تقفى طلبتك مره انصافي

[سعد المطلق]

كيبورديه




ياوجد حالي على اللي راح يا ضافي=وجد الذي علموها موت غاليها
كذاب لو قلت لك طيب ومتعافي=الا بعيني دموع ٍ ودي ابكيها
لاصار ماهلت العبره على لافي=حرام لا انكر عيوني وش ابي فيها
هودرع جنبي وهو ضلعي ومجدافي=يفداه دمع العيون وشوف راعيها
هبت هبوب الرياح وجاني السافي=سفينة العمر تاهت عن موانيها
اسامر الليل الاكحل حزني لحافي=ايامي السود بانت من مواريها
يا وقت تقفى طلبتك مره انصافي=يالله حسيبي على الفرقا وطاريها
خابت ظنون الحياه وخاب ميقافي=حتى الخطاوي بدت ترفض خطاويها
اقول للوقت ليه تبين الخافي=واشره على الهم والضيقه وداعيها
ويضيق صدر الشمال الطيب الوافي=وتصيح خضر العروق بفقد غاليها
واشوف طفل على جال السهر غافي=طاحت دموعه ولا يقدر يخفيها

[عادل بدر]

قصيدة حزينة يا سعد
بالرغم من كيبورديّتها إلا أنها جميلة .
صح قلبك .

[عبير الشوق]

سعد المطلق

ورائعه لها نكهه خاصه

جميله بحزنها

دمت للشعر

تحياتي لقلبك

اختك عبير

[شــمــ نـجـد ــس]

لفيض شعرك عميق الحزن ..

الشاعر سعد مطلق

سلمت وسلم بوحك

[خالد بن علي]

صح قلبك على هذا النص

الجميل والراقي

دمت بكل حب

[عاطف هادي]

صح لسانك....تبقى رائع وجميل

سمعتها منك واعتقد انك نسيت

كتابة كلمة لك في صدر البيت

الثاني....

[شوق]

رائعة القصيدة

وصح لسااااانك

كل الود

أختكـ/شووق

[عون القحطاني]

سعد مطلق

سمًها كما تريد ( كيبوردية )


انما هي استرسال لاتجاه الريح
وتحريك غيوم الشاعر

وهطول القلب

بما يحمل من مزن


على اوراق الشعر والابداع

وترك المساحات الخضراء خلف ذلك الهطول

لترعى قلوبنا عشب الشعر


شكراً بقدر ماتحمل كيبورديتك من جمال



مودتي

[خالد صالح الحربي]

:

أبو مطلق لما تكتب روحانيّة خاصّة ..
لكَ الشُكر والزهر و العطر وَ الصبر ..
وَ رحِمَ الله لافي وَ غَفَرَ له ..
بأذن الواحد الأحد ..

[سلطان ربيع]

فقدك فقد ياسعد
فهنالك رجال لايعوضون بثمن
ولا يآتي من يكون بقدرهم وقدرتهم

لك من القلب تحية
وعساك أن تكون بخير
في كل وقت وبكل الأحوال

إحتراماتي أبو بندر

[محسن الشاهر]

الله الله عليك يا سعد

كم هو نص حزين وكم انت شاعر مبدع

وكم استمتعت بهذا النص ومصافحة حروفه


لله درك


قصيدة تكاد ان تبكينا بحروفها


يا وقت تقفى طلبتك مـره انصافـي
.......................يالله حسيبي على الفرقا وطاريهـا
خابت ظنون الحياه وخاب ميقافـي
.......................حتى الخطاوي بدت ترفض خطاويها
اقول للوقـت ليـه تبيـن الخافـي
.......................واشره على الهم والضيقه وداعيها
ويضيق صدر الشمال الطيب الوافي
.......................وتصيح خضر العروق بفقد غاليهـا


لك المتابعة والتوفيق

والله يبعد عنك الهم والغم ويسعد ايامك يالغالي

[ماجد صخنان العنزي]

بعيدا عن الشعر


انت نقي نقي يابوبندر


يرتاح الشخص ان عرف من يبكيه بعد رحليه


واضنك تبكيني

ولافيه غيرك


صح السانك ورحم الله لافي


ما اجمل من حرفك الا قلبك

[سعد المطلق]

عادل بدر صح بدنك
وردك كان الاجمل
لك الشكر