سعد مسهوج
03-22-2007, 03:25 AM
صباحكم / ومساءكم
خير يا وجيه الخير ..
متواضعه ..ترجو القبول
تبيني ازعل لاعرفتك تخونين= الله وامانه ماتراخصت دمعي
اللي طغاه الزين غيره مزايين=وانا بدوي ما عكّـر الجرح طبعي
ابقى جريح ن من عروض الملايين=ولا ضعيفن هش من دون ربعي
ما طال عفوي هالدموع المساجين=ولاهيبت جمع السكاكين جمعي
قلبي خضر والورد وسط البساتين=ولا جففت كل البساتين نبعي
مسكين.. لاوالله ماني بمسكين= ولاني على ماقيل انسان رجعي
قمة برودي من برود البراكين= اتبع .. ولكن ماني بنسان تبعي
حكيم والحكمة تعشق السلاطين= ولاسمع من اللي مايقديه سمعي
ببقى على وجهي ولااحط وجهين= ويوم اتعدا ما تعديت شرعي
ولوعلمك درب الهوا كيف تنسين= بأخذ من خطوط الغلا خط فرعي
بعيش وحدي دامك انتي تخونين=ولاخون ذكرانا ولا اخون طبعي
يحقلي افخر من الحين للحين= واشعل من شعور الوفا كل شمعي
الله خلق غيري وغيرك محبين=والله يجازيني على طيب زرعي
تكفين.. لاوالله ما اقول تكفين=ولا اخون للخاين ..وفيات دمعي!!
اخوكم
سعد مسهوج
خير يا وجيه الخير ..
متواضعه ..ترجو القبول
تبيني ازعل لاعرفتك تخونين= الله وامانه ماتراخصت دمعي
اللي طغاه الزين غيره مزايين=وانا بدوي ما عكّـر الجرح طبعي
ابقى جريح ن من عروض الملايين=ولا ضعيفن هش من دون ربعي
ما طال عفوي هالدموع المساجين=ولاهيبت جمع السكاكين جمعي
قلبي خضر والورد وسط البساتين=ولا جففت كل البساتين نبعي
مسكين.. لاوالله ماني بمسكين= ولاني على ماقيل انسان رجعي
قمة برودي من برود البراكين= اتبع .. ولكن ماني بنسان تبعي
حكيم والحكمة تعشق السلاطين= ولاسمع من اللي مايقديه سمعي
ببقى على وجهي ولااحط وجهين= ويوم اتعدا ما تعديت شرعي
ولوعلمك درب الهوا كيف تنسين= بأخذ من خطوط الغلا خط فرعي
بعيش وحدي دامك انتي تخونين=ولاخون ذكرانا ولا اخون طبعي
يحقلي افخر من الحين للحين= واشعل من شعور الوفا كل شمعي
الله خلق غيري وغيرك محبين=والله يجازيني على طيب زرعي
تكفين.. لاوالله ما اقول تكفين=ولا اخون للخاين ..وفيات دمعي!!
اخوكم
سعد مسهوج