مُحاولة لصناعة : [عُشّ] !

[خالد صالح الحربي]

:

الليل حَيّة ، ولكن ماهي بـْ... رقطا !
ـــــــــــــــــ والصبح عصفور فَلّ الريش في عِشّه

صَحّ المسا صَحّ لوهو ممتلي أخطَا ؟
ـــــــــــــــــ وخطا الصباح ، إنّه يخبّيه و يْخِشّه ؟!

[خالد صالح الحربي]

:

قِل فَلْسَفَة / بَلْ سَفَه أو طيش يا أُسْطَى
ــــــــــــــــــــ بلاش من هَالمُدُن محتاج لي : [ عِشّهْ ]!

[خالد صالح الحربي]

:

يالغايب اللي من أوّل ثانيَة : أبْطَا !
ــــــــــــــــ تعال شف هالخفوق مبعثرٍ قَشّهْ !

ماني محاسبك رمشك وش خذا وأعطى
ــــــــــــــــ أبيك تلعن أبو هَالقلب و تْحِشّهْ !

[خالد صالح الحربي]

:

كلاكيت ( 2 )
قبل نتمعّن و نتنعّم بـ... الأحلام ،
ـــــــــــــــــ هَيّا بنا نَقْرأ .. [ فناجين بُكْرَة ] !

بُكرَة هُو آخر خيط بيدين الأيّام ،
ـــــــــــــــــ ومن عَلّمَك للحُبْ عَلّمْك : تَكْرَه !

[خالد صالح الحربي]

بطاقة :

خلاص قَرّرت ابني عشّ لـْ... عيونك ،
ــــــــــــــ يا أوّل أغصاني ، وآخر عصافيري ،
من علّمْ الطُّهْر ياخذ لون من لونك ،
ــــــــــــــ علّمني أعرف بأنّك مُنتهى خيري
شوفيني مسافرٍ من كوني لـْ.. كونك
ــــــــــــــ يااخر محطّاتي وأوّل مشاويري

[خالد صالح الحربي]

:
ألف باء الهباء الإنتماء لكُلّ ماله رغبةٍ بالحُزن ،
فيما يُشبه الخارج من النبض الكئيب المستريب المستصيب
من آخر أحلام الطفولة حُلْم حُلْم وطيش طيش ورغبةٍ بالعيش
ياكُلّ الصّباحات / الفراشات / المساحات الهُدُوء المُوغل بصخبه وْ..
نَخْبه ، وَ أغنّي لك وأنا اللي مالقيت اللّي يغنّي لي ،
بْمَوّالٍ من الإيمان وَ الرُّمّان وآلاف الشُّموع وْ هفهفات الغيم
يَا أُنثى ..
يَا أُنثى
يا أُنثى
.. لها من خارطة هالصدْر مملكتين من تين وْ ..
بقايا أطلال واستحلال و استهلال للماس المخبّى عن عيون الكُلْ !
تصير الشّمْس / يموت الـ... ظِّل !

[خالد صالح الحربي]

:
وابعثرني وَرَق ممزوج في حبره .
___________ لو أعيده إلى بحره : يبعثرني .
إذا كان الخفوق الذّابل بـْ...قبره ..
___________ حَيَاني ليت مَرّة بس يقبرني .

[خالد صالح الحربي]

:

هنا كان السُكوت يْجَدّل النَّبرة ،
________ مدامك يالكلام العذب : تشبرني .
إذا كانت خيوط الشمس تختبره
________ أخاف تْغِيب قبل اللّيل يخبرني .

[خالد صالح الحربي]

:

هذي الوِحْدة تشبه ساعة، تاهت ليلة عن عقربها
__________ كانت تَعْبُر هذا الوقت الذّابل فيها نَحْو : القَادِم
مَرّت في صُحْبَتها جْرُوحٍ شفت أبعدها مثل أقرَبْهَا
__________ وكَانت حَوّا في لَحْظَتْهَا تَكْسِر ظِلعينٍ في آدَم !

[خالد صالح الحربي]

:

هذا المسا ماهو مسا ، خير دونك
________ قولي أسا ، وآقول : من دون آخر

كِنّ البَلَد [منفى] ، وربّي بدونك
________ لا البحر بحر ، ولا البواخر بواخر

مدري هو إنّي كنت أشوف بعيونك
________ وإلا وجودك يجعل الكون فاخر !

[خالد صالح الحربي]

:
كَانَتْ السّاعَة : [ كَفن ]
___________ وكانت الظّلْمَا : بيَاض !
لَحْظةٍ فيهَا الـْ... جِفِن ..
___________ وَدّعَ الآخَر .. وْ فَاض
خَلّت الْبَحْر الـ...سُّفُن ،
___________ خَاليٍ منها الـْ.. وِفَاض .

[خالد صالح الحربي]

:

كل ما حبّيت لي شَخصٍ مرِض
__________ شيّ من ربّي ، قَدَر مدري قَضَاء
ماني والله ياجماعة : معترض
__________ بس أبا اكْرَهْكُم على حَدٍّ سَوَاء !

[خالد صالح الحربي]

:

وآتهدّم /
كنّي اللي ما بقى بعروق دَمّه : دَمْ !
ناحلٍ / يكفي لضيق الكون كلّه : يستحلّه !
ما بقي له غير سلمى
والجفاف اللي يجغرف كُل هالما !
انحشر في ثوبه البالي ، وضمّ أصابيعه لـْ.. بعْض ،
_________ راميٍ حمله على كتفهْ ، واغنياته لون داكن !
دربه المظلم يأرّخ به هالسما ، و تطيح أرض ..
_________ مثلما طاحت أمانيه وْ .. مثلما ما قبل : لكن !
يوصل المقهى ويلقى وحدته ،
.. .مع ضيق خلقه ،
بـ... إنتظاره !
فتّش جيوبه وْ حَصَّلْ لِهْ [ سيجاره] !
شَبّها بالماء..
وأعلن
ا
ح
ت
ض
ا
ر
ه

[خالد صالح الحربي]

:

ماقلت لك ،، ،
إنّ المحبّة جايرة ،
وإنّ الأمَاني حَايرة ،
وإنّ الطريق اللّي مشينا به عَبَثْ
ياخِذْنَا من رِيق الـْ... حزِن ،
مثل قصيدة بْلا وَزِنْ ،
من شان يرمينا على المينا : جُثَثْ !

[خالد صالح الحربي]

:
يَا إلَهي طَهّر القلب من حُبٍّ سَطَا ،
__________ فيه مَا لا فيه ،، مَا لا يُعَدّ من الطّعُون .
مَا تَخَسّرت إنْ جفني لهْ فراش و غَطا
__________ الخسارة عُمري اللّي رهنته للـ.. عيون .

[خالد صالح الحربي]

:عشّ مُشَوّه ،،

تضيق الرُّوح بِجْرَابَهَا ،
وآمِدّ لِي كَفّي ،
وتْخُونِنِي كَفّي ،
تْفيق جْرُوح و ارْتَابَهَا ،
و تَنْدَهْ بِي :
[ يْكَفّي ] !

[خالد صالح الحربي]

عُشّ مَبْتُور :
:
من اللّي رَتَّل النّايَات فِي صَمْتِه
وقال لْمَا وَرَاء الصُّبْح _ لَحْظَة قُبْحْ _
خِذْ اللّي بتَاخِذِه يَاكُون ،
قال الكّون لِهْ : هَاتَك !!

[خالد صالح الحربي]

عُشّ أخير :

:
مَادَام كَلْمَة : [ مُرّ ] هِي آخِر العُمْر
ـــــــــــــــ وشلون نَلْقَى بآخِر العُمْر ~ رَاحَة ~ !

[خالد صالح الحربي]

:
__________
عُشّ متأخّر :
__________

يالله نغنّي ع النوتة
.. . ونسوّي بيت وأولاد .

أكَلَتْ أحلامي الحوته
.. . والحوته بنت الـ..

كبرت حيل البنّوته
.. . وآنا اردّد " أمّا عاد"!

صَدايه ضيّع صوته
.. دلّة حلمي تبغى قْناد.

ألعب مع هـ العكروته
.. . " دبّ حليمه دبّ قْراد ".

🌹



* " دبّ حليمه دبّ قْراد".
إسألوا جدّاتكم عنها .

[خالد صالح الحربي]

:
يالله وأنا طالبك لا قلت: " آمين ".
.. ما ترجع الـ " آمين " إلا بـ اجابة.

أنا أدري أنّي طين مخلوق من طين
.. برحمتك هـ الطّين يُصبح: سحابة!
🌹