الــوصــل .....

[مشاري الشليمي]

اهداء ..

لكم ..

ولــــ ... هــا ...








يا عنفوان الطيش في اول بدايات الصبا = يا آخر مراحل الاشتياق اللي تمر بدفتري

اذكرك واحيان اعتبر ذكراك نوع من الغبا = وانساك واحيان اعتبر نسيانك آخر .. آخري

للموت يعني .. ياخذ النسيان محبوبك هـَبا = منثور .. وانتي ما تلمينه .. ووصلك يحتري

للوصل يسعى .. ثم يركض .. وان حصل له لك حـَبا = كل الوسائل دارجه للوصل .. قومي وانظري

حالة عدوك حالتي .. من يوم فارقتي الـرُبا = ظميان وانتي سلسبيل الماي .. وأعذب أنهـُري

سألت عنك الطير .. والأبحـُر .. وقطعان الظـِبا = وأنتي على الهجران .. مازلتي بطبعك تبحري

اتبع خيالك أينما كنتي .. وأنا عيني .. تبــا = شوفك .. وانتي رأس ماليــه .. وطبعك نــاصري

قمــة تنــاقض .. في غرامك .. يا غرامي وإن كبــا = جـواد حبـّي .. من حركاتك .. وحظي يزدري

أي والله اني عاشق وصالك .. ولا فيها إختبا = من دون لا ابيــّن لك الاشــواق .. نفـس البحتــري

انتي و زين الناس .. صرتي .. يا ربع ولا ّ أقربا = بـس الوكاد انه عليك يبــيع وانتي تشتري ..

فرشــت دربك بـ القلوب .. الحمر .. وصارت لك عبـا = روحي .. وروحي وين ما رحتي .. تراني .. أحتـري

جيـّتك يا أغلى غلا ساكن بـ دمي .. من صبـا = عمـري .. وعمري دون وصلك يا حياتي .. يهتـري ..

[نـــجد]

قصيدة الوصل كانت وللوصـل تغني

جميلة جدا
صح إحساسك وصلا وإنتظارا

[أحمد حجاج]

.
.

صح نبضك يامشاري ..


سعيد جداً بمصافحتك هنا ..


نص جميل .. ويتحدث بـ لسان الجمال ..



تقبّل إعجابي بـ / ك وبـ / نصّك




لك كل الود

[العـنود ناصر بن حميد]

مشاري الشليمي

كل نص يأتي ليصافحنا بمحبة

دام البياض يكتبك

ودمت بخير

[عبدالله سعيد]

:

:


وجدانيات مشاري الشليمي , متخمة بالندى
ومكثفة بالشعر
رائع قلبك يا مشاري

:

:

[عبدالله الدخين]

الأخ الـــعـــزيز .. / مشـاري الشليمي



لا أجد حروف ٍ.. بقلب التعبير .. تكافئ قصيدتك الشامخة ..


فـ لله دركـ ,,


مودتـي واحترامي ..

[فيصل ناصر]

أخي االعزيز

مشاري الشليمي


بوح راقي جداً ... أهنئك على هذا الأبداع الجميل

دمت ودام بوحك بكل ود ومحبه

تقبل تحياتي واعجابي

[شوق]

قصيدة رائعة

جميلة بمعناها

كل الغلا

أختكـ/شووق