مـــعاناة يـــــتيــــم

[فهد مفلح]

ماجتنـي الدنيـا علـى ماتمنّـيـت=والحـزن غنّتـه الدمـوع الشقيّـه
اهيّد بصوتـي بلحـن الحـدا ليـت=يمكـن يقـوم الحـظ قبـل المنيّـه
تكتبني الونـه قصايـد وكـم بيـت=ترسمنـي الدمعـه حظـوظٍ رديّـه
تجينـي الدنيـا إلـى منـي اقفيـت=وتقفي إلى جيـت ابتسـم بالهنيّـه
ياحظي وش باقيلي وش خذت وخلّيت=امن القهر اصفـق براحـت يديّـه
ياوجد حالي وجد شيخٍ بنـا صيـت=انهد عـز الصيـت وشـد المطيّـه
يمشي وعبرات الزمـن والتناهيـت=توسم جمر من فـوق خـدّه غليّـه
مليت انا من غربت القـرب مليـت=مااعـرف انـا عـمٍ نوانـي بجيّـه
انـا يتيـمٍ فـي حياتـي تلـوّيـت=حنشان يومـي وقتهـا سـم حيّـه
ياعمي مانبغـا ريالـك إلـى جيـت=ابي السـؤال اللـي يبيـح الخطيّـه
قلت الله اكبر يالـي فيكـم تسمّيـت=وقلـت آه ياخالـي قديـم العطـيّـه
غريب حالي بيـن الأقـراب غنّيـت=واكتم انـا غيضـي بهـذي وذيّـه
خلقت اشوف افراحي ترحل وناديـت=افـز واتبعهـا وتعصـف عتـيّـه
عواصف الهم عجّها لامن اخطيـت=هبّت على لحظة فـرح ماهـي ليّـه
على فراش الحزن لاظقـت لجّيـت=اتوسـد الدمعـه ولحـفـي اذيّــه
أشق انا جيبي إلى صحـت وونّيـت=ألحـق بونـه صرختينـن قـويّـه
صدري تفتت من تناهيتـي تفتيـت=مالي جـدا ياحـرق الأهـداب فيّـه
متلويٍ فـي مرقـدي كـل مابيـت=كنـي علـى جمـرٍ بكيّـه وكـيّـه
بس لو تحداني الزمن لـه تحدّيـت=مايلـوي ذراعـي ويحكـم علـيّـه

شعر فهد مفلح الشهراني

[ميــرال]

شعر مؤلم

فهد الشهراني

نص على قساوته إلا انه مثل النسيم


كنت رائع

[سلطان ربيع]

فهد مفلح الشهراني
عزفت لنا بـ ناي اليتم بـ يتم
لايكابده إلا من فقد

زفرات هذا الناي عتب وتعب

لكِ التقدير

[خالد العقيل]

فهد الشهراني
رائعه بالرغم من قساوتها
تحيه تقدير

[العـنود ناصر بن حميد]

فهد مفلح الشهراني

صورت معاناة اليتم

فكانت قصيدة تسكن الوجدان

صح قلبك

ودمت بخير

[عبدالله ثويني المانع]

..

فهـد الشهراني

سلم فكرك ..
بانتظار الأجمل دائماً

لك الشكر وأرق التحايا

..

[فهد مفلح]

ميرال
الأروع حظورك ياعزيزتي لاهنتي
وتحياتي لك

[فهد مفلح]

لا هنت والأبداع حظورك

تحياتي لك