((( ثـــــــــــــورة شعــــــــر )))

[ناصر حطاب الدهمشي]

السلام عليكم ورحمة الله وبركاته

ليست غضباً . بل مجرد ثورة تختبأ خلفها كلمة ( أحبك )

إقرأوها بتـــأنــي



ثار الشعر ياطارقات الطواريق=هاكن جزيله وإتركن هالفتافيت
جتنكن خيوله من ضميري مطابيق=خيّالهن راع البيوت المساميت
ما صاغ راسه للبنات العشاشيق=الدانيات معاشرات السرابيبت
إلا أنت يا طهر البنات المطاليق=لك هيبةٍ تتبع خطاها زغاريت
ولك هامةٍ مادوّجت بالخناتيق=نادت شرفها والشرف جالها صيت
و أنا العزيز اللي إذا زارني ضيق=أرضى بنصيبي مشتكي للهلافيت
أنا جنون الشعر جزل المناطيق=وشيطان شعري يخدمنّه عفاريت
مايحدني قاف النساء والمطافيق=قافي سليط و ما تلده عكاريت
والحين أبردم فاهمتني مناطيق=مبغى تخوض بسالفتنا خراتيت
لدي لوجهي خلي عيونك تويق=بعيون ذيبٍ ماقنب من شحاليت
يمكن ترد ارقاب هجرك معاتيق=وأرتاح من همٍ سقاني لوافيت
ياهيه جيتك بالعدول المشاليق=وعدول غيري لو فتشتي حتاحيت
يا الغالية بعدك نعته المعاليق=وصارت ضلوعي ياغلاهن توابيت
ردي ياأغلى من سعى بالمخاليق=وإن كلّ ساقك لايهمك ..أنا جيت
أرضي دشاش و كاسيتها زماليق=حيٍ سماها والغدر وسطها ميت
ثار الشعر ياطارقات الطواريق=هاكن جزيله وإتركن هالفتافيت

وسلامة قلوبكم

أخوكم


ناصر حطاب الدهمشي

[عايد السميري]

صح لسانك

يالدهمشي


وسلمت / ودمت / شامخ كما انت

[عبدالعزيز رشيد]

جميله وجزله وأكثر ووافيه بالفعل
بالذات ماأعذب هذا البيت

إلا أنت يا طهر البنات المطاليق
_________لو غاب طيفك عن حياتي تلاشيت


تلاشيت هذه هنا قد اشعلت بأجمل الاحساس واعذب التصوير
أتت هذه الكلمة نهاية بيت أليم كـ نغمة رنّانة بالقلب
ألف شكر لك

_______


من حقّك تفرض على البيت التلاشي من النصّ كـ صاحب النصّ
لكن من حقّي اني أحتفظ به من التلاشي بالذاكره :)

[سلطان المسلط]

فعلا . ابيات . ليست . لمجرد . الاصطفاف . وتكوين . قصيده

إلا أنت يا طهر البنات المطاليق
لك هيبةٍ تتبع خطاها زغاريت

رائع. بحق .يا ناصر
مودتي

سلطان المسلط..

[خالد العقيل]

ناصر العنزي
سعدت بــ قراءه هذه الرائعه
تقديري

[ناصر حطاب الدهمشي]

الغالي

عايد السميري

وجودك شرف


كن بمحبة

[العـنود ناصر بن حميد]

ناصر حطاب العنزي

قصيدة للحب

لها رونقها الخاص

صح قلبك

ودمت بخير

[أصايل شماليه]

صح لسانك .. واعتلى شانك


مررت من هنا ولم أستطع الذهاب


دون إبداء إعجابي بحرفك