نصوص بلا أجنحة ..🪽🪽

[نوف الناصر]

•
‏

‏•
‏كان يجْمع لي عصافير الصباحات وْ يعلمها أغاني
‏ في حضوري ..
‏كان .. يعزفني ..
‏ينوّت من ضلوعي
‏ضلع .. ضلع ..
‏يوزن عْيوني موسيقى شعْر
‏وِ يْدوزن شعوري ..
‏[ فاعلاتن فَع ]

‏كان يفتح للحكايات الشبابيك وْ يناديني :
‏( تعالي ..
‏وينك انتي ورْدتي ؟!
‏ودي احكيلك حكاية
‏لين تتثاوب فراشات بْـ ملامِحْك
‏وْ تنامي في خيالي .. )

‏( بس اخاف اني انام
‏وْ تفتح الشباك ..
‏ترحل ..!
‏تترك غْيابك معلّق في غصن روحي ..
‏ ويمحل ..! )

‏( لا تخافي..!
‏غمّضي عينك على صدري قصيدة
‏واسكنيها بيت .. بيت
‏ واكسريها ..
‏ والعبي بـ ( الرمْل )* في داخل ضفافي ..)

‏( ممكن تْدندن بِـ تهويدة
‏وتهمس لي : ( أحبك ) ..؟!
‏قصّ لي قصة أبشعر
‏ كم أنا طفلة صغيرة ..
‏ تحضن يْدينك وِ تِتكوّر فِـ قلبك .. )

‏كان يقرا [ كان ياما كان ]
‏ماشعرت الاّ غفيت ..!
‏و الصباح يْمرّر يدينه على وجهي ضوا
‏ ينفض نِعاسي ..
‏و افتح عْيوني وَ ادوّرْه بْـ عيوني
‏و المكان ..
‏فجأة وَ اتعثر فـ ياسي
‏والمح الظلمة عناكب فـ الزوايا ..
‏وانطفيت ..!

‏قفّل الشباك .. راح ..!
‏ماترك لي غير خيبات وْ جراح ..!
‏والكثير من الهدايا ..
‏دمع ..
‏وِ اسوارة .. صور ..
‏وردة ..
‏ قصايد ..
‏وجه ذابل فـ المرايا ..!

‏


1 اغسطس 2025

https://x.com/too_simple_girl/status/1951837203702968369?s=46

[نوف الناصر]

‏http://www.ab33ad.info/up/uploads/images/ab33ad.info-c2fbde3df7.jpeg (http://www.ab33ad.info/up/uploads/images/ab33ad.info-c2fbde3df7.jpeg)

‏

تلويحة الظّلّ الأخير
بين الجهات الأربعة

تعلّقِت بين المصير
والضّيق وَاطراف السّعة

كانت تلوّح بالهجير
والذّكريات الموجعة

لمحت لي حلمٍ ضرير
ناديته وْ رحت اتبعه

تعثّر بْـ ظلّي كثير
وِ تْعثرت روحي معه

أحيان احس اني بِخير
آخذ مِنَ الحظ اروعه

واحيان احسْ حظي فقير
يَنْكَأ مِنَ الجرح اوْجعه

يا ليتني أقدر أطير
بَلا هموم وْ أمتعة

واهرب مِن الظّل الأخير
و مْن الجهات الأربعة

‏


10 فبراير 2025

رابط تويتر


https://x.com/too_simple_girl/status/1932188657739284984?s=46

[نوف الناصر]

‏

‏[ يا طير ]
‏•
‏•
‏" ياطير ياطاير على اطراف " *دنياي
‏" لو فيك تحكي للحبايب " حكاية

‏ إحكي لهم عن طفلة الروح جواي
‏ترسم براءة في ملامح خَطايه

‏طفلة تنادي للمطر صوتها .. ناي
‏تعزف على اوتار الغيوم بْـ سمايه

‏ياطير علّمهم تفاصيل أشياي
‏واني وحيدة بين صمت المراية

‏واني سئمت الليل يترصّد خْطاي
‏يسكب ظلامه في كؤوس ارتوايه

‏ياطير سولف كيف كانت خطاياي
‏يوم اتعثّر وارتمي فـ الوشاية

‏قبل انتثر شعرٍ تحدّر من اقصاي
‏ثم اشتعل باخر قصيدي غواية

‏با وشوش الليلة بِدافي حَكاياي
‏واعلّق خيوط النهار بْـ ضوايه

‏آبرتوي حلمٍ تبلّل بِرجواي
‏من قبْل يستوطن شفاهي ظمايه

‏ابرتحل عن أرض ملّت من بْكاي
‏أو ادفن بْداخل عيوني بكايه

‏ابي وابي ابي وابي .. لكن الجاي
‏رغم الأمل صعب يْتحقق معايه

‏ياطير تعبت خطوتي تطرد الماي
‏واثره سرابٍ في طريق النهاية
•

‏

*فيروز

من الأرشيف


https://x.com/too_simple_girl/status/1994384099855802592?s=46

[نوف الناصر]

‏http://www.ab33ad.info/up/uploads/images/ab33ad.info-c2fbde3df7.jpeg (http://www.ab33ad.info/up/uploads/images/ab33ad.info-c2fbde3df7.jpeg)

‏

‏•
‏وتوحشني تفاصيلك ..

‏وادور فـ الرسايل صوتك ..
‏ابياتك ..
‏أحاديثك .. شغَبْك ..
‏وْ نبرتك ..
‏حتى عتابك .. غيرتك
‏ كل شي ..!

‏وادوّر فـ الصور وجهك ..
‏ملامح ضي ..!

‏بقايا عطرك المتعلق بـْ فستاني الأخضر .. !

‏واناديلك :
‏تعال شوي ..
‏أبي أسهر ..!

‏وبكتب لك قصايد حيل مجنونة
‏قصايد طيش وانثرها على ليلك

‏وابي حرفك يطيش وْيكتب جْنونه
‏و يشعل بالمدى .. آخر قناديلك

‏ويكتبني قصيد .. وْ غي ..!
‏•
‏•
‏
‏
‏

فبراير 2025-2026

رابط تويتر

https://x.com/too_simple_girl/status/2020562554221691359?s=46