تـخـيـــّــل .. جديده .

[مبارك أبوظهير]

*

إقبلوها كما هي ..


*


تخيل لو تفارقنا وكل ٍ راح في حـاله=وبعد مده تقابلنا وش اللي يـطــري فـ بــالك ؟؟

أنا بتشوفني ضايع غريب ٍ تـعــْــبت أحواله=وأبيك تقول من بعدي أمــانه كيفـها أحــوالك .؟؟

ترى من غبت عن عيني فلاني ياالغـلا دالـه=أحاتيـهـا الشـمـاته وشـفـتـها بعـيــون عـــذالــك

همومي صارت فـ بعدك علي ْ يامنيتي عاله=وانا ادري مـاتـروح هـمـوم قـلـبــي غـير بقـبالك

هو غياب وقلب جوي وخلا ّ حالتي حاله=أجل لوهو فراق شلون أبحيا بغــيـره وصــالك ..؟؟

حبيبك دايما تبقى ورب البيت في باله=يبيك تكون مــثــله دايـــما يـبــقــى عـلى بـالك

يقولون العـرب منهو تولع فـي حصى شاله=وش يسوي أجل منهـو تــولـع بـــك ولا شــالــك

أثاريها المحبه يالطيف الروح قـتـالـه=مصيبتها تـْـخـليك تـْعـشـق مــن كـــان قــتــّـالك

أنا هذا شعوري في غيابك جاري إرساله=أبي يستقــبــله قـلــبك قـــبل ياصـــل لجـــوالك

وابي منـّك بعد شرح ٍ مفصل يشرح الحاله=عن أوضاعك بعد ماغبت عنـّـك كيفـــها حـالـك ؟

تعـال إشتـقـت لك واللي حمدناه وسجدنالـه=أمانه ماتحـس بـطــيـفـي بـدنـيـاك يبرالـك ؟؟



*


مبارك نايف أبوظهير

[عبدالعزيز رشيد]

امانه ماتحسّ بـ طيفي ؟


سؤال يتقطّر عذوبة
وجمالٌ عذب
ألف شكر لـ حرفك

[حسين العتيبي]

مبارك



صح لسانك ومهما قلنا من كلمات لن نوفيه بحق القصيده



إبداع يتوارد مع كل قصيده لك




اخوك حسين العتيبي

[سعد مسهوج]

الله الله


صح لسااانك يابو نايف



مبدع



سجل اعجابي




سعد

[عبدالله ثويني المانع]

..

مبـارك أبو ظهير

في هذا النص يبعث برسالة حب ..
عبر باقـة زهـور وشعـور ..
..
نص ممتع يا .. مبارك لك الشكر ..
والإحترام ..
دام تواصلك وتفاعلـك

..

[نـــجد]

" يقولون العـرب منهو تولع فـي حصى شاله "

رسالة من وجع الغياب إلى خوف الفراق

حتما تصل للفؤاد

صح إحساسك المرسل نبضاته

[شوق]

الله الله الله
صح لساااااااااانك

على روعة هذه القصيدة

كل الغلا

أختكـ/شووق

[رجا المريخي]

مبارك نايف أبو ظهير

صح الله لسانك أخي العزيز

نص يتلألأ جمالاً وعذوبه

إحترامي وتقديري