... عودة السامري .....

[نايف الروقي]

"
:
لم اجد بين يدي عندما

عدت الى هنا سوى هذه المتواضعه

كلي امل ان تنال نزرا بسيطا من رضاكم

(( عودة السامري )) ...


هاجس الذكـرى دعانـي واستجبـت
يوم ناقوسه قـرع حـدب الضلـوع

دام بوح الصمت يـا ذكـراي جبـت
شاعـرك لاماتـمـرد بالخـضـوع

دام تسألنـي عـن احوالـي اجبـت
انت لي كلمـه وانـا كلـي سمـوع

قلت ميت شفني حـي وقلـت غبـت
في ظلامن حكمتـه شنـق السطـوع

صح.هاك الليـل منـي وش سلبـت
مـن ظلوعـن قلبهـا بيديـك طـوع

جاك في لحظة خضوعـي وانكتبـت
مغفـرة ذنبـن رقـا قبـل الوقـوع

وصرت مستوطن بمنفـى واغتربـت
خاطـر اللقيـا كسرتـه بالـدمـوع

داخـل عيونـي ياملـح البعـد ذبـت
نونها ابيض .نظرتـن منهـا تـروع

لـو انـا يعقـوب عنـدي ماجلبـت
لو زرار الصدر بشـرى بالرجـوع

من سنا دموعي لك اينـع كـل نبـت
سم واقطف زهرتـك قبـل الطلـوع

اعـزل انفاسـي ليـا منـك قربـت
وانحراحساسي مـن غيابـك جـزوع

شرهة الجمعه احدهـا صـار سبـت
حسب تقويم (اليسوع ) اصبح ربـوع


في خميسـك ثالـث الاثنيـن كبـت
السهـر حلـل محـرم هالهـجـوع

كيف ؟صرت ((السامري )) ليه انقلبت
ناكـص العقبيـن والتبريـر جـووع

مائدتـك القلـب وادري مـا طلبـت
احكـم الاسـراف لاتصبـح قـنـوع

اشرب اشرب ضامي وصالك شربت
رشفتن من كـل شكـل وكـل نـوع

انهمر لك وصـل لاجلـك مانضبـت
لو يموت النسـل وتجـف الضـروع

ايه . يالغرمـول بالشـوق انتصبـت
فارقـن متبارقـن بـيـن الجـمـوع

وش شعورك لحظتن فيهـا اقتربـت
عـازم وجـازم علـى اللقيـا بتـوع

وبالعنـاق الحـار بالشـوق انجذبـت
واختطف روح المسا ضـو الشمـوع

[شهيق ورده]

صحْ وجدانكْ الندِّي /نايف الروقي..

كان غيابُكَ مُقْلِقْ..

لأبعادنا ..

واشتقنا نُضُوج بوْحِكَ أدباً مُعَتَّقاً بجنون كَلِمٍ وقافْ..


وكانَ لنا هُنا سرْدِيَّه حواريَّه عجيبه..


شذاً وأزْكَى ..القَوْل..ومُنْشِدُهْ..

http://www.q8boy.com/uploads/d77f28a4f9.gif (http://www.q8boy.com)

[عبدالعزيز رشيد]

وتداخل لـ سكون بوحٍ في ضجيج ابداع
ولغة ترصّع أبيات هذا النصّ
تقرأ لتجد مايسّرك فتتوغّل لتجد مايسرّك أكثر !


اخي
كل التحايا لك

[خالد العقيل]

نايف الروقي
وعوده رائعه
سررت بمروري هنا
اصدق الود

[نايف الروقي]

عندما يكون قصب السبق هنا
لشهيق ورده

تتنفس البسيطه انفاس لايشابهها انفاس
مجرد وجود
(( الثوره \الثروه التنفسيه ))
يمنحنا فرصه أخرى للحياه ...!!\\

من هنا الى مالانهايه
تقديري الوافر ..!!!

[شــمــ نـجـد ــس]

دام تسألنـي عـن احوالـي اجبـت
انت لي كلمـه وانـا كلـي سمـوع

قلت ميت شفني حـي وقلـت غبـت
في ظلامن حكمتـه شنـق السطـوع

:


للقصيد أن يزهو هنا ..

جمعتنا هذا الصباح بقصيدة ..

الشاعر نايف الروقي

صح نبضك

[نايف السعدي]

نايف الروقي
اسعدني المرور بمتصفحك
صح قلبك
تحياتي

[فهد مفلح]

يالروقي صح لساانك
ولاهنت
تحياتي لك

[نـــجد]

قصيدة كل نبض فيها يتلو قصايد

نايف الروقي
صح إحساسك النابض شعرا وسحرا

[عادل بدر]

لا يعلّمنا العقل إلا المجانين !
و أنت اجملهم يا نايف ..
عذوبةً و طيشاً
و بعثرةً
و لَمّ شمل .

[محسن الشاهر]

الرائع نايف الروقي


صح لسانك وسبق لي ان عانقة حروف هذه الفاتنه يا مبدع

سعة الخيال وكنز المفردات ودقة التصوير صفات تتواجد بمدع مثلك يا نايف

لك التحية والمتابعة والانتظار

[نايف الروقي]

الرشيد العزيز
وكنت هنا
نور على نور
بكل سرور

على راسي
لهكذا مرور ..

وافر التقدير ياكبير ..!!!

[نايف الروقي]

خالد عبدالكريم
شكرا لهذا المرور الراقي

لك كل الحب
تقديري العميق