فالح البريكان
04-15-2007, 03:11 AM
يوم غضّيت البصر عن واحد(ن) قدامـي = فرصة(ن) ضيّعتها مير اقمحـي ياعينـي
من صدودي ضاعت الخطوات بين اقدامي = ارتبكت وضعت باخطاي ورفعت ايديني
والله ان الصد والاربـاك واستسلامـي = مسوي(ن) فيهـا ثقيـل وشـي مايعنينـي
والوله والشوق طرش ومستلجّ وضامـي = وشوفته عندي غدير وبالغـلا يروينـي
الغلا جبري وطاعة من عشقت الزامـي = طاعته سلطـات عليـا تأمـر وتنهينـي
يصدر المرسوم امـره بالقـرار السامـي = ومايهم ان كـان يزعلنـي واذا يرضينـي
افهمينـي ياليالـي واسمعـي يايـامـي = عوّضي مافات من عمر الشقا واسنينـي
من نسيج العنكبوت وبصمتـي بابهامـي = ابني الشكل المناسـب والهـدام يجينـي
لو شكيت اهموم قلبي والحزن وآلآمـي = والشقا والضيم والحرمان واللـي فينـي
للصديق او للقريب او من عيال اعمامـي = مالقيت اللي يحـس وممكـن يواسينـي
كثر الله خير مـن يسكـت وماينلامـي = ولايقول بكلمـة الحقـران .. يا مسكينـي
آه ياجور السنين اللي نهشـت اعظامـي = آه ياالعمر الحزيـن ويالزمـان الشينـي
ياحياة اليـأس والاتعـاس والاوهامـي = ياسرايـا بـس ... تشحذنـي . وماتعطينـي
من صدودي ضاعت الخطوات بين اقدامي = ارتبكت وضعت باخطاي ورفعت ايديني
والله ان الصد والاربـاك واستسلامـي = مسوي(ن) فيهـا ثقيـل وشـي مايعنينـي
والوله والشوق طرش ومستلجّ وضامـي = وشوفته عندي غدير وبالغـلا يروينـي
الغلا جبري وطاعة من عشقت الزامـي = طاعته سلطـات عليـا تأمـر وتنهينـي
يصدر المرسوم امـره بالقـرار السامـي = ومايهم ان كـان يزعلنـي واذا يرضينـي
افهمينـي ياليالـي واسمعـي يايـامـي = عوّضي مافات من عمر الشقا واسنينـي
من نسيج العنكبوت وبصمتـي بابهامـي = ابني الشكل المناسـب والهـدام يجينـي
لو شكيت اهموم قلبي والحزن وآلآمـي = والشقا والضيم والحرمان واللـي فينـي
للصديق او للقريب او من عيال اعمامـي = مالقيت اللي يحـس وممكـن يواسينـي
كثر الله خير مـن يسكـت وماينلامـي = ولايقول بكلمـة الحقـران .. يا مسكينـي
آه ياجور السنين اللي نهشـت اعظامـي = آه ياالعمر الحزيـن ويالزمـان الشينـي
ياحياة اليـأس والاتعـاس والاوهامـي = ياسرايـا بـس ... تشحذنـي . وماتعطينـي