انكسااااار وانتصااااار !!

[محمد علي الثوعي]

بعد عشرين عام اليوم ..جيتي
.......بعد ماشاب راسك ...وانتهيتي

تذكرتي بقايا ...الشوق ...دمعه
.......بعيني في .وداعك ...مانسيتي

لقيت القلب ..مايسمع ...كلامي
.......عطاك الحب لكن ..ما اكتفيتي

كسبتي قلب شاعر ..ماخسرتي
.......بخيله في المشاعر ..ماعطيتي

لبست الحزن اعوام ٍ ....عديده
.......اكابد. لوعتي....وانتي..جفيتي

وعشت التجربه لو هي ..مريره
.......قسى قلبي مثل منتي...قسيتي

ماعاد اسأل عن الغيّاب .وازعل
.......مافي ..شي ٍ يزعّل لو ...دريتي

ولكن ساقت ...الاقدار .. ركبك
.......لقيتك عندنا في. وسط ...بيتي

عوايدنا ..كذا ..فعل ....الكرامه
.......وطيب. النفس..في داري لقيتي

طلبتي حاجتك .والقلب مخلص
.......عطيتك .من سخا حتى رضيتي

حفظت. الود .واعراف ...القرابه
...... ياليتك من ظروفك ....ما بكيتي

بعد ماشفت ..دمعك .وانكسارك
.......يابنت.. الناس بعيوني ....رقيتي

تذكرت ..المواجع..يوم .....قالوا
.......رقصتي ..في غيابي...واحتفيتي

بكاك.. القلب....وابكيت....المدينه
.......ولكن طاب ...جرحي....وابتليتي

ضحك وجه الزمن والحظ طيّب
.......لقيت. اللي حفظ ودي ..وصيتي


محمد الثوعي

[تفاصيل منسيه]

بكاك.. القلب....وابكيت....المدينه
.......ولكن طاب ...جرحي....وابتليتي

صح لسانك .. ابيات جميله ..
ودائماً بإنتظار المزيد

[محمد علي الثوعي]

بكاك.. القلب....وابكيت....المدينه
.......ولكن طاب ...جرحي....وابتليتي

صح لسانك .. ابيات جميله ..
ودائماً بإنتظار المزيد


ممتن لك من الأعماق لجمال مرورك وروعة حروفك
صح بدنك ودي والتحايا واحترامي

[عبدالإله المالك]

مبدع مبدع يا صديقي
ألف ألف تحية لك

[محمد علي الثوعي]

مبدع مبدع يا صديقي
ألف ألف تحية لك


ممتن لك من لجمال مرورك وروعة حروفك
اديبنا ومبدعنا د.عبدالاله المالك
بعض مالديك تقبل ودي والتحايا واحترامي