((نورة))

[سلطان المضعان]

أحبتي وأخوتي الكرام

ليس لي سوى أبنه خالة وعمرها 4سنوات بهذا الإسم

ولاأعرف غيرها لامن قريب ولابعيد ولذا جرى التنويه

والله من ورى القصد





اعتزلت الشعر من حبيت"نوره"=حالفٍ ماأكتب بعد نوره قصيد

لاتناقشني ولاتبدي المشوره=والكلام اللي سمعته ذا أكيد

ذا قراري وكلٍ أدرى في أموره=لاتدخل وأبتعد عني بعيد

لاتزيد القلب لاتدمي شعوره=لاتخلي الناس فيني تستزيد

حبها اللي ذوب القلب في بحوره=وإنصهر في داخل أعماقه الجليد

لجلها ياما تحمل كل خطوره=مايهم مهما حصل قلبي عنيد

ليتها تدرك فرح قلبي وسروره=لاإحتواني صوتها والله عيد!!

تذبل ورود الغلا وتفقد عطوره=لاتلاشى صوتها وأقفى بعيد

حبها مثل النسم وأكثر ضروره=حبها خلاني إنسانٍ جديد

ياهني اللي سكن في قلب "نوره"=مهتني في دنيته وعايش سعيد

[وجدان الأحمد]

سلطان المضعان

وهل هناك أحلى من حب طفلة والتعلق بها

الله يخلي نوره لأهلها ويخليك لها

ويعطيك طولة العمر ليما تتزوج نوره

وتكتب لها قصيدة بعرسها إن شاء الله

قصيدة جميلة وقريبة من القلب

صح لسانك سلطان

وألف شكر http://www.qamat.net/vb/images/smilies/a36.gif

[عبدالعزيز رشيد]

ونصّ
يلقي بمراسي الأماني
صوب الأمل المنشود \ الرجاء
بحقّ
فيض من احساس غارق بالجمال

كل التحايا لك

[سلطان ربيع]

الله يخليك نوره

ولايحرمنا نورك

جميل بكل حالاتك ياسلطان

[عبدالله ثويني المانع]

..

** سلطان المضعان **
أشاركك الحب لـ نوارة ..

أرق التحايا لقلبك

..

[العـنود ناصر بن حميد]

حبها مثل النسم وأكثر ضروره

حبهـا خلانـي إنسـانٍ جديـد

***
ياهني اللي سكن في قلب "نوره"

مهتني في دنيته وعايش سعيـد

الله يسعد قلب نوره

ويسعد قلبك أخي سلطان

دمت بخير

[خالد بن علي]

نص جميل

راقي وبديع

يفوح منه الكثير من معالم الحضور

[سلطان المضعان]

سيدة الغياب

جزاك الله كل خير

والأطفال كما تعلمين

هم زينه الحياة الدنيا

والله يخلي نورة لأهلها ويصلحها ويمد بعمرها إن شاءالله تعالى

وأنا بكل أسف مو لها ياأختي الكريمة لأن الفرق بالعمر بسيط

كلهم 23 سنه بس

ودمتي سالمة

[سلطان المضعان]

أخي الكريم

عبد العزيز رشيد

الجمال يكمن في ردك وكلماتك لو كل قارىء

لها تكرم وتمعن بها

ومشكور يالغالي

[سلطان المضعان]

أخي الكريم

سلطان ربيع

الجميل هو ردك الكريم

ونورة الله يخليها لأهلها ويصلحها إن شاءالله

ودمت سالماًُ