[سما وتحليق]

[عبدالعزيز رشيد]

هذي السما احلام
واللي مامعه جنحان
كيف يعيش دون احلام ؟

سرب يطير قلبي يطير ويّاهم
يطير يطير باحلامه
وهوى قلبي بـ واقع حطّم احلامه !

انا وقلبي نغنّي
وش بقى غير التمنّي

ياعيوني
اسرجي دمعك وهلّي
دمعك اللي
كنّه يدين الدعاوي
يمكن بـ لحظة دعاوي
تنبت الجنحان
واطير بـ سما الأحلام

احلامي قليله
حفنة افراح وديمه
كنّها كلمة حبيبة
قالت لـ قلبي : حبيبي !
هي حبيبة تمتطي ديمه
وديمه تمتطي ديمه

كذا
ماقدر اعيييش بدون
أحلام
او جنحان !

[عبدالعزيز رشيد]

مثلي كما طيرٍ فقد عشّه
_______ماله سوى يبني ومن ريشه

[عبدالعزيز رشيد]

http://www.3rbe.com/gallery/data/media/22/1207687507121051.jpg




بالحيل ياديمه
ظميان ياديمه
رجواي ياديمه أليمه
عيني تشوف الديم
وجنحان احلامي ضعيفه
وانتي تحاشين اللقا بس طحت ياديمه
إرمي علي قطرة مطر
دمعة اسى
لو كانت بـ كذبة رحيمه
يمكن تبلّل خاطري الظميان
وابقى اعيش احلامي بكذبه رحيمه
لو خاطرك ضايق
بس اذكري انّي احبّك موت ياديمه

[عبدالعزيز رشيد]

ليل وعذاريب وسهر
ونجوم تحكي للقمر
وش صار في ليل الغدر
من بعدما غاب البدر
طاحت عبايه من ظلام
وابتدت
ليله
بها طعنة غدر
وانسان ميّت بالهوى
شافوووهـ
من نور البدر !

[عبدالعزيز رشيد]

للطفلة ميثا :)







ميثا خزامى عاطره بنت المطر
_____________او كنّها فلّة تقل بسمة ربيع
او دانه وترقى السما مثل البدر
_________من حسنها والله انا وحرفي نضيع
باكتب لها باول سطر لآخر عطر
___________ياهي قلادة صاغها ربّ بديع
ميثا الصغيرة لاعبت غيم الشعر
______لين استحى وامطر وهي طفلٍ رضيع
من ربكتي ياكم تبدّالي كسر
_________ياهو الكسر بالجوهرة شيّ فظيع !

[عبدالعزيز رشيد]

ليلة سهر




أرق
منهو رمى فـ عيني قناديل السهر
ثما سرق نومي وهرب
خلاّ عيوني ناعسة
خلاّ همومي صاحيه
صاحت همومي
وقمت ادللها
وقلت لا منّك كبرتي
تصعدين لـ فوق
وتصيري بدر !

[عبدالعزيز رشيد]

(( عتاب لـ حبّة مطر ))



http://www.suzanne-alaywan.com/images/Drawings/DropOfWater.jpg



مطر وغيوم
صوت اذكار \ زخّاتٍ بالصدور الداعيه
وزهور تحكي للغيوم ايامها من دونها
بـْ لهحة عتب
"
كانت عذاب

كانت عذاب

كانت عذاب
"

أيامنا دونك
دخيلك لاتزيدين الغياب

[عبدالعزيز رشيد]

(( ماتت فرح ))



http://lennthompson.typepad.com/photos/uncategorized/rain_1.jpg


مسكينه اوراقي
بعد ماجا المطر
طاحت
كأن يدينها خلّت يدين اغصانها
وطاحت
وماتت من فرح !

[عبدالعزيز رشيد]

http://farm1.static.flickr.com/133/330322555_d32ba6301f_o.jpg



ليله تبادلنا الكلام
وماسألنا عن بعض
قلنا سلام الروح
وضع الروح مايسمح
على مرّ الغياب اللي لواها
مابقى فيها سوى رغبة فقيرة بالنظر !

[عبدالعزيز رشيد]

http://www.enjood.com/img/postfach2.jpg



شف من ورى الجدران
ياكم بكت أحلام
كم قفّلت بيبان
ومابين أحلامي
واحزان أيّامي
هذا الأمل مابان

[عبدالعزيز رشيد]

http://tkfiles.storage.msn.com/x1piYkpqHC_35kBW-jbianJ8-Z4ZpvDQMjml52GBy_y2Qro66EImNLUmZBMs_PItBAwlKBsSPQI NLP9csWUYqtYXmU6fgx8hcvCh20N27cZ3ZT8VrMSh7lScA



طفلين وتعاهدوا بـ حلوى
________واليوم صاب العهد بلوى !

[عبدالعزيز رشيد]

http://members.lycos.co.uk/ab33ad/up/ar/blue_sky.jpg



أسرح مع غيوم السما
مرّه ألاعبها
ومرّه امتطيها
لين مرّهـ
طحت
و
عنّي
راحت غيوم السما
لبعيد لبعييييد

[عبدالعزيز رشيد]

http://members.lycos.co.uk/ab33ad/up/ar/CA4NT5IK.jpg


أنا وانتي
وثالثنا طفولة

[عبدالعزيز رشيد]

يا دنيا:
من عرفتك ماعرفت ان الفرح كائن
من لقيتك مالقيت الودّ باين
من جمعتك ماجتمع فيني حضورك
من نثرتك مانتثر عنّي غيابك
من ومن .. مااااااعرفت انّي أحبّك ماأحبّك
جيت اسمّيك بـ دلال وقلت ياعمري (دنيّة) !



http://members.lycos.co.uk/ab33ad/up/ar/CA4JAP6R.jpg



مع تحيّاتي
عزيزك

[عبدالعزيز رشيد]

قالوا التفت شفها
ولاتغمّض عيونك
مادروا ..؟
كانت معي في داخل جفوني !




http://members.lycos.co.uk/ab33ad/up/ar/4f10ac7da-6c4a-4d3a-b8aa-9e.jpg

[عبدالعزيز رشيد]

(صوت)


أتعب الأصوات صوت يردّ بسكات
ـــــ تِتْعِب الأرواح حتّى تسمع الصوت

[عبدالعزيز رشيد]

(صدى)

تِتْعب الأصوات حتّى تسمع الصوت
ـــــ أتعب الأصوات صوت يردّ بسكات

[عبدالعزيز رشيد]

http://members.lycos.co.uk/ab33ad/up/ar/41b2964b5e.jpg


جنح صوتي على صمتك
جناح الروح راحت
واسرحت عنّي
وقربي طير وحداني ترك سربه
سألته وقالها :
ثم قالها:
طارن جناحيني !

[عبدالعزيز رشيد]

http://members.lycos.co.uk/ab33ad/up/ar/01-19-07~kfk.jpg

أجرح يديني
بسكّينـي
وأضمّدها بـ يدينك
ياعسا جرحي العُمُر
لو مابقى دمّ ف وريدي
,
كلّها لحظة عمر
خلّ العمر يمضي
ويديني تـعانق يدينك

[عبدالعزيز رشيد]

http://members.lycos.co.uk/ab33ad/up/ar/324.jpg



صراخك طفلتي
سكّينه ف راحة يديني
لو لثمت الفم بيديني
بـ ذوق الدمّ بلساني

[عبدالعزيز رشيد]

,
كلّك عطر
واحساسك بـ حرفك عطر
محظوظه اوراقك
تلامس قطرة احساسك

ليت اليدين اوراق
تشرب قطرة احساسك
وترويني وتفوح الروح
من عطرك

[عبدالعزيز رشيد]

,,
لاتسكبين الروح أكثر
مابقى
قالب بقلبي مارتوى
روحك جميله
روحك الحلوه غزيره
وامتلى قلبي
بـ روحك

[عبدالعزيز رشيد]

,,,
لازالت حروفي
لـ قلبك
ت
ن
ق
ط
ف
لك

[عبدالعزيز رشيد]

*

1
أجرح يديني
بسكّينـي
وأضمّدها بـ يدينك
ياعسا جرحي العُمُر
لو مابقى دمّ ف وريدي ياحبيبي
كلّها لحظة عمر
خلّ العمر يمضي
ويديني تـعانق يدينك

2
ياليتني لحظة
تمرّ بـ سكّة ايّامك
أقل شي
أقدر احكي لك
واناديلك
ذكرتيني
عرفيني
لـ محتيني
ولو مرّه
ولحظة بالعمر

3
ياكثرهم
من وين مارحنا
نلاقي ظلّهم
وللحين
ماطالوا!
ومازالوا
ظلال لـ حلم واهي

4
وجع
في داخلي صرخة وجع
شغب
في داخلي
ينادي
ويرميني إليك

5
ياليتها يدينك
تقوّسني
تقرّبني
تلملمني
إلين التم
أنا وانتي
وألاقيني ف يدينك

[عبدالعزيز رشيد]

http://members.lycos.co.uk/ab33ad/up/ar/m80hgh.jpg




خلي النوافذ ساهره
تتثاوب الموعد
أبرمي لك حجاره
حضنها أوراق الرساله ..

ترسم أيامي تغرّب
دام مامثلك بلد
باستوطن المنفى وعد

حتى الحدايق كلها ريبه
حتى الزهور النايمه تهمس بخفّه حانيه
وامشي وكلّي خوف يسألني أحد !

ياليتني بالبيت عندك
زجاجه لو تكسريني
بس اخافك لو تجيني وتجمعيني واجرحك

ياليتني كلمة أحبّك
تنطقيني
واظمن اني داخل احساسك

انا جيتك
وماغير الوله
طفلٍ تعلّق باصبع آمالي

اخيرا
تفتح الشبّاك
وتلقاني قتيل الليل!
وينك يارجى عيوني
رميت القلب لك
مثل الحجاره
لجل أوصّل لك رساله
انكتب فيها
احبّك للاخير !!!!

[عبدالعزيز رشيد]

ياغاليه
خلّي الحزن يبعد
واصير افراح واقرب

ياغاليه
قومي اذرفي دموعك على موقي
وفي عيني تعانق دمعتي

جيتك تعالي
ليتها يديني ضماد وتلمس جروحك
وهاتي لي تباريحك
وفي صدري موانيها

خلّي الفرح يتنفّس ايّامك
وأحزانك تبات ايّامك بـ كتمه

غبتي وفي حرفي نفس
ماله سوى روحك رئه

[عبدالعزيز رشيد]

بالأمس همس وليل يحكيني
ـــــ زحمة بشر وانفاس ماتنطاق
ويدين حلمي ماتودّيني
ــــ بالكاد كانت نومتي تنذاق
,

[عبدالعزيز رشيد]

أحيان في قلبي حكي
وكثير ف لساني حيا
ليت الحيا إنسان في عينه كلام

[عبدالعزيز رشيد]

هذا مكاني
تو رجع لي

[عبدالعزيز رشيد]

جا على بالي أقولك
في قصيدة
مانمت في بال

مدري
ريحة الأمطار من فم الغيمة؟ ولا من انفاسك؟؟
دفا شمس النهار اقرب لها ضمّة يدينك
دايمة
انتي ف بالي
وغاليه
لو يختلف اسمك
ماتختلف صورة وجودك

[عبدالعزيز رشيد]

ياطير
يامرسول
تبني ف داخلي عشّك

من اللي أرسلك؟

لوكانت الصدفة
تمنّيت الحياة تكون صدفة

قريتك ماتهجّيتك
وربّك تحفظك روحي وماتنسى
لو النسيان يسرقها
تردّه صورة عيونك

[عبدالعزيز رشيد]

آه ياصعب الكتابة
ماقدرت أكتب مشاعر أغرقت روحي
من اللي يفهم حروف الغريق؟

[عبدالعزيز رشيد]

يومٍ رمتني لك دروبك=وقلتي على الله وش جابك
جيت اسرق العطر من ثوبك=واغفى بفيّة هوى بالك
مدّيت كفّ الغلا صوبك=حسّيت بك والحيا انتابك
جيتك وعيّا الهوى يتوبك=وادري عذابه على حسابك
ياحظّ من صار محبوبك= يمسي ويصبح على اعجابك
خليّت طيري بنبنوبك=قولي لها الطير وش جابك

[عبدالعزيز رشيد]

حسبي عليك ..
حتّى الشعر وياك يخطي!
عيّت معاني الحبّ تمضي
ماراقها : وصف وصُوَر !
حبّت تجي بثوبٍ جديد
لامرّتٍ في واديّ الشعّار كان
ولامرّه فوصف الحسان انقال