شِعرٌ لـ كلّ حالة شِعر ( أوراق .. )

[عبدالعزيز رشيد]

(( فراق .. في الضمير \ الصميم ))




هذا " أنا " وهذي " إهي " ياخساره !
_____________متفرّقين وماجتمعنا بـ " ذولا " !!

يابنت مايكفيك دمعي إشاره ؟
_______________حتّى أصابيعي تسمّيك أولا !!

مثلي حزينٍ راح وفارق دياره
_______________ماتنفعه أعذار لو قال : لو لا !!

[عبدالعزيز رشيد]

(( أخــاف أحبــك ))




يااااكم مشيت وشفت في دربي حجاره
كنت أركلها آتخيّلها أنا !!
ياحظّي العاثر أنا !!!

قالت : أحبّك
قلت : لا لا مـاأحبّك
خفت اقول انّي أحبّك
ثمْ تغيبين وتهدّيني
وربّي ياعذابي ماعرفتك
غير أيّـامي ومصيري !
كــيف أجل وضعي اذا لحظه ..!
تهدّيني

أمشي وانا اتبع خطوتي
أمشي أرافق عثرة اقدامي
وانادايم أقول الطيف قدّامي
وأقوم أركض أبعثر عثرة أقدامي
تطيح آمالنا واركض اتابع خطوة اقدامي
وفي لحظه ..!
تغيب وتختفي !!
وانهاااارت اقدامي .

[عبدالعزيز رشيد]

(( قالت يا... ))

حبّيتـهــا ولاعبتَـهَـا بالطفولـه
________يحليلها لي ضاقَتِ تْقول يا ( قلب ) !!


.
.

مابين القوسين حسب مصادر الحدس !

[عبدالعزيز رشيد]

(( ابتهال ))


يرفع يدينه بالدعا يدعي
__________قوسين رجوى وقوّست خوفه

[عبدالعزيز رشيد]

(( حقيقـــه ))



يالأَسَى وش لك بتعذيبي وجمعي
___________ضاع دربي والحِزِن جتني دروبه
ابتديت الدرب خايف كان سمعي
__________يسمَعِ الصادق وكذبه في جيوبه
طبعِيَ الوافي ملكني وصار وجْعِي
__________يعرف الغلطه ولاهو قال: توبه !
معدني باين ولومابان لمعي
___________صدقنا المخفي وملامحنا كذوبه

[عبدالعزيز رشيد]

(( فضّــفضة قاف ))



القوافي شارده والمعاني جرد
_____________والقوافي خيلها ماعنت لارضي

والله الحاله كريهه وياهو برد
____________تشعل الأفكار ومابه جَمِر ينضي


هي ضروره؟ اجرح الشعْر وينزف سرد !
____________خوف يضمّخني كآبه ومايمضي

ليتها بالحظّ نرمي القوافي نرد
____________لو تجي مرة كفتنا وغدت ترضي

ياتباريح القاف جيتي وجيتك فرد
___________اوعدك ايه اوعدك يهزمك بعضي

والغرابه بعد هالدمّ ينبت ورد
_______كنّها نحس النحاس اللي غدى فضّي !

[عبدالعزيز رشيد]

(( عنقود هَمْــس لـ طفله ))


طفلتي غيمة ترشّ افراحَها
_________طفلتي فيّي وربيعي تفرح الشوف

ناعمه في همسها واصياحها
____________حكيها عنقود بالهَمْس مصفوف

خدّهـا يبوسه دلال وْشاحها
_____________زينها بلْباس روح الغنْج نفنوف

[عبدالعزيز رشيد]

مرايه .. للمَرَه .. تـِتْرنّم وتِرْسِمْ
__________________ مَلامِحها !

[عبدالعزيز رشيد]

(( حياة بنكهة الفولاذ ))




سِجِنْ .. يرسمْ .. أَلَم .. مسجون
____________سجين وْصار ِحيّ بّنكهة الفولاذ !

بعذره لو تَرَاما وارتمى مجنون
_________حبيسِ يْشمّ [دنيا] وعطرها الأخّـاذ

[عبدالعزيز رشيد]

(( صمت يملأ الأفواه ))





صمتي ملا افواه المدينه
_________صمتي نطق حرف الكآبه !!


كلّي حكايـاتٍ حزينــه
__________تحكـي معالمها الكتــابـه

[عبدالعزيز رشيد]

(( انتظار .. فـ انتظار .. ))




ذي ساعتي
تحكي
عن احزان انتظاري ..
.
.

ذي وردتي
عيّت
تداري .. فانتظاري ..


انتظر والشوق يذبحنــي
_________ واكتب الكلمـه وانا مكتوب !
انكتـب حبّي وجرّحـنــي
_____ حرفها القاسي وانا المشطوب !!

[عبدالعزيز رشيد]

(( قيض وجفاف ))






جفاف شعور ولا قيض بشعوري
___________اعرف الحال حال المبتلى البالي

نساني هاجسي وماعاد فـ مقدوري
___________وحتّى الصوت ضاع وضاع موّالي

وقمت اشعل لهيبي وماشتعل نوري
____________وّكساني هالرماد ومابرى حالي

وحتّى الغيض عيّا يقتحم سوري
__________وصبري صار فيني حضرة الوالي

ابغتال الصَبِر من شان جمهوري
____________معاناتي وحلم .. يرافق ظْلالي

أغيب ولي حروفٍ تفضح حضوري
____________وزهرة تسلب التفكير في بالي

قتلت الحال لك يازهرة الجوري
___________وجاورت القوافي وزانت احوالي

[عبدالعزيز رشيد]

إهداء لـ صديق اسمه خـــاطر

.
.
.


خاطر :
كتبت القاف لجل استوطن
احلامي
واحولها لواقع..
حالم الطابع .. واقرب من مجرّد
امنية حالم !

اخوي خاطر :
كتبت القاف
لجل انثر اتعابي
وأزرعها اماني ..
يمكن احصد بالنهايه
قاتل اتعابي

اخوي خاطر:
كتبت القاف يوم انكتمت ْمن الوهم
واتعبني القاصي من احزاني
وعذ ّبني القريب المبتعد
.. هذا قريبٍ ظالمٍ بابعاد
.. وهذا قاصي ٍٍ قاسي بقربه !

آاااااه خاطر :
كتبت القاف باشكاله
أجي مره أقــــول :

عدّيت انا رجم الخـــلا
______وكزّيـــت انا قلبي الكتوم
واعلنــت للغالـي الـــولا
______من يومها وقلبي مْحروم

خاطر :
بكل اشكال اشعاري
اقدّم اعترافي
" كتبت القاف لسكوتـــــــــي ... !!! "

[عبدالعزيز رشيد]

(( كلمة غضى ))






كلمةٍ تكتم انفاسي وتشقيني
_____________لو رماني الدهر مانيب قايلها
ضاق صدري وصبري ملّ يعطيني
___________قلت أو ماقلت ماترمي عمايلها
بي هجوس من الكلمه تعاديني
_____________مرةٍ هي تطاولني واطاولها
جمرةٍ شالها صدري وتصليني
__________من لذعها شفِ اضلاعي تبادلها !
ماعرفنا لها وياقربها فيني
______________ليتها مثل اعدائي وأقابلها
والعجب جيت أبخفيها وتعرّيني
_____________خافيه تظهر بوجهي دلايلها
وين مارحت ؟ للغربه عناويني
_________صرت انا وكلمتي بالغصب أمايلها
ابتسم وانثر الضحكه وفي عيني
________غمضة اللي تشوف هموم حاملها
ضاقت النفس منها وصارتِ تجيني
____________اوعد النفس انثرها واماطلها

.
.
.

كلمةٍ تكتم انفاسي وتشقيني
_____________لو رماني الدهر مانيب قايلها

[عبدالعزيز رشيد]

(( غيمة أمــّـي ))




غيمةٍ تنعــش آمـال ٍ كستها التبـاريح
___________غيمــة تطلق احـلام ٍ وتحيــي الشجــون
كم صلاةٍ نصلّيها بهـا كثر تـسـبيــح ؟
______________نرتجي هطلهـا يـوم اتركتنـا المــزون
تـِـفرح المرتجي لي ناض برقٍ بتلويح
_____________ينتعش خافقه والريح تثنــي الغصـون
يبـرق البارق الصيّـاح كنّه مصــابيـح
____________في يدين العدل يطلق ضحايا السجـون
والمطر لانتثر تسمع كــلام و تصريـح
_____________بينهم .. كنّه يـْـصارح ويـجلي الظنون
والمطر كنّه ِ يـْـدين المراضي بتمسيح
_____________قال : أرضى وانا راضي ولحد ٍ يخون
سال دمّ الأراضي \ سيلها يبهج الشيح
____________والبست لبسها ( العيدي ) بها كلّ لون
ينتعش صبحها لي صار للطير تصبيح
_____________والندى يطرب الما الّي جفاه السكون
وانتشر ناسها كنّ الأمـل جاه تلقيح !
_____________من طـيور الحياة الّي غلاهـا الفتـــون
نعمةٍ حبلهــا شكـر الكـرام المفاليـح
_____________يابشر شكرنا نْشدّه ومن غيـر عـون !
مثلهم آااه يا يمّه أنا وعاصـف الرّيـح
____________شوقِي الّي هــواها عـطْـــرِ امٍ حنـون
نورها الّي سناها تعطِيَ العين تفتيح
_____________آااه ياواهنــي لو تحتـويـك الجفـون !
حظّي اليوم طفلٍ حبّ لعب المراجيح !!
___________لاعبٍ بي ومادامك معي هو يمــون ..!
ذا كلامي وقولي كنّ بالوصف تجريح
________وان سمعها أَحَد تمتم : إهي وش تكون ..؟!

[عبدالعزيز رشيد]

http://ektob.com/uploads/jno0on_bloodart13.jpg


أَدْرِي مَحَدْ منكم سَأَلْ عَنّي
أبد ماهي غريبه
من قبل محدٍ سأل
ألحين يعني
هالسؤال ؟ !

_____

* نسخه من موضوع معرض وتعليق

[عبدالعزيز رشيد]

(( اشياء أو أشلاء ))





أشياء أو أشلاء
سمّيني مثل مانتي تبيني
ممتلي من الألف للياء
أحزان وكدر
حلمي انتثر وانتي رحلتي ياقمر !!
ليتك قمر يرجع لنا نصف الشهر
فيني الكذب مثل الأمل \ كذبه وجت مثل الأمل !!!!!
لا ياوتين
الجرح لو جاوتيني من يداويني سوى موتي ؟!
انا جيتك
بميلادي كتمته وماقراني غير صدقك
طفْل يمشي موطنه وِحده
وياكم حبّ وَحده!!
طفْل ضايع غير صايع
من رماني مارميته غير أسأل ليه رماني ؟
انظلم .. ياماانظلم
كابر وكابر واتعبه كذب الكبِر
ماكان صادق
كم كذب يوم ابتسم !! .. والله كذب يوم ابتسم !!!!
.
.
مزمار أيّامي عزف حزني
...................والكلّ ساكت والرجاوي تغتشي
لين انتهى حزف الحزن منّي
.............شوفوا الغبن هالكلّ صفّق منتشي !!
..
..
قالت : انا حزني بلد
تسرح بها دموعي
ودمعي عاهد بحبّ البلد
والدمع فاضحني
ويدين الصدْق تمسحني
يدين الصدْق صارت هي يدينك !!
آااااااه من غيرك فضح حزني ؟
..
..

أنـــا

ورده ثناها الدمع ومالت
...................جيته يواسي الدمع ميلك !

أنـــا
وانتي .. أنا .. أنتي .. بعد مانتي حكيتيني وحكيتك
اثرنا
اثنين داخل همّنا !!!
قالت : أنا موعد وداعي بالربيع الجاي
جيت وقلت : أزهاره حزن وابلا فرح
وين الربيع الجاي ؟!!
يعني ايه بتروحين
يعني ايه بتغيبين
غيبي واوعدك
ايه اوعدك
مانساك مرّه
واذكرك بالخير بس..
ابغى تعرفين اني شظايا من ألم
أشياء من أحزان أشلاء من أحزان
سمّيني مثل مانتي تبيني
اوعدك بارمي الحزن لجل الفرح
وارسل رساله من شعر
أشياء أو أشلاء سمّيها مثل مانتي تبين !!!!

[عبدالعزيز رشيد]

صوت اتى من نوافذ الأجداث
كأنه كان يقول :



أصحى بهالدنيا وانا كنّي غريب
.................. واستجمع ابصاري واناظر ذا وذا


واللي اشوفه بالبصر شكله عجيب
................. وين الصفى يادنيتي ؟ كنتي شذى


صرتي بياضٍ لوّثه لـون ٍ رهيب
...................من كثرة الايدي وهي تعطي الأذى


يادنيتي صرنا بقيعانك سريب
...........حذيانها تحاذي الردى ياهو (( حذى )) !


وهنـاك مظلوم وحسيرٍ له نحيب
......................يصرخ ينادي ليش هالدنيا كذا..؟!


من يسمع الصرخه وهو في هالرحيب ؟
.....................محدن بهالدنيا ســمع نوحه لذا :


باستجمع سكاتي وكون اوّل مجيب
....................ماعادبه صمتي مثالٍ يحتذى !!!


وان قلت له برصاصة الرحمه تطيب
......................تسمع جوابه بالعنى ياحبّذى ..!


لين انتبه لي وقال لحظه يالحبيـب
..................إلا اذا الدنيا ركدت!! .. إلا .. ! إذا ..!




" الا اذا "
.
.
.

"الا اذا "
.
.
.
"الا اذا "
.
.

[عبدالعزيز رشيد]

هذا الحبر يغفى على صدر الورق
__________واحلام مرسومه على الصفحة بريق
والمشكله لي جا الحبر بعض الأرق
______________تلقى قصيده مالها حلم وطريق


شاعر توسّد هالكتابه
هيّأ خياله بالرتابه
ليته لقى غير الكآبه !


عبدالعزيز رشيد
ياعبدالعزيز رشيد لك عامين
تِذْكرْ ؟
شف تذكّر كنّها اليومين !!

[عبدالعزيز رشيد]

تمثال واقف
من رخام املس
على كتفه حمامه طارت وخلّت خدوشٍ ناعمه
من عين هالتمثال سالت دمعتين وخدشْ !



بـ جناح لـ روح

[عبدالعزيز رشيد]

خاصمتني
مادرت بانّي طريح
كلمتني
قلت : انا صوتي جريح
لوّحت لي
قلت : فـ يديني نزيف

ثم رمتني
قلت : ياأحلى نزيف!

هي حبيبه
كنها القمرا عجيبه
كم غفت وقت الصباح
والقهر ماغيرنا حنّا نكمّل هالسهر

[عبدالعزيز رشيد]

ليست إلا أصداء استجابت لـ بيتٍ ليس لي في هذا النصّ





حادي على اثر شوقه صاح
_______________نادى وصاحت مراقيبه
( ياحنيف انا لي وليفٍ راح
______________وش حيلتك في مواجيبه )*
ياحنيف انا عفت هالممراح
________________عيّا يكفّي عذاريبه
صوتي نزفني بدون جراح
_______________حتّى طبيبي نزف ريبه !
وجهي سما ونجم دمعي لاح
_____________من يمسحه او يداريبه ؟!
في داخلي ضيق ماينزاح
_________________الله كريمٍ يودّي به
الحين يوم انكسر مصباح
_____________قلبي يبي يرجع بـ طيبه
مامداك ياهيه ياصيّاح
______________وادي المحبّه عوى ذيبه
مابين ودّي وشيٍ راح
_________________قلبي تزايد مطاليبه

[عبدالعزيز رشيد]

.
.
كرز مقضومه بـ كلمة " أحبّك " !
سالت بكلمة :
انا والله بعد مثلك احبّك !!



بـ جناح لـ روح

[عبدالعزيز رشيد]

http://ichor.jeeran.com/fds.jpg



خوفي انا
يقرا ويتهجّا
وانا
جالس
على قيد الأمل
والخوف
قاري ماتركني استريح