انت لولا المواجع انت مين ..؟

[محمد بن منصور]

بين ذنبي وبين المغفره
اقترب خطوه ارجع خطوتين
راح نصف العمر راح أكثره
من يرجع سنيني يا سنين
صاحبي , والورق والمحبره
تدخلك في متاهات وحنين
اغتنم كل صرخة حنجره
راس مالك صراخ وكلمتين
ما بقى ليل في الليل اسهره
السهر منخلق للعاشقين
السهر ينكر اللي ينكره
عدني من جموع المنكرين
شخص أنهى حكاية دفتره
واتجه صوب جمع الصامتين
لو رموك الملا بالثرثره
مد لمصافح الصمت اليمين
ما بعد أربعينك معذره
كيف مابعد خمسه واربعين
الصبر في المواجع أظهره
وانت لولا المواجع انت مين ؟

[محمد بن منصور]

https://c.top4top.io/p_2592db86a1.jpg (https://top4top.io/)

وكانت ذات يوم من ورائي
لتحملني بلطفٍ للسماء

بكفيها أمانٌ ليس يخفى
كأنهما أكف في الدعاء

وهذا الموت يا أمي مصيرٌ
وعند الله يا أمي عزائي

[محمد بن منصور]

يصوغ الهمّ في جوفي قصايد حبْرها من نار
ورقْها من جروحي / والقوافي حلميّ المنثور
بسبّتها لبست الليل ستره / والنّجوم أزرار
وعفت الصّبْح من دونك ولو فيه الضيا والنور
وانا من حشمتك ساكن / وماسك داخلي إعصار
أذوق الويل من جرحي وقلبي بالوجع ممهور
أساير جرحيّ الخافي وظلمة وقتنا الغدار
وأشيل الحلم في كفي وأبذر للفرح ببذور
عسى باكر غروس الحب تنهي وحشة المشوار
تنسّيني جروح الوقت / تجْبر خاطري المكسور
واشوف الجرح ياعمري على رف الزمن تذكار
وتاخذني مواعيدك على وجه الأمل مسرور
وانا لولا الأمل يزرع بساتيني شذى وازهار
تذوبني ليالي الضيم في كاس الردى والزور
نفضت الناس عن وجهي وطاحوا أقنعه واغبار
عرفت ان ابتسامات البشر مهما صفت ديكور
اغيّبهم عن ايامي ولو بأجسادهم حضّار
وأعيشك داخلي مشهد ولايبقى لغيرك دور
تعالي واسكني عيني وابرسل هاجسي أشعار
واصوغ الهم في ليلي وأردد ياصباح النور

[محمد بن منصور]

هب أن ترديد القريض سينتهي ؟
ما الشعر إلا للوفاء بدينها

لو كان للأشعار شطر نهايةٍ
عيني سلامتها , سلامةُ عينها

[محمد بن منصور]

2010

أسّود الصّمت الرّدي , شوّه ألوان الكلام
ــــــــ وإستحال البوح في ليلة البارح ألم ..!!
كلّ ما هزّيت غصن السماء , فاض الملام
ــــــــ وأغْرق الليل الطّويل الدّفاتر بالندم
آه من قوس الزّمن, كمْ رماني بالسّهام
ــــــــ فجّ صدري بالوجع ماترَك موطئ سهَم..!!
الصّباح إللي بنيته , تهاوى للهدام
ــــــــ وابْيض الأحلام يشْكي ,معاويل الهدَم
تحْت زخّات السّهر أنزف آمالي حطام
ــــــــ واشْعر إنّ الفرْح في عمريّ الذابل , عدَم
قلْت في نفسي أبَرْقى على حدّ الغمام
ــــــــ يغْسل الغيث المواجع , وينزاح الوهم
مابقى يمّه سوى صوت ضحْكات الظلام
ــــــــ وإبتسامة جرْح , عيّا يطيب ويلتئم
إيه ابسْكت واتْرك الصمت يتولّى الختام
ــــــــ وش يفيد البوح لاصاب هالدنيا صمم

[محمد بن منصور]

سكارى

أُداري الشوق عن قلبي ولكن
وصول الشوق حتما لا يُدارى
وهذا الشوق لو تدري نبيذ
وأهل الشوقِ لو تدري سكارى

[محمد بن منصور]

صعلوك وآخر طموحاتك بلوغ الرصيف ..
........... من بعْد ماكانت آمالك ,, تطول الجبال ..!!
عفّيت , لكن زمانك مايحبّ العفيف
........... وأكْبر دليل الفقَر يعشق عيال الحلال
هذا الثبات الغبي , زوّد نزيفك .. نزيف
........... خلّاك تتسامع آمالك تنادي .. تعال !!
ليتك تركت المبادي , للزمان النظيف
........... لبست من وقتك الراهن ثياب إحتيال
أتعبت رجلك على نهج الطريق المخيف
........... رحّال من حولك الدنيا ,, تزيد إرتحال
في ضحكتك نكهة الأحزان ... طعم الخريف
........... وأحْلام من قسوة الأيام صارت ظلال
الناس طاروا على متن الكلام السخيف
........... وانته , قضيت العمر تطلب يدين الكمال
لاذقت طعم الشهد ,, او ذقت طعم الرغيف
........... مسجون في وحشة أوراقك .... وبئس المآل

[محمد بن منصور]

أحيان أحسّ الشّعر ,, مخلوق عاصي لعين
وأحيان أحسّ الشّعر مخلوق ,, يطلب رضاي
إحساس موشوم بالغربة وغدر السنين
فيه إستوت طعْنةَ اصْحابي ,, وضحْكة عداي

[محمد بن منصور]

تذوبُ بدعوى الصّبرِ هذي الملامحُ
أيخفى سعيرُ الهمِّ والدمعُ لائحُ

أعالجُ بالصبرِ المريرِ مرارةً
ونفعُ اصطباري لمْ تذقهُ الجوانحُ

أصافحُ حظاً قد أشاحَ بوجههِ
ومن ليس أهلا للقتالِ يصافحُ

[محمد بن منصور]

وان خضت في الهامش حروب ومعارك
تبقى على الهامش وتطرد سرابه
.
المنتصر دايم ترى ما يشارك
"الرمح غالي والفريسه ذبابه"

[محمد بن منصور]

https://mohamed3isa.files.wordpress.com/2019/11/img_5572.jpg
لقيتي في زحام الروح لك مدخل
نفذتي مثل ماينفذ شعاع الشمس
.
وفجّيتي بلطفك قلبيّ المقفل
برغم اني عن احساسي منعت اللمس
,
بهمساتك يصير الحال للأفضل
من الأفضل لجل حالي يزيد الهمس
.
يـ ليت العمر يتوقف ويتأجل
واخلّي العمر يتوقف بموعد أمس

[محمد بن منصور]

قِل لمن يكتب اشعار الغزل والغرام
حالة الناس لو يدري غدَت نُص نُص
.
ليته يخفف ابيات الهوى والهيام
لـ امتلا بالمشاعر يكتفي بنُص نَص

[محمد بن منصور]

[ اثنين والثالث قمر ]
.
طاب السمَر ..
اثنين والثالث قمر..
صحبه مثيره كافيَه ..
فيها المشاعر دافيَه ..
فيها عيونك عن سواليفك تنوب ..
فيها عيوني في تفاصيلك تذوب ..
فيها دروب ..
واحساس رجّعني لزمان ..
ماعاد ياسعني المكان ..
واسمع مثل همس الوتر..
قال : السمر ..
قلت : السمر ..
اثنين والثالث قمر..

[محمد بن منصور]

غصب لا صار موعد للقا أسرح ..
مهو بيدي , أرتب للقا قصة ..
وأرتب للقا مسرح ..
مواعيدك مطر هتّان ..
وإذا صار المطر انتي ..
أنا الضامي , وأنا العطشان ..
غصب لا صار موعد للقا أسرح ..
واسولف عنْك ما أسكت ..
عن اللي صار , واللي ما بعد قد صار ..
ولو بكتب على سطر الزمن تذكار ..
كتبتك دون ما اتردد ..
إذا صار الوعد انتي ..
نذرت العمر لك موعد ..

[محمد بن منصور]

https://pbs.twimg.com/media/F1NXx_tXsAAD48X?format=jpg&name=360x360

ظلك أخذ منّك شبَه
مثلك تحلّى بالجمال
.
الظل يتبع صاحبه
وانتي جميله بالظلال
.
حسنك عجزت استوعبه
حاجه غريبه من خيال

[محمد بن منصور]

البارحه كان السهر
مفروض ماكان اختيار
.
اللي يسامر له قمر
مجبور مافيه اعتذار
.
جايز اذا بنلقى عذر
نبضات من صوب اليسار
.
متسارعه مثل القدر
أو مُحْكمه مثل الحصار
.
النار في جمر الثغر
والنور من خلف الخمار
.
والليل في لون الشعر
والوجه ممزوج بنهار
.
أضداد تلهمني الشعر
واحساس مليان انبهار
.
تطيب أوقات السمر
با اللي حصل فيها وصار
.
عدّت مثل لمح البصر
صرنا على الجاي انتظار
.
أحيان يكتب لك عمر
وتصير ايامك عمَار
.
والبارحه كان السهر
مفروض ماكان اختيار

[محمد بن منصور]

بك عن جميع الناس راهي ومكتفي
ياللي مكانك بين قلبي والشغاف
.
مرّي على روحي بغنَج وتلطفّي
الروح لا حسّت بامانك ما تخاف
.
الروح ينعشها ترى اللطف الخفي
ياغيم متمادي على قتل الجفاف
.
والا بسما عيني تجلّي ورفرفي
مادامت إحساسي بحر وانتي الضفاف
.
انتي من أغراض القصيد العاطفي
من حولك المعنى وأبياتي طواف
.
طفله على باب القصايد تهتفي
والشعر جاوب طفلته بوح وهتاف
.
جيتي وانا ما بين أضوي وانطفي
واشعلتيّ المُعتم من اسنيني العجاف
.
أكبر عجايب وقتنا الخل الوفي
وانتي عجيبه كيف انهيتي الخلاف ؟
.
خذي من الآخر كلامي واعرفي
انتي بداية روح فـ نْهاية مطاف
.
لي موقف وثابت أنا في موقفي
لو للعمر قصّه تخيّرتك غلاف

[محمد بن منصور]

في طرف كمّي من الاحلام مايروي الضما
خطوتي في الأرض واحلامي سما
في طرف كمّي حكايات وقصص
نصفها ضحكات والباقي غصص
اعرف اشيا , واجهل اشيا والمهم:
اعرف احيا
والأهم : أني عرفتك
صرت بجناحك أطير
صارت الدنيا بخير
واعرف ان العمر واحد
ما بقى غير القليل
لا تعيشه وانت في دور الضحيه
لا تراخى , لا تميل
دامت الباقي شويه
عيشها بالمستحيل

[محمد بن منصور]

الناس من حولك يبيعون الكلام
من يستمع للناس باعوه الفضا
.
سلام عليكم أو عليكم السلام
لو تلزم الثنتين خاواك الرضا

[محمد بن منصور]

انت لو تدري عمر
وانت لو تدري حياه
وانت في عرض البحر
كنت لي طوق النجاه
يا حكايه من ضيا
بددت كل الظلام
انت في سكوتك حكي
والمح بعينك كلام
حتى في صمتك شجي
واسمع بهمسك غرام
ما يكفّيني أحبك
ما يكفّيني وربك
انت لو تدري عمر
وانت لو تدري حياه
أجمل ايامي معاك
من يحلّيها سواك
وكل ما طيفك يمر
أدري ان انت العمر
وادري ان انت الحياه
ليت لاحساسي يدين
كل ما شافك يضمك
صرت في صوتك سجين
لا نطقت اسمي بفمك
ما يكفّيني احبك
ما يكفّيني وربك

[محمد بن منصور]

يا ذوق كلّك ذوق
المشكلة أكبر
.
مخنوق أنا بالشوق
ولا قدرت اصبر
.
بالله كيف آروق
وصورتك تظهر
.
يا سبّة الطاروق
منك امتلا الدفتر
.
ياقلب يامطفوق
اهدا بعد أكثر
.
بكرة بتطلع فوق
عند القمر تسهر