إرحـــــــلــي

[رجا المريخي]

ياعشيري مابقى فينـي مجـال = الحمل فـاق التصـور مكبـره
شوف ظهري كان واقف بإعتدال = حملي الي هو تجـرا وكسـره
ياعشيري من بعد ذاك الغـزال = ماستدار وراح معطيني إظهـره
حلمي الي شرهته كبر الجبـال = ماتـت الآمـال قـدام إنظـره
كيف واقع صار في لحظه خيال = حب شامخ كيف هزتـه شعـره
الرجل موقف وللموقف رجـال = وآآآه شالحيله إذا الموقف مره
وشلنا بالحـب بعلـن لعتـزال = قلبي اللين قسى وصار إحجـره
ولاتفسر كلمتي لك مـن خـلال = إن هذا الحزن توه ب/ شهـره
ودك إني أرجع بحـب العيـال = وأنجذب للحب وأرجع وأخسره
لاتأكـد رجعتـي والله محـال = وش لنا بالحب دامه مصخـره
وإنتي يالي ودك الحب الـزلال = والله إن أبواب قلبـي مسكـره
يعني ماني لك أنا سهل المنـال = أو تقولي صعب وأقدر أكسـره
إتركي عنك التحايـل والهبـال = مابقى للحب في قلبـي ثمـره
مابقى للحب عندي راس مـال = شوفي قلبي طاري الحب هجره
إرحلـي بالله يابنـت الحـلال = كيف ورده تنبت بنص إصخـره

[عبدالعزيز رشيد]

كان الكلام بمثابة مقدّمة لختاميّة جميله
بعد الختام تساقط العديد من الجمال


اخي رجا
كلّ التحايا لك

[صلفيق الشمري]

رجا حميد ونص لايقبل أنصاف الحلول

عبر من خلاله بما يرى بأنه عين الصواب

دمت ودام ابداعك

[منتهى القريش]

وحيث تكون العذوبة أكون أنا كلي ..
والروح تحاول الارتواء من منهل الإبداع ..

شكرا لروحك الشفافة

[عبدالله ثويني المانع]

..

** رجا حميد **

ونص جديد .. نقرؤه لنشكرك
سلم فكرك .. ودام تواصلك

أرق التحايا لقلبك

..

[رجا المريخي]

شكراً أخي عبدالعزيز على هذا المرور الذي عطرت به متصفحي

لك ودي