~~ قالت عروسه ~~ صوت خالد وصدى الشاعر: تركي عواد

[عبدالله الدخين]

للحروف / للشعور / للتواصل
حق شرعي على كل شاعر ومتذوق


فأتيت لكم / بهذه المشاركه المتواضعه
التي تأمل بأن تنال شرف قرائنكم لها

صوت

تركي زعجت الخبر وان جاك مرسالي = اكتب على سيرتي مرحوم ذكراها
ما غير اغني لها يا لالي يا لا لي = روحي حزينه وقلبي ما تعداها
أذكر لها ايام راحت مالها تالي = واليوم ( خالد ) يعاني مر فرقاها
في ليلة (ن) ساهر (ن) ثم دق جوالي = يا مار عيني بحيح الصوت ابكاها
هليت فيها وتسال؟ وشهي احوالي = ثم قلت ملعون ابو الفرقا ومجناها
قالت؟تراك إبخفوقي ومشغل(ن) بالي = وروح الخبيثه؟ عسى ان الله يجزاها
قالت؟ فلانه ترى خالد برا حالي = ما غير ايطري صفات اللي تحراها
ومن ثم دقيت ؟ يوم أنه تهيالي = ولاتحسب اني ابي الرجعه وطرياها
قالت؟ عروسه وقلت الهم هو فالي = هي ودعتني وانا اللي ادمح اخطاها
تركي..(هنوف العذارى) ترفض اوصال = شان القدر كيف؟ ابقوا مر جفواها
اليوم زوجه؟ وباكر أم لعيالي = وانا الذي طول عمري اتمناها
ماقبلها غالي أو لا بعدها غالي = ولا ظن في بالعذارى مثل حلياها
تركي انا عشتها ايام(ن) مع ليالي = راحت ثلاثة سنين (ن) شهد وياها
اسقيتها بالمحبه حلو فنجالي = ولا باقي إلا ترى فنجال ذكراها

الشاعر/ خالد الدعسان العنزي


صدى



الصوت صوتك وصوتك دايمٍ عالي = وان جيت يمي كتبنا تكرم الحاها
من عزتك جابني شعرك وغنالي = مثلك يطول السحايب وايتعداها
يانسل مفلح تطول المجد بافعالي= من هيبت اجدودكم اللي عرفناها
يعني حبيبي قريبه حيل ياالغالي = ياعم خلها تولي روح وانساها
من يرخصك وانت اقرب لي من ضلالي = لها الشرف يوم شعرك قام غناها
ان جيت يم الجنوب وخاطرك مالي = يا الوايلي عزتك ترقا وتلقاها
وان جيت يم الشمال وجرحي الصالي = عشرين سبعه اشوف الغير يتناها
الحال واحد عسى الله يستر الحالي = والكل منا بيفهم ويش معناها
ارفع مقامك ترا هالناس عذالي = لاجيت اكحل عيونه قمت بعماها
خالد واعرفه يجي شامخ ومتعالي = ماهو من اللي تذكر قام ناداها
والحين ابنسى طعون الوقت اشوالي = صارت هنوفك بيدين للي ترجاها
من خان ربي يخونه والله الوالي = واليوم راحت ولا ضنك بتهواها
والذكره اللي تجي حلٍ وترحالي = مجبور تنسى شعور اللي تغناها
ياعز تركي وهيبت ميلت اعقالي = بامصافح ايدك اطول الغير وارقاهااا



الشاعر الرائع / تركي عواد



صـوت وصـدى .. وآحساس نابـع من الروح ..


الشاعر الرائع / خالد مفلح ..

الشاعر الرائع / تركي عواد ..


عسـى الله لا يفـرق رفيـق ٍ عن رفيقــه ~ والله يبعد الهـم عن قلب وافـي ..

صـحت قلوبكـم .. وسـلمـت اناملكـما ..

لكم خالص مودتي وآحترامي ..

[خالد مفلح الدعسان]

خالد مفلح الدعسان

صح الله لسانك ولسان الشاعر تركي العواد

نصوص قاصت بأعماق الجمال بعذوبتها

إحترامي وتقديري


رجا المريخي

شكرا لك على هذا التواجد

من القلب لا هنت