هُنيْهَا ..نستقبِل قَطَّتْكُم لـ نواف التركي وعبدالعزيز رشيد :(

[شهيق ورده]

السلام عليكم ورحمة الله وبركاته..

أما بعد <<خَشَّتْ جو خُطَبْ :)


صبَّحكم ربِّي بالرضا والنور آل أبعاد ..

وجِعْلِكُم تعَيْدُون هالسنه وكل سنه <--هذارِي عجوز ما تعرف تقدِّم موضوع ..




ونَظَراً لظروفي الماديَّة القَحِييييطَه قحْطاً ما وراه ودُونه لدرجة إنِّي أتِسَلَّف إشتراك الدِي إس إل من شغالتنا الله يطول عمرها <-توني أحس قيمتها :)


وجوالي الأساسي انقطع لدواعي عدم السداد..وتصدَّق علي اخوي بشريحة موبايلي آخر مرَّه شحنْتِه كان من شهر وبعشرة أرْيِل سارقتها من الوالده :(


وفطوري كل يوم عصير سن توب وبسكوت المربعات الأخضر أبو نِصْ ريال والحِساب يجمع على الوالد نهاية كل شهر من دكَّان أبو صالح.. من بعد ما كان كروسان بالزبدة وقهوة اسبريسو :( إييه دنيا !

<--ما تحسُّون مسويَّه عرْض تقديمي لسِيرَة بَطَلْ :)


الزبده


ياجماعة الخير أنا أبي منكم



تقطُّوون لي :(











قصدي معي علشان نسوِّي حفلة مُعْتَبَرَه لشخصينْ عزيزين على كل الأبعاديين:



نواف التركي


بمناسَبة عودته لأرض الوطن البُنِّي :)

وولاؤه للمواطِن الأبعادي في كافة المحافل الشِعْريَّه

سواءً على أرضٍ خضْراء أو بُنِّيه.. يبقى عطاؤه نقاء دوماً ..


وتسلِيمه بِيْرَق الشِعِرْ لِـ خيرْ منْ يُمَثِّل بَنِي بُنِّيْ :


عبدالعزيز رشيد

ونِعمَ الإخوان عزّاً ومَعَزّةً..

رُقيا الرُقي حين نَدَى رَقْرَاقْ..

يرْحَمْ من عَلَى الطِيْب ربَّاكُم.. ومن جَمَعَكم على خير ضمن أبعادنا..





المهم أنا أحسِّني هذرت وخطرفت وااجد مهوب ألا ؟!


يعني باختصار هاتوا أي شي هنيَّا يصلح لحفلة محترمه لهالأجوديين :)

وأنا ما قلت المقدمه أعلاه إلا عشان تعذروني من إمكانية إحياء حفله كامله :(

لو إني يوم عِزِّي تسانْ سويتها لحالي ..بس زمن دوَّار ..



عموماً


هذي قطِّتي




http://www.lahdah.com/up/uploads76/lahdah-c135c00706.jpg (http://www.lahdah.com/up)


وأتحدى واحد منكم يقول وشنهي من حَمُولَه, قصدي من أيَّات العُملات ..وهل يقبل بها السوق الخنفشاري الأبعادي خصوصتن بعد أزمة ارتفاع اسعار الطماط والخيار وتسرطن الطحينية والسبانخ يالله حسن الخاتمة بس :(


<-إلا شلون تِجي هذي قطِّتي وانا لا أملِكْ ولا هَلَلْ؟؟ مين يحِل الطلْسُومَه :)





يالله برب أدوِّر سياكِل ..بعارين ..رشاشات ..كيكات..شعراء قلطه يحييون حفلتنا الخنفشاريه :)

[شهيق ورده]

استطاعت مراسلتنا في ضواحي لِبَنْ وضْحَى الدلاَّله من التعاقد مع الطقاقه


فتاة البَطْحَاء

http://www.lahdah.com/up/uploads76/lahdah-c4de8703f3.jpg (http://www.lahdah.com/up)


لإحياء حفلتنا المعتبره وتقديم أحلى الوصْلاتْ الخنفشاريه بدءاً بالسامري وردْحاً بالدوسري..وهزْعَاً بالخبيتي.. مروراً في ختام الحفل بالعرضة السعوديَّه وأغنية يا دار لا هنتي :)




يقولون آخر حفل أحيته في حي الصحافة و الوزارات ..وطلعت مدْبُووغة دَبْغَاً من جَمَال برقعها الكل ينشدها من أي سوق شريتيه ؟! :)

وهي محافظة ع الخلطة السرية ولا تعلم أحد ..

عاد طلبت منها دلالتنا وضحى تزورنا مشكورة تحيي سهرتنا عشان نتمقل زين من عويناتها وكحلها مدري منين شاريته بعد :)


هذي الطقاقة راح تسوي البروفات فالبث التجريبي للحفل<- أخاف تفشلنا عشان كذا نكْرشْها ع بكِّير :)




هذا ووعدتنا مراسلتنا بمزيد من التفاصيل حول هويَّة مُطرب الحفل وشعراؤه وقهوجينا ومراقب البوفيه في النشرة القادمة :)

[عبدالله ثويني المانع]

..


الاثنان يستحقان الاحتفاء بهما دائماً
سواء كانا مشرفين أو عضوين .....

ــــــــ

شهيق وردة
ترى ذبحتنا القطات من ديّات , لفزعات
لشعار المليون وقبلهم قطات العروس
اللي ما تخلص ..

[عبدالله ثويني المانع]

..

صــوت لــنواف

http://www.6rbwow.com/song_2006.php?id=3781



..

[شهيق ورده]

..


الاثنان يستحقان الاحتفاء بهما دائماً
سواء كانا مشرفين أو عضوين .....

ــــــــ

شهيق وردة
ترى ذبحتنا القطات من ديّات , لفزعات
لشعار المليون وقبلهم قطات العروس
اللي ما تخلص ..



عليَّا النعمه قطَّتكْ وصَلِتْ يا بِيهْ




واللَّهي مُشْ عاوزينْ نِحْرِقَكْ مَعَانا يا افنْدِمْ




ما تخَلِّي يا بَاشَا




http://www.lahdah.com/up/uploads92/lahdah-80454bfe17.jpg (http://www.lahdah.com/up)


:)






::




عبدالله


إنْتَا خلِّيْكْ مِسْتَرَيَّحْ وحِنَّا نِيقِي لـ حَدَّ عنْدَكْ

وناخُد المأسُومْ من الماهِيَّهْ الشهْر دَهْ :)

[شهيق ورده]

لِـ نَوَّاف التركي:



نوَّاف يتْمَشَّى وفي يَدِيه مَعْمُولْ

..............يقول:أمَّنْتِكْ الله يا رُبُوع الإدارَهْ

ارتَحْتْ فهاليوم مِنْ نَصَبْ مَسْؤولْ

.............عَسَى رِحَالِكْ..ما يتغيَّر مَسَارَه!

مَدَّتْك..ما ظنِّي تِقَيَّدْ بمجْهُولْ

..............لَنِّكْ نِقَشْتَ الصدْق أجْمَل عِبَارَه


:)




لِـ عبدالعزيز رشيد:


وش لِكْ خَفَارَة حيْ..مواطِنْه مسؤول
...............يغني عن الدولة لِيَا شَنْ له غَارَه

ما تفْرِق التِيْجَان بَلا سِيْفْ مسْلول
.............ولا رَبَّح الله من باع طِيبْهْ خَسَارَه

أنْتَه تِقَدَّم..و خلْ مَعَارِيضِكْ سِيُولْ
..........وإرْهْـ جَزْلَة بحَرْك ..وصِنْ كلْ حَارَه


:)

[ريم علي]

يستاهلون والله اخواني نواف وعبدالعزيز
لكن اصبري على الين اخر الشهر نستلم الراتب

<<<<<<<<<<<<<<<حالتها الماديه متهاوشه مع نفسها

[عبدالعزيز رشيد]

اختي
شهيقــ
الندى ذات تسلل ضياء عبر ستار الفجر يلامس الزهر
ليمسك بيدين الندى صوب الماء موطنها
وموطنك \ الماء \ النقاء
ألف شكر لك


ينفع اقطّ بشفاحتي !!
ولا بدع تبوون ابشروا باللي تبووون
اللي عندي اقطه
والكل لازم يقطّ << قوي وجه ويا وجهه >>
بالذات مشرفين الشعر الشعبي
خالد صالح \ بؤرة الفقر مو عندنا ولا وقت القطّه !!
عبدالله ثويني \ ننتظر رجعتك بعد ماييزت القطّه << يبي يطقّ له فله مو حفله >>
العنود \ وينك لاتقولين ماسمعتي
ريم علي \ مشكووره لوجودك وحرصك على القطّه \ الحفله ليت كل الناس مثلك

.
.

خلاص القطّة تجمع عند شهيقــ
ويودع في حساب الشعر الشعبي ولاتنسون شهيقــ ( والعاملون عليها ..! )
.
.

وقوس قزح \ قوس مرح
مشعشع بالنقاء
في سماء ابعاد


كل الشكر لك
.
.

[د.نوف العبدالله]

،
شهوقه والله حالتك يرثى لها
بالذات الجوال>>> ماعندها اصلا
،
المهم اللي تامرين فيه انا حاضره
تم

[خالد صالح الحربي]

:

ينفَعْ أقِطّ معكم مَعنويّاً ؟!
أو أتكَفّل بأمَانَة الصندوق / بدون ما تعطوني راتب!
هَاهْ وش قلتكم ..؟!

[نواف التركي]

يعني حنا مطلوب مننا شي


ولا بس نجي

ضيوف شرف


الزبده كان لازم نقط معكم

خوذيها من عبدالله ثويني وقولي يردها لك نواف مع الراتب

[عبدالله ثويني المانع]

..

يعني أنا مطلوب مني
زبدة !

..

[حنان عسيري]

,


,


والله يا شهوووووقة يا حبوبة
اعذريني .... ما راح اقط معاكم

بالاول اصلح جهازي ... وأشتري لعمري مراجع
من جرير وغيره ...........





,

,


عبدالعزيز رشيد

أي كونجرتيولايت يو... تستاهل خيو

[حنان عسيري]

,

,


نواف التركي

الحمدلله على السلامة .. بالرغم ماني عارفة
من فين جااااااي

[شهيق ورده]

يستاهلون والله اخواني نواف وعبدالعزيز
لكن اصبري على الين اخر الشهر نستلم الراتب

<<<<<<<<<<<<<<<حالتها الماديه متهاوشه مع نفسها

http://www.lahdah.com/up/uploads92/lahdah-2535688a0b.jpg (http://www.lahdah.com/up)

دلاّلتنا المحترمه :)

خوذي يختي هالورقه والقلم واتْرِزْعِي جنبي نجمِّع القطَّه

يعني مهوب لازم تقطين الحين :)

<--تبي تضمنك في صفَّها عشان تكون التكْويشه ففتي ففتي بيناتنا :)


إحم ..يالله وين قطَّة بني أبعاد ؟؟خبري فيكم كرمااء وراكم صرتوا قَعَاطه :(

يعني نواف وعبدالعزيز ما يستاهلون كشْتَه فالصمَّان :)

[شهيق ورده]

اختي
شهيقــ
الندى ذات تسلل ضياء عبر ستار الفجر يلامس الزهر
ليمسك بيدين الندى صوب الماء موطنها
وموطنك \ الماء \ النقاء
ألف شكر لك


ينفع اقطّ بشفاحتي !!
ولا بدع تبوون ابشروا باللي تبووون
اللي عندي اقطه
والكل لازم يقطّ << قوي وجه ويا وجهه >>
بالذات مشرفين الشعر الشعبي
خالد صالح \ بؤرة الفقر مو عندنا ولا وقت القطّه !!
عبدالله ثويني \ ننتظر رجعتك بعد ماييزت القطّه << يبي يطقّ له فله مو حفله >>
العنود \ وينك لاتقولين ماسمعتي
ريم علي \ مشكووره لوجودك وحرصك على القطّه \ الحفله ليت كل الناس مثلك

.
.

خلاص القطّة تجمع عند شهيقــ
ويودع في حساب الشعر الشعبي ولاتنسون شهيقــ ( والعاملون عليها ..! )
.
.

وقوس قزح \ قوس مرح
مشعشع بالنقاء
في سماء ابعاد


كل الشكر لك
.
.




هلا11 بوجه الخير<-لني استغلّيت المناسبه العظيمه هذي لجمع تبرعات لشخصي الكريم ترى مهنا حفله ولا شي لا تمووت من الجووع بس :(


وترى ما يمنع إنك تدهن السير بكذا ألف أو مليون عشان باتسر لا قالوا كم رصيد حملة شهيق الخيريه لنواف وعبدالعزيز لينه رقمن يحبه قلبك :)



بعدين بالاتفاق مع حشاحيش أفكاري..

وبما إن أغلبية الأبعاديين من رفحا والحفر والقصيم والرياض والبطحا والإمارات والكويت وقطر..يعني دول صحراويه تحب الضبَّان والمِكْشات ومرْبَاعٍ زين ..

لذلك قررت يقام الحفل في أرض فضااء في حدا هالبِّران والطعوس الذهبيه<-يعني النفود مهيب أرض فضاء ( :( أمحق ثقافة ..الله يلعن الامريكان خربوا فلسفتي العربيه :(

ونقدر نفحِّط ونقحِّص ونخمِّس على كيف كيفنا مهنا مرور ولا مخالفات رادار سرعه<-أقصد سرعة قياده مو كتابه ركزوا جعلكم الصلاح :)


وبهالمناسبه ..توسَّط لنا مديرنا سعد سيف مع نقليات الباخشوين واستاجر منهم جراندايزر مطوَّر عشان يشْقلْنَا كل أبونا وجدنا يالأبعاديين للبر ..

http://www.lahdah.com/up/uploads92/lahdah-ab800c79d7.jpg (http://www.lahdah.com/up)


وحَلَف مديرنا إلي ما يجي الصبح بدري بعد صلاة الفجر ويركب الباص إنه يقعد وما يروح معنا للرحله الي راح تتخلخلها ألعاب ترفيهيه وألعاب مائية تلي ماتش والحِصِنْ ومواهب وأفكار بيكون لهم وفد رسمي ممثل في الكابتن صالح العريض مقدم البرنامج الشهير والجوائز مقدمه من رز أبو كاس :) ..وأنشطه علميه وثقافيه لأن دوري حنين راح يكون هناك بعد.. ومحاضرات دينيه<-كني سمعت أحد يتأفأف :( والله إلي عاجبه يركب هالدينصور ويدرعم معنا ..وإلي مهوب عاجبه يدقها رجليه للثمامه أرخص له :)



وبرضو عندنا تبرع من الرمايه أو إنه قصر الأواني ماني متوكده من المحل زين

http://www.lahdah.com/up/uploads92/lahdah-c8a1e8c085.jpg (http://www.lahdah.com/up)


مطبخ متنقل عشان نحافظ على البيئه وعشان العضوات الرفلات يحسون برفاهية الطبخ في الهواءالطلق في ظل التكنولوجيا الحديثه :)


يالله مين مناحي مطلق قايد الحمله؟ ياليت يحدد لنا إحداثيات الرحله وين بالضبط على الخارطه :)



ولا زلت أكرر النداء..التجميع للقطه مستمر .لا تقولون طيب أنتي مشيتي الحين ما جمعنا فلوس..أقولكم ما كثر الله إلا مكاين الصراف عند ساسكو في الطرق السريعه

:)


يعني مالكم عذر قطُّوا الله لا يهينكم ..لو بترمس مويه

[شهيق ورده]

،
شهوقه والله حالتك يرثى لها
بالذات الجوال>>> ماعندها اصلا
،
المهم اللي تامرين فيه انا حاضره
تم


هلا نوف

شفتي حالتي كَسِيفَه صح :(

يعني ينوبكم ثواب يوم تقطُّون لي :(

وبعدين ياشيخه لا تحاولين تتميلحين وتتمصلحين يوم تقولين ما عندك جوال ..

أنا بالكاد قبلت إن ريم تسجل معي القطَّه بس عشان أضمن سكوتها عن هبْكِتِي بالقروش والمصارِي والفلوس والدراهم :)


ما يامر عليتس عدو إن شاء الله..

قطِّتس وصلت



http://www.lahdah.com/up/uploads92/lahdah-048b12a89f.bmp (http://www.lahdah.com/up)


صينيه حلا من حلويات أوبرا <-كنتْ مقيدتها ضد مجهول وكانت من نصيبك :)


وكان تبيني أتبرع لك بجوالي ما عندي مانع ..بس بدون رصيد ترى :(

[شهيق ورده]

:

ينفَعْ أقِطّ معكم مَعنويّاً ؟!
أو أتكَفّل بأمَانَة الصندوق / بدون ما تعطوني راتب!
هَاهْ وش قلتكم ..؟!

يا حظنا الأقشر!

تبينا نسلم التجوري في يدين دحْديرة مدري بؤرة الفقر ؟

طيب ما ينفع نعطيك راتب وما تروح معنا للرحله الي بتقام ضمن فعالياتها الحفله؟

أخاف بس تدعي دعوتك المشهورة إذا قطِّيت معنا وما جازت لك خدمات الحمله :(

وبعدين أنت تحب الهدووء وحنا حفلتنا رقص وردح , يعني إذا بتجي وأنت مطلِّق الهدوء والعتمه حياك ربي .. ولا تنسى التكْمِيله :) فيه دوري كرة طائره بين نواف وقايد وسلطان وعبدالله لا يفوتك. إن ما جاز لك خليناك حكم على مباراة الشطرنج بين لحظه وسيّدة الغياب :)


قل تمْ ,,وهات القطَه جعلك الثَرَاء :)





ملحووظه:

خالد ..لديك مخالفة كيبورديه ..سارع بالسداد هنااااك :)

[شهيق ورده]

يعني حنا مطلوب مننا شي


ولا بس نجي

ضيوف شرف


الزبده كان لازم نقط معكم

خوذيها من عبدالله ثويني وقولي يردها لك نواف مع الراتب


هلا11 بالراعي الرسمي للحفل :)

لا حول ولا قوة إلا بالله ..

لا تقول إن سعد سيف ما عطاك مكافأة نهاية الخدمه للحين :(


وأنا أقول علامه الرجَّال صار إنطوائي وما يكلِّم أحد أثْرِه متسلِّف من عبدالله وصاير كل ما دخل أبعاد يتلطم علشان ما يكفشه ويطالبه بتسديد دينه :)


لا تاكل همْ نواف عبدالله واعدينه نخصم نسبته في القطَّه إذا طالبك بالدين الي عليك :)


خلاص نواف أنت وعبدالعزيز عليكم الطبخ والنفخ في المكْشات وحنا يكفينا تعبنا وقطّينا لكم تبونا نطبخ لكم بعد؟ والله شعبْ زُووول :)

[شهيق ورده]

..

يعني أنا مطلوب مني
زبدة !

..



لا اصبربعد..

نبي بسكوت شاهي..

شكلاطه فرنسيه مُرَّه ..وبلجيكيه بالتوفي..


اصبر خلني أغش من ورقة مقاضي جارتنا أم محمد

لقيتها طايحه قدام بريدي :)

http://www.lahdah.com/up/uploads92/lahdah-617fbba84c.jpg (http://www.lahdah.com/up)

شفت إن الزبدة ما تكفينا هذره؟

أجل وش دخَّل محمد ضرب ولد الجيران..

وتلفون البيت خربان..

ماصوره منكسره؟؟؟

هذا يدلك على إن الحرمه ما تحكي لرجَّالها إلا إذا كانت المقاضي هي الوسيط ..وإلا مافيه حوار مفتوح بين الطرفين يتمكنون من خلاله حل المشكلات الي تواجه أسرتهم وتدارك أي خلل ممكن يقع بين الأبناء..

<-قلبت مُرشِده نفساويه :(

بس شفت عبدالله استكشفت من هالزبده شغله مهمه:

فيه ناس للحين ما أنقرضوا يقولون :بِزَارْ وبرْدِقَانْ و بَرَنْدَا :)


عبدالله ترى هذي دخلتك الثالثه للموضوع ..ومع كل دخله تزيد نقاط قِطَاف القطَّات عندك ..
يعني المره الرابعه يكون عليك حاشي تغدِّيناه أول يوم لنا فالصمَّان :)

[شهيق ورده]

,


,


والله يا شهوووووقة يا حبوبة
اعذريني .... ما راح اقط معاكم

بالاول اصلح جهازي ... وأشتري لعمري مراجع
من جرير وغيره ...........





,

,


عبدالعزيز رشيد

أي كونجرتيولايت يو... تستاهل خيو


حنُّونْ غلاتي مع الأيام أسْتَشِف فيك شغله:

يا إنِّتس تسْتَهْبِلِينْ يوم تقولين ما راح أقط معاكم :(

وإلا شكْلِتْس تسذا :)



وأنا أرجِّح الثنتين معاً ..وش هالهرج الخنفشاري طال عمرتس؟

طيب حنَّا دارسين لغات ومترجمين قد الدنيا :)

بس ما أحب نهرج عنقليزي لسببين:

الأول :حتى لا يفهم الآخر أنَّهُ تباهي واستعلاء على عقليته بتميُّزنا عليه بلسانٍ أعجمي.

والثاني: عشان شيوخنا قايد وخالد ونواف وسلطان وغيرهم عندهم أكْزيما تجاه الإنجليزي.. وما نحب نسبِّب لهم بُهاق لوْثَة العُجْمَه :)


وبعدين قلبو احكي انجليزي بحروفه أبلغ من تكتبيها بأصالة العربيه وتعطي طلاسم ما تفيد في شي ..


أي كونجرتيولايت يو

هذي الجمله كأنها ترجمه للآتي:

May Allah Yakhedh you :)

والأصح قولها هنا

Congratulation Abdulaziz





نواف التركي

الحمدلله على السلامة .. بالرغم ماني عارفة
من فين جااااااي



لا إكتشفتْ إن شكلتْس تِسذا :(

[ريم علي]

http://www.lahdah.com/up/uploads92/lahdah-2535688a0b.jpg (http://www.lahdah.com/up)

دلاّلتنا المحترمه :)

خوذي يختي هالورقه والقلم واتْرِزْعِي جنبي نجمِّع القطَّه

يعني مهوب لازم تقطين الحين :)

<--تبي تضمنك في صفَّها عشان تكون التكْويشه ففتي ففتي بيناتنا :)


إحم ..يالله وين قطَّة بني أبعاد ؟؟خبري فيكم كرمااء وراكم صرتوا قَعَاطه :(

يعني نواف وعبدالعزيز ما يستاهلون كشْتَه فالصمَّان :)

ماعندي مانع بس مااظن الورقه والقلم وراها فايده
مااحد راضي يتبرع بريال ....اعوذ بالله وش هالقحط..؟!!
لا لا المنتدى يحتاج لرجال اعمال....ان احتجنا شي استغلينا
وجودهم باقامة الحفلات والليالي الملاح على حسابهم الشخصي
ويادار ماادخلك شر