أبــكــي لــحـالـي .. واســتريــح

[محمد الضويحي]

[CENTER]

للشعر ... موعد

وللحرف ... شجن

وللإحساس .... صدى


لا جديد سوى رغبة القلب بتفرد الألم





"


خلّني لحـزان قلبـي وابتعـد=خلّني أبكي لحالـي واستريـح

جرح ثاني جرح ثالث وش بعد=مايضر الطعن في جسم الذبيـح

للأسى والدمع في عيني وعـد=والعنا والشوق والصدر الجريح

في عيوني صمت والكف ارتعد=والليالي جروح والمعنى شحيح

لا لمحت البرق جاوبه الرعـد=ولاذكرت الأمس بفراشي طريح

في وجيه الناس أبدى باالسعـد=أخفي الدمعـه ولا ودي ابيـح

خوفتـي نقّـاد للزلـه يـعـد=يحصي العثرات للشينه لميـح

لارجيت الحظ في دربـي قعـد=عاثرً حظي وعن وجهي يشيح

وا هنيّ الطير بالعليـا صعـد=فارد الجنحان في جوّه يسيـح

الرجـا بالله يعطـي لا وعـد=الوحيد اللي ابشكي له واطيـح


0

0

0

[خالد صالح الحربي]

:

وبين الدّال وَ الحَاءْ / إيحاءٌ بِحُزنٍ خَفيّْ .
ولذلك جاءت هذه القصيدة إنسيَابيّةً كَشَلاّل مَاء .
_ شُكري وَ تقديري لهذا البوح
والأخضَرْ مِن الجُرُوح _

[نور]

اخي محمد الضويحي


صح السانك ,,


قصيده رائعه ..


قرأتها مره واثنتان وثلاث


وفي كل مره اجد شيئ جميل يشدني فيها,,



صح قلبك ,,



نور..

[نـــجد]

الرجا بالله يعطي لاوعد
رغم الحزن وشال اليأس وحظه العاثر
تتجلى القصيدة بأروع الصور
صح إحساسك

[قايـد الحربي]

محمد الضويحي
ـــــــــــــ
* * *

تؤكد هذه القصيدة على أنّ شاعرها
مهتمٌ بأدقّ التفاصيل ويحترم الشعر أيضاً ..
ودليل ذلك أنّ القافية الأولى لم تقيّده لأنّه أرحب من ذلك
كما هو الشعر كذلك .

شكراً يامحمد

[محسن الشاهر]

محمد الضويحي

ونص انسيابي ممتع للغاية رغم حزنه المؤلم


تصوير جميل وكلمات ترتبت في السطور بشكل جذاب

هنيّ الطير بالعليـا صعـد
فارد الجنحان في جوّه يسيـح

الرجـا بالله يعطـي لا وعـد
الوحيد اللي ابشكي له واطيـح


يا سلام عليك يا مبدع

متابعتي وانتظاري

على قارعة الشعر والابداع

[ريم علي]

محمد نص فاخر جدا
توقفت عنده كثيرا ....

كفيت ووفيت

[نواف التركي]

محمد الضويحي

سـ أعود لهذا الألق

فهنا لغه أخرى