أيـــــام الصــــبا

[عبدالله سماح المجلاد]

"


"



عفا الله عن ايام الصبا مالهـن حسـاب=ولهن ذكريات وماضيـن راح فـي دوره
لهن ذكريات الطيش والجـد والاتعـاب=ولاعاد نفسي في زمان امـس مجبـوره
مضى الوقت واعلنت الرحيل وقفلت الباب=وصديت عن مايشغل القلـب بحضـوره
سلى خاطري وانزاح همي وفكري طاب=ونفسي على نسيـان مافـات مسـروره
يلين اعترض لي واحدن يسلب الألبـاب=خذا فـي يدينـه شـي ماهـو بمقـدوره
خذا الروح والتفكير في سحره الجـذاب=قمر.. والظلام يحدني .. شع في نـوره
رماني بسهمن ماذبحنـي ولكـن صـاب=فؤادي.. وهو جارح فـؤادي ودكتـوره
طبع صورته وسط العيون ونظرها غاب=ولاقمت اشوف بناظري غير هالصـوره
يبادلني الأحساس والشـوق والآعجـاب=مثل مابقلبـي فيـه وشعـوري شعـوره
عطاني عهد طول الليالي نظـل احبـاب=وعطيته عهد هو شرع قلبـي ودستـوره
ــــــــــــــــــــــــــــــــــــــــــــــ
هذا النص نتج من داهية شعر
خطير هذا السعد وسيف شعره مختلف عن كل سيوف الدنيا
لن أزيد ياسعد فأنت أكبر وأكثر
في قلبي قبل حرفي

[إبراهيم الشتوي]

حضور لمصافحة النور والبلور ..

رائع بارع في كل حالاتك ..

ننتظر المزيد يا ودق .

[انبعاث شاكر]

طلعتْ شاعرنْ

[نادية المرزوقي]

خذا فـي يدينـه شـي ماهـو بمقـدوره


قصيدة راقت،

تحية طيب و عرفان،

دمت بخير .

[عبدالناصر السديري]

ما شاء الله زال الغموض اللي يلفني عن الأستاذ سعد سيف شاعر وشاعر جميل عذب وه الموقع الجميل العريق كله على بعضه قصيدة من قصائده الجميلة

[نادية المرزوقي]

كأنها شيلة في قناة الصحراء

: عسى الله يشغل الكاتب بخير ما ينفع دينه و دنياه،
نخاف نوصيه يسجلها في يوتيوب قناة الصحراء، بعدين تصير له سنة و عادة يغرق فيها و ينشغل من زود حلاة القناة و الشيلات الي فيها.
دمت بخير.

قصيده ملائمة لزفات الأعراس ، الله يديم الأفراح و يعمر بيوت المسلمين بالنجاح و الذريات الصالحات -آمين.

فائق التقدير و العرفان.

[صالحه حسين]

عندما قرأت في أبيات القصيده أن الله شفاك بالنسيان ... حسدتك ولم يطُل حسدي حتى بدت نواجذ عشق آخر أنشب أظافره في جلبابك
صح لسانك وعلا شانك وطاب قلبك ياقدير

[فلورا قازان]

"


حرف بالطهر مصقول .. يرنو نحو الضوء ترك خافقي يعاني المزيد من العطش والجوع
نبض بنفسج يتلوك شكراً .. وعظيم تقدير