من الـ الماضي .... نص .... للحاضر

[نواف التركي]

.




.





.









يا صاحبي والعمر واحد ومحدود = والمقفيات عن المقابيل سدّت

ما بيّض الله وجههن روّحن سود = ولا ورثن لي غير بيضٍ تبدّت

ما راح راح وعمر الأنسان معدود = والنفس لو تعلم بغيب أستعدّت

يا صاحبي لو قلت لي (صج مقرود) = النفس لا من عافت الشي صدّت

ما ني مدوّر من ورى الكنكه فود = ولا نشدت ضعونها وين شدّت

بياض وجه وحرز عن كل منقود = ولا قولة أن (نواف) نفسه تردّت

اليوم أعيش وباكر الله موجود = والصبر مفتاح الفرج لا أستجدّت

خلّك من الدنيا ترا مابها زود = ياما وياما ضايقتني وعدّت

مادام تالي هالجسد ياكله دود = وشـ / عاد ينفع كان كدّت وكدّت

تعال نرقى العاليه هبت النود = وذود الهجوس براس شاعرك مدّت

دام الأمل في ناصية (مي) معقود = وشـ / عاد لو غيره من البيض لدّت

ياخيّ وصله وصل وصدوده صدود = وياكثر ما جابت ضنوني وودّت

تغيب أحس القلب ضايع ومفقود = وتقبل وأحس الروح للروح ردّت

يا صاحبي مادام هالعمر محدود = والمقفيه كفّت ووفت وسدّت

الله يبيّض وجههن روّحن سود = بس أكشفن لي كل روح وتبدّت

[إغفاءة حلم]

نواف التركي

نص كل بيت فيه اختصر درس
والدنيا مدرسة ... وحرفك مدرسة
كيف لي بأن اصف حروف الثناء ... حين ترتفع بي هكذا قصائد ...إرتفاعاً شاهقاً .. حيث سماوات الله .. الله
فكل حروف المديح تقزم قامتها بنظري ... أمام علو هذا النص ...

[فهد مفلح]

صح لسانك

وش عاد لو غيره من البيض لدّت

لاهنت يالغالي

تحياتي لك

[عبدالعزيز رشيد]

نصّ يزرع نفسه في الصدور
ويشعل التفكّر والتفكير
ألف شكر لك

[شوق]

صح لسانك

على جمال هذا النص

كل الغلا

أختكـ/المجروحة

[خالد صالح الحربي]

:

نوّاف التركي ،،
ينتبه للشّارِد وَالوارد في نَصّه ،
ولذلك هوَ يُثبت مقولة :
[ الكُتُبْ تُقرأ من عَنَاوينَهَا ] ،
_ ألف شُكر لكَ وللشعر الذي جمعنا بك _

[رجا المريخي]

نواف التركي

ونص يتلألأ جمالاً وعذوبه

صح الله لسانك وقلبك أخي العزيز

ودمت بهذا الألق

إحترامي وتقديري

[عبدالله الدخين]

الشاعر القدير نواف



صح لسانكـ وتسلم يميـنكـ ..



لا هنـت .. كبيــر


وأنا اشهد إنك جزل يالقرم






لكـ مودتي وآحترامي .