطلاع / وأمسى في قِطن
قبله.. وأنا برّى التردد والنطاق ..
واللي عقد روس الحبال يحلّها .
🌹

[تركي الحربي]

يا طور سيناء كلّما وادى طوى
ودّع بك سيول الزّمان وما حون
عندي من العشر النياق أربع عتاق
واللي عقد روس الحبال يحلّها ..

🌹

[خالد صالح الحربي]

:
" فيك البقى" وبنادمٍ وَمَا نوى
الطرحة الطرحة كما لون " الكفن "
الأربعة ياجعلها تصبح حَقَاق
واللي عقد روس الحبال يحلّها.

🌹

[تركي الحربي]

مساء الخير

أحياناً تجري الرّياح بما لا تشتهي السفن / صحياً ،
إعتذرت من أخي و أستاذي خالد صالح الحربي على
تكملة المحاورة و أعتذر منكم أيضاً

وسأعود مع أبو وطن
قريباً إن شاء الله

محبتي وتقديري

[خالد صالح الحربي]

مساء الخير

أحياناً تجري الرّياح بما لا تشتهي السفن / صحياً ،
إعتذرت من أخي و أستاذي خالد صالح الحربي على
تكملة المحاورة و أعتذر منكم أيضاً

وسأعود مع أبو وطن
قريباً إن شاء الله

محبتي وتقديري




:
شُكرًا ياقلب ..
والأهم من كل شيء ؛ هو ضي روحك ..
وأن تبقى بخير ..
كي يكون كل من يحبّك بخير .
🌹

[خالد صالح الحربي]

:
ألا يا " تركي الحربي" تعال نغنّي الليلة
.. . لو إن الشوف يخذلني وأنا خيّك ؛.. تعال وغَنّ .
أنا محتاج لي صاحب يغنّي لي وأغنّي له
.. . هو يقدّم لي السلوى .. وله منّي "جِرار المَنّْ" !
🌹

[خالد صالح الحربي]

:
تركي الحربي
اعتذر كنخلةٍ شامخة تقول بأن رطبها لم يحن بعد .،
شخصيًا أن فخور بأني أخاطب " نخلة شعر " .. وفخور
بأني جعلتها تتكلم ..
لنا عودة قريبًا / على فضاءٍ من شعر .
🌹

[خالد صالح الحربي]

:
يالله نغنّي يالله نقول.
دام الواقع مو معقول
" ولد المصري سرق الفول "
.. الله يصلح واقعنا .
🌹

[خالد صالح الحربي]

:
غنّينا لكن ما فيه ..'
شخصٍ شخصٍ ما يعفيه..
ياخذ حق ويستوفيه ..
.. الله يصلح واقعنا ..
🌹

[خالد صالح الحربي]

:
تعال ياتركي نبا نغنّي على
.. ما يسّر الله من غناءٍ موصلي.
اللي يغنّي من سعة غير الحزين
.. اللي لبس ثوبه .. وفكّ أزرّته!
🌹

[تركي الحربي]

أنا على مذهبك يا سيدي ولا
بـ أنشدك / لو إنك تبيها يردلي
خذني معك هذي يديني لك يدين
يا الشاعر اللي صب كاس لـ غربته

[خالد صالح الحربي]

:
فيك البقى والمُرتقى إلى إلى
.. ماينهدم أو ينعدم ضلعك علي
البارحة سافرت " يمّ الأولين "
.. أبي عُمر وأثره مضيّع درّته!
🌹

[تركي الحربي]

عمر يعس الليل و أنته مبتلى
متسنبط و متفيرز ولا أنته خلي
ما هاجروا لله غير / مهاجرين
و أبليس بعض الناس تتبع جرّته

[خالد صالح الحربي]

:
في ذمّتي مااقول : " يا مال البلا "
.." الله يخرب" بيت أبو عليا / علي .
يحفظني ويحفظك خير الحافظين
.. من يحفظه ؛ كل البشر ما ضرّته.

🌹☺

[تركي الحربي]

حبيبي يا أبو وطن
لا عدمتك 🌹😘

[سعيد الموسى]

_

عندما يلتقي خالد بتركي سيكون المعنى سابقاً للشعر ، وبالطبع لن يكون الشعر عادياً
وهو في ضيافتكما ..

-
أحبكما + بغيت احط فيس معين بس استحي من ابو أحمد 😁

:34: :34:

[خالد صالح الحربي]

:
شكرًا كثيرة يا أبو أحمد
شُكرًا أثيرة ووثيرة ياسعيد.
.." أبعاد أدبية " التي تجمعني بكم وبأمثالكم
هي خيرُ فضاءٍ افتراضيٍّ حقيقي .
🌹

[تركي الحربي]

هلا وألف هلا أبو الجوري

أكتب ما شئت / كيفما شئت يا سمو

ستجدني فرحاً بهذه الإطلالة
التي أحبها وأحب صاحبها


ربي يحفظك 🌹

[تركي الحربي]

:

الوعد بعد رمضان أبو وطن
و ممنوع تعلّق على هـ الموعد :) 🌹

:

[خالد صالح الحربي]

:
ياسلام الله سلامٍ " كحلي"
.. ؛ بالرفيق الطيّب .
يوم شهر الصّوم راح وقفّى ..
.. بالزمان الكحلي .

جيت ياتركي وأنا اللي "نِحلي"
..؛ للسمين يهيّب.
ودي أغنّي قبل لا أتْوَفّى ..
.. وافتخر في نِحلي .

🌹

[تركي الحربي]

مرحبا يا الصح واللا صح لي
.. وإن بعدت قريّب
طفف التاجر بعد ما وفّى
يا صح له صح لي

إبن عمي بالخطا يسمح لي
.. لو طبعت كتيّب
عقرب الساعة بـ كُم مخفّى
.. كِذب ماهو مِحلي

[خالد صالح الحربي]

:

آيييه؛ ياتركي قبل تفتح لي
.. باب بكر وثيّب .
والله أنّك مكرمٍ ومعفّى ..
من قبل ..تفتح لي.

فكرتك مثل العسل يانحلي
.. فوق جسر مسيّب
يوم غيرك بالمعاني : مقفّى
فكرتك يانحلي .
🌹

[تركي الحربي]

المتاع اللي على هـ الرِحلي
.. واضحٍ ومغيّب
فيه بـ عدوله نبيذ مصفّى
.. صب لك وأفرح لي

كل حلمٍ / ينتهي بـ إسمح لي
.. بـ الوهم متطيّب
الفقير اللي ينام مطفّى
.. صحوته تشرح لي



لاعدمتك يا أبو وطن 🌹

[خالد صالح الحربي]

المتاع اللي على هـ الرِحلي
.. واضحٍ ومغيّب
فيه بـ عدوله نبيذ مصفّى
.. صب لك وأفرح لي

كل حلمٍ / ينتهي بـ إسمح لي
.. بـ الوهم متطيّب
الفقير اللي ينام مطفّى
.. صحوته تشرح لي



لاعدمتك يا أبو وطن 🌹







:
تعلّم المحاورة برفقتك - هي درس حقيقي.
شكرًا لك عليه يا أبو أحمد .
🌹

[تركي الحربي]

أنا من يتعلّم منك والله ،
بـ رفقتك الفِكر و الشعر والعذوبة

قُبلات وأكثر

🌹

[سُرَى]

أكملوا
أتحفونا

[خالد صالح الحربي]

:
تعالي ياسُرى يالله نغنّي ؛ والله المغني
.. . ولأن الله هو المُغني ؛ تعالي بالله .. نغنّي.

على عِطرٍ من المُحيي على سطرٍ من المفني
.. . نبي سيناريو للذيب .. لا من قابل الجنّي !

🌹

[سُرَى]

.


علـى كوبليهة البانـي بجيـب الّليلة .. المَبني
لأنّ إحساسـه الفنَّـان .. مـا يشبـه سـوى فنِّي

تركت الذِّيب فالحبكة هو الجاني على المجني
تغـدَّا الجنِّي بمشهد مثيـر وعــاشَ .. متجنِّي

[خالد صالح الحربي]

:
يقولون العرب .. لا شك، أقول لحالي وأثْني:
.. لأنّي يا سُرى ما اؤمِن بقول العرب .. ؛ لَنّي :

أشوف الشِّعر رجّالٍ كثر " ما يبعد ويدني "
.. كثر " ما يدني ويبعد " يقيني فيه من ظنّي!

🌹

[سُرَى]

.


ألا ليت الشعر ما يشوف مثلك بأنّي المَعني
لأن كفَّــه مثل ما يعْـرف المسبــاح .. متحنِّـي

لعبت بحسبة المعنى قبل لا يلعب الحصني
بذيــل السَّالفة ويــروغ .. روغ الّلي يعادنّي

🌹

[خالد صالح الحربي]

:
ألا ليت الشِّعر ، وإلا بلا ليت الشِّعر بـ إذني
.. " قبل إذنك " وبعد إذنك ؛ يميجنك ويهيجنّي .

إذا أنّه " شجرةٍ" لا جذرها جذرك ولا .. غصني
.. أبا أقطع راس " لكنّك " قبل قتلك لـ " لكنّي"!

😌🌹

[سُرَى]

.

مُبدع ورائع يا أبو وطن
وختامها عندك
ما أقدر أجاري إبداعك
🌹

[خالد صالح الحربي]

:
أسعدكِ الله ياسُرى
بل تجارين وُتتعبين أيضًا.
الله يحفظك .
🌹

[فيصل خالد]

بـ الليـل هذا يجي طـاريك
مع دهن عودك على كاديك
ما أكْرهك | لكنني مـ أغليك

والي وسيّر على والي

سلام يا الشاعر اللي يطلب الشعّار وأنا قريب
… تركتني ليه ؟ | ماني عاجبك وأنا المطر يا السّحاب

الجني اللي تخاف الناس مِنه يرحِّله ناب ذيب
… لو قال أنا المارد إبن ملوك جن الأرض و المُستهاب

[خالد صالح الحربي]

:
يا فيصل الخالد" تغنّي
.. . فنّك يرجّعني .. لـ فنّي .
حيّاك .. لو ما تواطنّي ..

والي وسيّر على والي .

فيك البقى والحريب يهيّضه لا من لقى له حريب
.. . لو يتمضّى بـ "تركي" رشفة الما / ما تعادل سراب .

ما عاد للذيب دور .. الذيب يافيصل بوسط القليب
.. . اصبر له شويّ ثم تلقاه بالمونيم تحوّل " كباب "! 😁

🌹

[فيصل خالد]

يا مرحبـا بس لـو تدري
ماهي على خبرك و خبري
يا عمـرنا يا بعد عمـري

والي وسيّر على والي


الدرب الأيمن هوى بال المسافر و الصعب لـ الصعيب
… يا مشعل الضّوْ | خل الناس ترقد | ما حواليك داب

الديـن حرّم ذوات النّـاب / وأنته مـن ردات النصيب
… تبي لحمها عشا ليلتك / وتحلّي بـ ريشة عقاب

[خالد صالح الحربي]

:
ياليل باليل ..من ليّل
كثيرك.. "يعوّد قليّل "
لو جبت قايد مع ضليّل .

.. والي وسيّر على والي .

كل الجهات بيدي ما كنّها.. إلا قهوةٍ مع حليب
.. عليها أمزّج وأنا وأردّد وأغنّي كوبليه لرباب .

إن ديوَر الذّيب رايح أعتقه .. والله فوقي رقيب
.. الجنّة ينالها المسلم إذا أحسن
لبعض الدواب! 😁
🌹

[فيصل خالد]

أبتقاضى لهم هـ الحين
في كيّةٍ .. بعدها سكين
لوّك تجيني وراك ألفين

والي وسيّر على والي

قهوتك هذي صباح الخير من وحده لـ واحد حبيب
… ما حولهم غير عصفورة وجرسون ٍ يكش الذباب

تقرّب الله … في قنفذ شريته بـ الزمان الغريب
… هذاك سقياه في يمناه ماهو منتظر لك شراب

[خالد صالح الحربي]

:
الله هو الحاكم العادل
من دون مطعم ولا نادل
تضيع لكنّي .. آنا ادل

والي وسيّر على والي .

أبا أتقهوى وأنا في خير من ربّي وأودّي وأجيب
.. . الحرب كالحُب في قاموسي اللي ما يهاب الصعاب.

لقيت بالقنفذ اللي.. ما لقيته بالخوي والصّحيب
.. . تعلّموا منه " صدق الذات " يامال الوذى والذهاب ! 😁

🌹

[صالح العرجان]

ن ديوَر الذّيب رايح أعتقه .. والله فوقي رقيب
.. الجنّة ينالها المسلم إذا أحسن
لبعض الدواب! 😁


تقرّب الله … في قنفذ شريته بـ الزمان الغريب
… هذاك سقياه في يمناه ماهو منتظر لك شراب



فتل ونقض وحبك وسبك والمعنى للعوارف جلي

الله يسعدكم متابع وجالس اتوقع بعض الردود :)

[خالد صالح الحربي]

:
شكرًا فيصل خالد ..
لأن المحاورة معك درس لمثلي ؛ سعدت وطربت والله
والشكر موصولٌ للمتابعين قراءةً ؛ وللجميل صالح
على تعليقه وتحليقه معنا .
🌹

[فيصل خالد]

الأستاذ / خالد صالح الحربي

تواضعت عُلواً يا سمو

تلميذك / فيصل

[خالد صالح الحربي]

:
تعال بالله يا " وديع الأحمدي "
أنا مَدِي وأنته بعد برضُه مدي
بساطكم ياطاه حتى السرمدي ..

.. . واللي عقد روس الحبال يحلّها.

أرحِب على بساطي وأنا بساطي بسيطي
.. . " مايسّر الله" تاجده ؛.. . ويطيب كيفك .

" لساني مهذّب ".. لو لسانك سليطي .
.. . معي ثلاث فصول ؛ وأنته هات صيفك! 😌

🌹

[خالد صالح الحربي]

:
تعال ياتركي.. مادام الله قلَع عنّا وديع .
.. . ماعادني في حاجة بساطه ..؛ ولا " إطلالته ".

في خاطري موضوع خايف ياعميلي لا يضيع
.. . ضحيّته " فارٍ " .. نبا نحدّه.. على حبّالته !
🌹

[تركي الحربي]

الفار عاشق لـ الجبن ذوّيق لكنه وضيع
… به سد عازه لـ الخراب اللي يعدّل حالته

كثير يشبه له ويشري من صفاته / ما يبيع
… قرابةٍ / ما تدري لـ عمّته و إلاّ خالته

[خالد صالح الحربي]

:
شف حكمة اللي ماخلق إلا البديع من البديع
.. يقنعك لا منّك لقيت اللي " وفي " لسلالته !

الفار لو ينظف مرِض؛ ويضيق من كونٍ وسيع
.. "حكمة إلهيّة" على ميزان .. ماهي فالته.

🌹

[تركي الحربي]

نبي نرجّعها كذا لـ اللي ركب خط السريع
… اللي تناسب له جحور الساس قبل ازالته

من راس ذيله لـ الشنب واللي بقى منه شنيع
… مافيه شي ٍ يشبهه وحيد في حصّالته

[سُرَى]

راااائعون وأكثر ..

[خالد صالح الحربي]

:
أبطيت عن تركي ؛ وتركي عنّي أبطى
.. . يامن يجيب العلم .. و " الدنيا دنيّة ".

برّاد شاهي مع خويّ .. ووقدة أرطى
.. . تسوى جناحٍ فارهٍ بـ " الفيصلية ".
🌹

[سعيد الموسى]

:
أبطيت عن تركي ؛ وتركي عنّي أبطى
.. . يامن يجيب العلم .. و " الدنيا دنيّة ".

برّاد شاهي مع خويّ .. ووقدة أرطى
.. . تسوى جناحٍ فارهٍ بـ " الفيصلية ".
🌹

ننتظر ابو احمد ، عزالله محاورتكم تعادل ستين دلّه :34:

[خالد صالح الحربي]

:
تعال ياقايد أبي منك " وقفة "
وقفة نظر وإلا شِعر أو مْجارى

سمّوك قايد وأنت قايد ولَقْفَة
.. هم ليه ماسمّوك قايد نصارى؟! ☺

🌹

[قايـد الحربي]

:
:





جيتك وحرفي مابَعَد طاح سقفه
إن ما وصلته قلت لك : لا نْتبارى

اسمي عطيته حق لو كان شِقفة
بس انت لا كِفّنْت صاحوا حيارى

[خالد صالح الحربي]

:
يامرحبا ترحيبةٍ تقل : " شُرفة "
.. " عين الصقر " لكن براس الحبارى .

أسمائنا " شقٍّ " لو أقول : إرْفه ..
.. يبي لها غاط وإمام و .. .. .. 😜
🌹

[قايـد الحربي]

:
:

لو زان لي معناك مازان حرفه
علّقت له صورة بركن العذارى

الشق يُرفى بس يحتاج حرفة
دوّر عليها في عيون السهارى

[خالد صالح الحربي]

:
😂😂😂
100 🌹 .

[خالد صالح الحربي]

:
الليلة الليلة أحتاج الغنى مع خوي
.. . هاتوا خويٍّ كفو ؛ هاتوا خويٍّ كفو

هاتوه لو كان عنّي غايب ومنزوي
.. . هو آخر اللي وفوا ؛ هو آخر اللي وفوا

🌹

[خالد صالح الحربي]

:
تعال ياقايد نبا نغني على الطرق الطويل اللي يبي له قافية
.. إن ماحصل له قافية ، لا بارك الله بالغنا حتى لو إنّه موصلي
عافت يقول إنّه يشوف الأرض قبل اربع طعش عامٍ تِمَشّى حافية
.. وأنا عرفت أنّه كذوبٍ هيلقي حتى اجمله ما له علاقة باجملي .
🌹

[قايـد الحربي]

:
:



يامرحبا … جيتك بعد ... ما طِفْت انا كل البحور … اللي دررها طافية
….. ما عاد نحتاج "العمُق " ما دام سنّارة معانيننا تجيب الممتلي
من صار بعضه ضد بعضه مايشوف مْن السما الا النجوم "الطافية"
….. وانا معلمني ابوي … ان الكذوب يطيح قدْرَه لوّ نجمه معتلي

[خالد صالح الحربي]

:

فيك البقى ؛ ياللي بقى من ذكرياتك مايشابه للعباة الدافية
.. يوم الشتا خيّم على سبع الأراضي والدّهَر ياصاح عيّا ينجلي
لولا " نعم " ماكان للاءات قيمة شوف " لاء الناهية والنافية "
.. حتّى الـ نّعَم " تصبح " نِعِم " في حال وإلا حال ما تسوى لها ليّة طلي.
🌹

[خالد صالح الحربي]

:
سلام " رديّة شمالية " على طرق الجنوب
.. . ترقى على راس الجبل وتحوّل اللي بقمّته
يالله عسى عمرك يا ابن موسى كما عمر الهبوب
.. . في جاه ووجَاه الرسول اللي شفيع لـ أمّته.
🌹

[سعيد الموسى]

قرأت ياسيّد الجمال وسأرد بإذن الله .. لحينها هاك ♥

[سعيد الموسى]

:
سلام " رديّة شمالية " على طرق الجنوب
.. . ترقى على راس الجبل وتحوّل اللي بقمّته
يالله عسى عمرك يا ابن موسى كما عمر الهبوب
.. . في جاه ووجَاه الرسول اللي شفيع لـ أمّته.
🌹


يامرحبا ياسيّد الشعر الشمالي والطروب
_ ترحيبةٍ تشبه كريم الأصل وايدك ضمّته !
ياجعل مثلك للشروق اللي بلا موعد غروب
_ خابرك موطن للوفاء .. والشعر لك في ذمته"

[خالد صالح الحربي]

يامرحبا ياسيّد الشعر الشمالي والطروب
_ ترحيبةٍ تشبه كريم الأصل وايدك ضمّته !
ياجعل مثلك للشروق اللي بلا موعد غروب
_ خابرك موطن للوفاء .. والشعر لك في ذمته"

:
فيك البقى ؛ واقرِب كما المذنب ليا عزّم يتوب
.. . الآدمي ثلثين من " هَمّه " يجي من هِمّته.

أبا أنشدك عن موطنٍ لَمّ الرعايا والشعوب
.. . لكنّهم " تنكّروا " يوم ارتووا من جمّته !
🌹