صالح الثبيتي
04-12-2007, 05:41 AM
عبس حرف القصيد اللي كتبته في هوى غيرك = وعاندني بها المعنى ولامتني قوافيها
عصاني ما عطى فرصه ابيّن له مخاسيرك = يقول ان الجزاله في قصيدك لا انكتب فيها
ياعمي شوف حتى اسمه اذا ما مر تصويرك = تباهت لونها الزاهي حروفك ما توفيها
حسين الطرف ومدلل رهيف القد ويثيرك = غنوج وبسمته روضه حنان الكون كاسيها
تجمع بالنظر سحره واذا ما خاب تقديرك = تقول انه ملاك وروعة الدنيا وصافيها
حمّار الشفه اللي لو تعبت ومل تعبيرك = حروفك لو عليها ضعفها ما جبت تاليها
اذا الليل الطويل اللي تقول اتعب مشاويرك = تعال وشف جادلها بتتعب في مساريها
صدر طول وتقاسيم وبها اشيا بتثيرك = خفّت عن عين ناظرها وجاتك وانت راعيها
حديثي مع قصيدي له شجون ما لنا غيرك = نعيد ونكتبك مره وتطربنا قوافيها
نسولف عن صدودك عن هواك وعن معاذيرك = عن ايامك هنا وهناك وكيف انك موانيها
عن الحلم اليتيم اللي ذبل بسباب تقصيرك = عن اشواقي عن اشواقك عن اياماً نداريها
عن البيت الصغير اللي كتبته في مأثيرك = عن اجمل قصةً ماتت ولا ضني بتحييها
وسلامتكم
عصاني ما عطى فرصه ابيّن له مخاسيرك = يقول ان الجزاله في قصيدك لا انكتب فيها
ياعمي شوف حتى اسمه اذا ما مر تصويرك = تباهت لونها الزاهي حروفك ما توفيها
حسين الطرف ومدلل رهيف القد ويثيرك = غنوج وبسمته روضه حنان الكون كاسيها
تجمع بالنظر سحره واذا ما خاب تقديرك = تقول انه ملاك وروعة الدنيا وصافيها
حمّار الشفه اللي لو تعبت ومل تعبيرك = حروفك لو عليها ضعفها ما جبت تاليها
اذا الليل الطويل اللي تقول اتعب مشاويرك = تعال وشف جادلها بتتعب في مساريها
صدر طول وتقاسيم وبها اشيا بتثيرك = خفّت عن عين ناظرها وجاتك وانت راعيها
حديثي مع قصيدي له شجون ما لنا غيرك = نعيد ونكتبك مره وتطربنا قوافيها
نسولف عن صدودك عن هواك وعن معاذيرك = عن ايامك هنا وهناك وكيف انك موانيها
عن الحلم اليتيم اللي ذبل بسباب تقصيرك = عن اشواقي عن اشواقك عن اياماً نداريها
عن البيت الصغير اللي كتبته في مأثيرك = عن اجمل قصةً ماتت ولا ضني بتحييها
وسلامتكم