يمرنا رفيقنا ما عزمناه ... ماهو ردا مار اوسط العظم جاااوي

[سلطان السويلم]

اتمنى ان تنال اعجابكم



صورة فقير ٍ شين وقته توطاه =عجز يمد الطيب ما هو بقاوي
ما له جدا غير البيوت المبناه =ينزل ويرحل وسط داره خلاوي
تطري عليه بيوت شعر ٍِِ مغناه =لبن سويلم يوم وقت ٍ شقاوي
يمرنا رفيقنا ما عزمناه =ماهو ردا مار أوسط العظم جاوي
ماحذا ثلاث ادلال والزاد مالقاه =والقل بلوى من كبار البلاوي
واليوم صار الوقت نعمه من الله =معاد به فرقه ولا به جلاوي
واللتمت العالم من أقصاه لقصاه =والخلق صارت مع بعضها تساوي
الخير واجد والعرب دوم تنصاه =وكل ٍعلى الِمدات راعي هقاوي
واللي نبي من فضل ربي لقيناه =شي ٍ نعيشه مايوصف براوي
كل ٍ خذا وقته على ماتمناه =ولا عاد تجزعنا كثير المناوي
الفضل للي حط بالباب شلفاه =اللي شلع من هيت مثل النداوي
بعد الله اللي كمله علم وأغناه =حتى غدا للطيب جامع وحاوي
حنكه وفطنه مع شجاعه ومع جاه =مع هيبة ٍ تخلف ولاهي بتاوي
ضرب سواد الوقت في كف يمناه =حتى انفلق نبع ٍعلينا رهاوي
واروى ديار" قبل عرفه بمضماه =دار الجفاف اللي بها البين ضاوي
وتزينت له يوم فازت بلقياه =مثل الهنوف اللي لفاها هواوي
حتى استلم عقبه طيور" مضراه =تمشي على دربه بنفس الخطاوي
وحنا على عهد ٍ وعد ٍ قطعناه =من دونهم ناقف جموع وعزاوي

[خالد العقيل]

سلطان السويلم
سعيد بـ كوني أول من يصافح هذه الرائعه
دمت ودام تواصلك
تقديري

[العـنود ناصر بن حميد]

سلطان السويلم

صح قلبك

ودام تواصلك الكريم

[سلطان ربيع]

سلطان السويلمي
حضرت وحضر النور
فـ أهلاً

[نايف السعدي]

سلطان السويلم
نص رائع
صح قلبك
احترامي